سلام ..
والله يا ان مخي يغلي من شموس هالقايله
لكن مثل ما وعدتكم .. اني اروح اليوم لموعد المراجعه الكشف الطبي ..
لامن المشاات ( بالرياض ) مركز صحي مدينة تدريب الامن العام ..


اول شيء جيت الساعه سبعه الاربع ..
جيت بادخل مع البوابه .. بسيارتي .. لقيت عريف ماسك على البوابه ..
شغلته التنغيف .. والله ياهو يحفر في خشمه تحفير غير طبيعي ..
قالي ديور الله لا يهينك .. وادخل براسك وانتظر هنا عند البوابه لين يجيكم باص القصاص
ويشيلكم ..

انتظرنا ما يقارب النصف ساعه ..
لين جانا " ابو عبدالكريم " اللي هو الرقيب .. حظرنا ونقزنا للباص ..
وحركنا على الساعه 7.45 .. لان فيه مجموعه جات الساعه 6.15 ودخلوهم قبلنا ..
لذلك اخذ فراشك ولا تنام الا عند البوابه ..

طبعا يصفونكم على الجدار ويوزعون عليكم استمارتين ..
الاول حقت الكشف الطبي .. تكتب فيها بس اسمك ورقم الاحوال ..
تسوي فيها نفسك دكتور وتعبي الطول والوزن .. حتما سـ تاكل تهزيئه لا مثيل لها ..
والثانيه حقت تاريخ الامراض اللي مرت بشخصك الكريم .. طبعا رئيس الرقباء ..
اللي وزعها علينا يقول حطوها كلها لا .. مطنوخ حد الثماله وراعي طقطقه ..
من الساعه 8 لين الساعه 10.30 كلها سوالف معه وطقطقه .. حتى يوم جاني الدور ..
مابغيت ادخل .. المهم تجي بثوب .. وطاق بنت البكار .. كنك واحدن جاي بيرقم ..
اسمح لي انه راح يطيح وجهك بكل ما اوتي من قوه .. عشان كذا حقط اومها بالبرمودا ..
وتعال مرفوع الراس .. ولاتستحي .. وهات معك صوره وحده 4*6 يدبسونها لك في الاستماره ..
فقط لا غير .. لا تجيب حاجه غيرها ..

بتسوي فيها فاهم وتقول الاحتياط واجب ..
وتجيب اوراقك وملفاتك .. كلها ستكون طريحة طاوله في صاله الانتظار ..
ولا راح تستفيد منها شيء .. وبترجع بها مثل ما جيت بها ..
لذلك حفاظا على عضلات سواعدكم .. خلوها في بيوتكم .. < خاص للنوع اللي اذا وقفت ناموسه على كتفه جاه شد عظلي من النعومه ..

اول ما تدخل ..
تروح للطول والوزن .. عند نوفي .. يالبيه يا ذا الستتر حبيتها والله ..
وزني كان ناقص نص كيلو .. زودتني ثلاثه كيلو .. الظاهر اني وقعت في شباك غرامها ..
تحرك بعدها عند سستر وجهها كنه وجه قرد .. وطولها بالكاد يصل الى 2 انش ..
تاخذ ضغطك .. وتسجله بالاستماره .. ثمن بعدها تروح للعنزي .. دكتور سعودي ..
هو اللي يكتب الوزن والطول بالاستماره .. خذوها نصيحه .. لو وزنك ناقص والا زايد ..
طبعا زياده موب كثيره .. بتمشون بالراااااحه ..

ثمن بعدها .. دخلنا على الغرفه الثانيه ..
اول شيء الهنديه حقت النظر .. معنا واحد .. من ضعف النظر اللي فيه ..
ما يلبس نظارات .؟ لا ما ينفع معه الا دربيل .. ومشى فيها ..

ثمن .. حق الخشم والاذن والحنجره ..
لا كشف عليك .. بيقول وذنك بايززه .. انفك بايززز .. لكن ما عليكم ..
سرعان ما يكب في الاستماره لائق .. وتنطلق ل دكتور النفسيه ..

عاد دكتور النفسيه .. هذا نكته ..
ابصم بالعشره ان معه انفصام حاد في الاغشية المخاطيه ..
وتوحد من الدرجه السادسه .. آدمي موسوس .. عنده احد .. ما عنده احد ..
يسولف .. 24 ساعه يسولف .. المهم كل اللي عليك انك تعطيه على جوه ..
وتخليه يوقع لك بس .. < صار هو الدكتور ..

ثمن تنطلق بعدها ..
لِ طبيب الاسنان .. سعودي ..
ما يدقق الا على الاسنان الاماميه .. وموب ذاك الزود بعد ..
واحد معنا .. ضروسه متهاوشه مع بعض وجميع الالوان فيها ..
اصفر , اخضر , اسود , برتقالي .. قال له لا تجي الدوره الا وانت مصلح اسنانك ..
و وقع له انه لائق ..

ثمن تدخل داخل ..
على حق الصدريه .. يغمز بطنك .. ويحط السماعات ..
وانهت وتنفس ومدري كيف .. ثمن يوقع لك بلائق ..

بعدها تروح لحق العمليات " التفسيخ "
اني ارى بعض الوجوه قد تغير لونها .. رجاء اي بنت لا تقرى هالكلام اللي تحت ..
يمسح ظهرك .. وفخوذك .. وذرعانك .. اشك انه دكتور مساج ..
ثم يفسخك .. ويركز .. على الحاجتين اللي تحت اللي في كيس .. < اسمحوا لي شباب مقدر اوصف اكثر من كذا ..
ويقول كح .. ثمن يوقع لك ب لائق ..


بعدها تروح للاشاعه ..
ياخذون لك اشاعه لصدرك من قدام ومن ورى ..
وياخذون استمارتك .. ثمن يقولون رح لِ فحص الدم ..
عاد هنا .. تطلع الفضايح .. دخلت عند ممرضه سعوديه .. طقت الابره في ذراعي الاول ..
ما طلع دم .. حولا ما تعرف وين الوريد .. قلت : تبيني اعصر لك دم من مخي مرورا بذراعي ..
لين يطلع .. راحت للذراع الثاني .. والحمد لله طلع دم .. لونه كنه وردي ..
قالت ماشاء الله دمك وردي .. قلت اي والله من طاعت الرحمن .. وكان وقتها قدامي واحد ..
من العيال .. دمه اسووووود .. قلت : هذي والله المعاصي ..

بعد ما تاخذ الدم ..
تقول هاك هالعلبه .. واملئها بالبراز ..
عاد تنزل للصاله اول صاله جيت لها .. تروح للعرفاء هناك ..
يفتشونك .. عشان احتمال انك راعي تعاطي وراعي جو ملكي .. ما تكون مهرب معك عينه ..
والا شيء .. تدخل الحمام وانتم بكرامه .. الله لا يهينك تعصّر ليما تطلع الزغلوله ..
ثمن تحطها في حافظه مع بقية الزغاليل .. وتطلع للباص ..

يقولون لك .. بعد اسبوع بتجيك رساله ..
المقابله الشخصيه .. وبعد ما تروح للمقابله .. اسبوعين .. ويرسلون لك رساله ..
بالتحضير .. لِ مكه .. لتدخل العسكريه مع اوسع ابوابها ..

وسلامتكم هذا اللي صار معي بالتفصيل ..
واللي موب رايق يقرى الهذره .. النقاط المهمه .. حطيتها بالاحمر ..

الله يعطيك العافيه ياجفن الاقدام يدققون عليها ولا لا لان انا اقدامي مفلطحه وموعدي السبت في مستشفى قوى الامن بالرياض

لا تعليق

الله يعطيك العافية يا الغالي

أنا من جدة وموعدي في مكة

في الأخير كاتب في موضوعك التحضير في مكة يعني من كلامك الدوره فيها

وكم مدة الدوره سته أشهر أو تسعه

الله يوفقكم