هام لمجندي كلية الملك فهد الامنية وديوان الوزارة

موظف بالاحلام · #1 (**permalink**) 17-03-2010, 09:29 PM

السلام عليكم ورحمة الله وبركاته ..
اولاً مبروك لجميع المقبوليين بكلية الملك فهد الامنية ( افراد) وديوان الوزارة .
بصراحه .. انا قبلوني وخلصت جميع الكشوفات . بس ( ماظنتي ابكمل معهم ولا راح اجيهم للدورة ) .
والسبب هو .. اني جمعت معلومات عنها من مصادر مختلفه .
________________________________________
اولاً للاسف الشديد / رواتبها اقل من رواتب الامن العام . بقرابة 400 إلى 500 ريال .
ثانياً دورتها / ثلاث شهور فرد اساسي [ وبعدها تكمل الدورة من الصباح الحضور وتنصرف الظهر ] بعد الثلاث شهور عاد بأي وقت يعجبهم . .
ثالثاً / والأهم [ تبطي عظم ماتنقل لديرتك ] ^_^ كلية الملك فهد الامنية مالها فروع بالمملكة لجل كذا مافيها نقل .
والمصيبه الي عقدت علي الأمور هي اني كنت داخل على امل بعد التعيين احصل دقيش وانقل لديرتي إلى اي قطاع آخر . ولكن كان الجواب من شخص يعمل بها له 10 سنوات .
يقول لجل تنقل بدقيش لازم تجيب دقيش ( بنفس الرتبه + التخصص ) وبعد هذا كله ترفع اوراقك للكلية لجل يوافقون على المداقشه هههههه ولكن للاسف هو جاب لهم دقيش بنفس الرتبه والتخصص ورفع اوراقه على كلامه [ له الآن 7 سنوات ماحصل جوابهم ] يعني بختصار مثل الي يقولون له .. استررررررررريح نقل ومداقشه مافيه ^_^ .

وانا اتصلت على الكلية نفسها على رقم الاستفسارات . وسألتهم هل في امل بالنقل قالو مافي نقل.
قلت عن طريق مداقشه . قالو اساساً صعب تحصل دقيش لك بنفس الرتبه والتخصص .
قلت له لو حصلت .. قالو لو حصلت صعب الموافقه على طلبك هههههه .
قلت يعني؟ قالو بختصار نبي شخص يدخل باب الكلية يتوظف يتخرج اثناء التقاعد وسلامتك .
قلت امممممممممممم الله يعوضني خير عنها ان شاء الله .
والله شيء يقهر يوم تحصل عمل له بعد عناء . ولكن ظروفك لاتسمح لك بالبعد عن ديرتك واهلك لسنوات طويله .. او تحصل العمل له قوانين وشروط ماتخليك تكمل معهم .

ادعولي ياشباب بأن الله يعوضني بوظيفه احسن منها .

موفقين جميعاً .
تحيتي

C.N.E · #2 (**permalink**) 17-03-2010, 09:33 PM

الله يكتبلك ما فيه الخير .. ولنا جميعا

موظف بالاحلام · #3 (**permalink**) 17-03-2010, 10:34 PM

وياك ياغالي وشاكر لك مرورك الجميل
تحيتي

نيان · #4 (**permalink**) 17-03-2010, 10:50 PM

اشكرك على هالمعلومات اخوي بس حبيت اسالك يعني كم الرواتب بالنسبه لجندي اول وبالنسبة للترقيات
والله يعوضك بالوظيفه الي فيها الخير لدينك ودنياك وعاقبة امرك

عارف · #5 (**permalink**) 17-03-2010, 11:02 PM

يا اخوان قبل خمس دقائق وصلتني رسالة تم قبولك مبدئياً بمجندي الكلية وعليك الحضور 5/4/1431
ودخلت على الموقع وطلعلي ناسف على عدم قبولك مع العلم اني مقدم برخصة قيادة عمومي على ديوان وزارة الداخلية يا اخوان يليت تفيدونني هل كذا انا مقبول على الكلية ولا وزارة الداخلية يليت تفيدونني بالمعلومات
بنتظاركم

خالد جده · #6 (**permalink**) 17-03-2010, 11:04 PM

الله يوفقــــك بـــأفضل منهــــا
وماشاء الله مؤهلاتك ممتازة
أنتظــــــر وفالـــك الوظيفة

تقبل مروري,,,

دنيا دوارة · #7 (**permalink**) 17-03-2010, 11:06 PM

يا موظف ياطولي عمرك هل هاذي الشروط تخص برضة ديوان الوزارة
واشكرك على هاذي المعلومات

نيان · #8 (**permalink**) 17-03-2010, 11:07 PM

اقول شكل الي انقبلوا فيها مايبونها وصار عندهم عجز بس انت روح وشوف انا طردوني عشان النظر واليوم مكلميني يقولون تعال ولا تنسى تجيب نظارتك معك قلت سمع(ن) وطاعه سيدي