السلام عليكم ورحمة الله وبركاته

يوم الثلاثاء الساعه 3:15 عصرا دقيت على واحد من اخوياي وقلت له ابيك توصلني للخط

خويكم ما معه سياره ولا حصل احد من جماعته بيمشي لرياض

قالي خويي ابشر بوديك نقطة التفتيش تركب من عندهم

المهم وصلنا نقطة التفتيش وقدر الله وركبت مع واحد ثلاجه الشاي جنبه والكاس ورا الكاس

قالي اشرب قلت تسلم ما اشرب الشاي

المهم يوم صكت الساعه 7:30 الا الرجال منزلني في الدخل المحدود في الرياض لانه من حقين الدخل

واركب لك مع تكسي الى النسيم بثلاثين ريال

وصلت البيت واتعشاء لحم مع ان بعض الاخوان في المنتدى يقولون لا تتعشون لحم ليله الفحص

لاكن ما قدرت اقاوم شكل الكبسه قدامي

المهم بعد العشاء اسحبها نومه لين صكت 6:30 وصحيت وصليت صلاة الفجر والله اني متاخر فيها

وبعد الصلاه لبست الزي الرياض وتوكلت على الله وانا طالع من باب البيت لراعي التكسي معي

سلام <<< وعليكم السلام >> بغيت مركز صحي قوى الامن بمدينة تدريب الامن العام

قالي عشرين قلت توكلنا على الله ونمشي ومع طريق خريص

حتى قلنا سلام يا البوابه الرئيسيه وينزلني ويديور التكسي واقف عند الجندي الي ماسك خفاره

قلت بغيت مركز صحي قوى الامن قال منشات قلت هالله هالله

قال صف مع الشباب الي على يسار البوابه واصف معهم وننتظر ربع ساعه 18 واحد حتى جانا الباص يشيلنا من البوابه الى المركز

وصلنا المركز يوم ناظرنا لقدامنا 40 واحد ونقعد نمسك سرا في الحوش حتى يخلصون الي في الصاله الي قبلنا

ونحنا قعود في الحوش يعطونا استمارات تعبيها اسئله كل اجوبتها لا اسئله تافها

وبعد ما خلصو الي في الصاله جينا مكانهم وند خل على واحد واحد اول شي طول ووزن
ثاني شي ضغط + دقات القلب ثالث شي واحد يكتب الطول والوزن في الاستماره الي انت عبيتها

لانك بعد ما تخلص الطول والوزن السستر تعطيك ورقه صغيره فيها طولك ووزنك

رابع شي اختبار عمى الالوان + النظر خامس شي حنجره + اسنان + اذن خامس شي دكتور نفسيه يعاين في شكلك ويسالك سوال لاكن انا على طول طقطقت عليه لانه مصري ومدحت المنتخب المصري وعلى طول مشاني

سادس شي دكتور الاسنان

بعد ما خلصنا من الامور هاذي كلها في الصاله الاولى
انتقالنا الى الصاله الثانيه

بسم الله دخلنا

نمسك سرا ندخل على عيادات سرا على واحد واحد دخلنا الاولى قال افسخ الفنيله وفحصني شوي على صدري وظهري
طلعت من عند العياده الاولى

دخلت على الثانيه قال مد يديك قدام وبعدها قال افسخ السروال

الحمد لله طلعنا من الصاله الثانيه اتجهنا لثالثه دخلنا على غرفه وسوينا كشف الاشعه

وبعد ما خلصنا الاشعه اتجهنا للغرفه الثانيه غرفت سحب الدم

وبعد ما خلصنا الامور هاذي كلها عطتنا السستر حقت البول العلبه الصغير نعبيها على طريقنا ونحنا ماشين من دورة المياه ولكم الكرامه ونحطها في كرتون

وبعدها طلعنا من باب الصاله الاولى وركبنا الباص وصلنا للبوابه الرئيسيه

وارجع للبيت مع تاكسي بعشرين واتغدا وانوملي كم ساعه وبعدها مشيت مع واحد من العيال الى الديره وتوني واصل واعذروني على التاخير والله ما جالي نصف ساعه من لحظة دخولي البيت

بس قلت خلني انزل الموضوع لشباب
وبالتوفيق





اي سوال انا حاضر اذا ما استطعت ارد على اسيلتكم الان ارد عليها وقت ثاني

يعطيك العافية ماقصرت بيض الله وجهك

مشكور يالغالي وماقصرت وفالك الدوره

الله يعطيك الف عافيه
الله يوفق الجميع

يعطيك العافية وعقبالنا ان شاء الله

شكرا على المرور

لاكن لا تجيب معك الا صوره شخصيه وحده وبطاقتك الشخصيه

طيب مشكور

لاعدمنااك


نتقابل باذن الله في الدوره

يعطيك الف عافيه وعقبال القبول النهائي

الحمد الله على السلامه الله يوفقك