بسم الله الرحمن الرحيم



في البدايه انشاء الله كل الي انقبلوا نقلهم بالتوفيق وانشاء الله دعائي لكم بلقبول النهائي ولي من قبل انشاء الله ربي يعوضه باحسن منها اول بداياتي كانت مثلهم اراجع في اوراقي في قوى الامن والبصمات وغيرها طبعا ابي اقولك شي في المقابله الشخصيه اذا تبغى تنجح في المقابله ...؟

لازم يكون مظهرك لائق ولازم تكون محلق شعرك مو اقل من مكينه 4 وبعدين يبدا الظابط يلخبط بالاسئله يقول على سبيل المثال ... من هو وزير الداخليه ؟ اقراء صورة الناس ؟ العشاء كم ركعه ؟ منهو جاركم؟ اسئله ملخبطه اهم شي تتدخل طبيعي لاترتبك واهم نقطه اي سؤال يسالك ارفع صوتك يعني اصرخ في وجهه عادي علشان يقول انت وحش ويوقع علي اوراقك باذن الله


يجي الحين دور الاغراض الي يطلبونها زي ملايه وبجامه نوم وغيرها من الطلبات طبعا انت جب الي تحتاجه انت ترى مافيه يقولك ليش ما جبت كذا كله حبر على ورق انا واخواي كنا حايسين في الاغراض وفي الاخير وبعد التعب كله مافي تفتيش طبعا لاتجيب معك ممنوعات ....؟


بالنسبه للتخصصات انت وحضك من عندهم



بداية فترة الاستجداد 45 يوم تري تسمع كلام كثير العسكريه فيها وفيها يخوفوك فوق من خايف وبس والله يا شباب نفسيتها بس في الاسبوع الاول وبالاحرى اول ثلاث ايام طبعنا تشوف ناس تفصل وحالات هروب انا جتني حاله بغيت افصل من اول يوم من قوة النفسيه الي جاتني بس والله انت تشوف بعينك انها اسهل من الكلام الي سمعته عنها اهم شي لاتفكر في متى تنتهي 45 يوم ترى تجيك نفسيه ويمكن تفصل عيشها بفله وتمشي معك الايام ....... وعلى فكره هي 38 يوم بلكثير بديتها تصحى الساعه اربع فجرا قبل الصلاة ب45 دقيقه تتوضع وتروح المسجد وبعدين هروله حصه وتمارين حصه وبعدها ميز تفطر وبعدها حصه الين الساعه 10 وبعدها السكن الين صلاة الظهر وبعدها ثبوت 45 دقيقه وبعدها غذاء وتروح المسجد صلاة العصر وبعدها حصتين تعليم الحركات العسكريه وبعدها بوفيه وبعدها صلاة المغرب وبعدها تتعشى يامال العافيه وبعدها نوم


بعد 45 اجازة 10 ايام فل ابوها وبعدين تجيك النفسيه وقت التحضير بس بعد اول نص ساعه تروح تنزل مهمه العمرة في مكه الفله كلها في الباص افلام واغاني فله لمن توصل مكه يمكن المغرب اول العشاء الي بيغى يزبن مع جوال ولا خان الوضع عادي في مكه ما تفتيش ولا شي احلى ذكريات الله في مكه فلينها اجازات عشاء برا العمل في مكه تستلم يوم وتسلم يوم نوم في السكن الين المغرب بعد المهمه اجازه 15 يوم تقريبا.........



بعدها ترجع الرياض تدرس الفرد الاساسي تقريبا 45 يوم تطلع ربوع وتجي الجمعه .........



بعدها مهمة الحج طبعنا الحج هي الذكرى الحلوه في الدوره كلها بتفلها اكثر من العمره 13 يوم طبيعة العمل ما عندك شي الين يوم سبعه تستلم ست وتسلم ست واجازة الين نهاية السنه......؟



بيدا شهر واحد تدرس التخصص تقريبا ثلاث شهور طبعا يخف الضعظ عليك كثير نهاية شهر ثلاثه تبدا البروفات حقت التخرج والحين احنا شغالين بروفات دعواتكم لنا


واي سؤال انا جاهز


قلمي يرسم آلمي

مشكور يالغالي وماقصرت

والله يجزاك الف خير

الله يعطيك العافية .


وان شاء الله تتوفق في الدنيا والاخرة

جزاك الله خير والله يوفقنا بالقبول النهائي

مشكور يالغالي ودي اسألك في حصص دراسيه يعني تجلس في فصل ويكون فيها شرح يعني زي كذا
وربي وفق الجميع

الله يعطيك العافيه والف شكر على كل المعلومات

طيب ابي اسالك كيف تدرس التخصص مثل الي تخصصة دوريات كيف يدرس هتخصص الله يعافيك

الله يعطيكـ الف عافيه
ماقصرت كفيت ووفيت
س/ وش التخصصات في الامن العام؟؟؟
الله يوفق الجميع