ماحدث معي في الكشف الطبي لأمن المنشآت بمكة المكرمه اليوم

جامعي حظ ماجامعي · #1 (**permalink**) 19-03-2010, 01:36 AM

السلام عليكم ورحمة الله وبركاته
بدون مقدمات اليوم كان موعدي في كشف امن المنشآت بمكه
المهم وصلت الساعه7:00 الساعه ومسكت طابور مع المتواجدين بعدين جاء وكيل رقيب يحضر وعطاني استماره وعبيتها اسئله من ناحية انه فيك مرض؟ اقاربك؟ تعاني من كذا .....زالخ
بعدين رحنا كشف الدم-البول وانتم بكرامه بعدها الأشعه وكلو تمام
رحت للمبنى الثاني طول ووزن وبقية الاجراءات .......
وهنا صار الشي اللي ماتوقعته جيت عند الميزان وطلعت اقيس الطول قال لي اللي على الميزان
لا تشد نفسك ريح .......ومن ها الكلام
المهم قال انزل نزلت قام اللي جالس عنده على المكتب قال اطلع وطلعت وجلسنا في اطلع وانزل تقريبا 6 دقائق والثاني كان واقف قدامي واحيا نا يبدلون واحد يقف قدامي والثاني يقيس الطول
المهم قال لي انزل... يا فلان: قلت نعم قال طولك مشكوك فيه قلت كيف؟ قال اجلس في الغرفه لين اناديك قلت طيب...... شوي ناداني قال طولك 167 توكل على الله قلت ياابن الحلال طولي 168.4
قال لالالالالاطولك 167 توكل على الله قلت يابن الحلا ل معقول في اسبوعين نقص 1سم
قال ما ادري توكل على الله وتوكلت ومشيت...
مع العلم اني قست الطول في الكليه الأمنيه وطلع 168.4
وقست الطول في أمن المنشآت قبل اسبوعين وطلع 168
والسؤال الآن: مالذي حصل بالظبط انا من شدة الصدمه ماني عارف اش اش أقول
لكن الحمد لله على كل حال وقدر الله وما شاء فعل والأرزاق بيد الله
آسف ياشباي على الاطاله ........... وموفقين ان شاء الله

كحيلان نجد · #2 (**permalink**) 19-03-2010, 02:14 AM

وربي قهر الله يعوضك احسن منها
الله يوفقنا واياك دنيا وآخره

عاطل وفقير · #3 (**permalink**) 19-03-2010, 02:15 AM

يالغالي يابعد قلبي انت إن شاء الله انها
خيره لك ,, وتذكر إن الخيره فيما اختــاره
الله .. الحمد لله على كل حال .. هذا اللــــي
مكتوب لك انه يصير .. قدر الله وما شاء فعل ..

الله يرزقك خير منها ..
الله يعوضك بأخير وأحسن منها ..

لا تضيّق صدرك وانا اخوك ..
العمر يروح موب وظيفتهم عاد ..

متكي · #4 (**permalink**) 19-03-2010, 02:19 AM

ماتدري يابن الحلال لو انها خيره وسع صدر بعدين تذكر ان ابن ادم في هالدنيا مسير مومخير

جامعي حظ ماجامعي · #5 (**permalink**) 19-03-2010, 02:32 AM

اقتباس:

المشاركة الأصلية كتبت بواسطة كحيلان نجد

وربي قهر الله يعوضك احسن منها
الله يوفقنا واياك دنيا وآخره

واياك ان شاء الله يالغالي

جامعي حظ ماجامعي · #6 (**permalink**) 19-03-2010, 02:36 AM

اقتباس:

المشاركة الأصلية كتبت بواسطة عاطل وفقير

يالغالي يابعد قلبي انت إن شاء الله انها
خيره لك ,, وتذكر إن الخيره فيما اختــاره
الله .. الحمد لله على كل حال .. هذا اللــــي
مكتوب لك انه يصير .. قدر الله وما شاء فعل ..

الله يرزقك خير منها ..
الله يعوضك بأخير وأحسن منها ..

لا تضيّق صدرك وانا اخوك ..
العمر يروح موب وظيفتهم عاد ..

يا عاطل وفقير الله يسعدك ويوفقك ان شاء الله
انا ماني زعلان ومؤمن بالله عزوجل ورزقي بآخذه باذن الله
لكن السؤال: هل موازينهم عطلانه ولا انا قصير؟

سعادة العقيد · #7 (**permalink**) 19-03-2010, 04:26 AM

اولا الله يعوضك احسن منها
وبعدين والله انا زيك فاالمركز طولي 170 ونص وهناك 170
نقصوا نص.....الله كريم

ليه البطالة · #8 (**permalink**) 19-03-2010, 04:34 AM

والله غريبة !!!!

من الواضح من كلامك إنه تخبط فااضح من قبلهم

لكن ياراجل لاتزعل وبالعكس صدقني إنها خيرهـ لك

وإن شاء الله تتوفق في غيرها

عاطل وفقير · #9 (**permalink**) 19-03-2010, 05:25 AM

يالبى قلبك ..
صدقني أنا طولي 171 في
أكثر من مستشفى قسْت طولي
وأيام المرحلة الأولى في مبنـــى
أمن المنشآت في الرياض حطوا طولي
168.5 .. يعني هم غصب ينزلون الطول ..

وسع صدرك يابعدي ..