السلام عليكم ورحمة الله وبركاته
بسم الله الرحمن الرحيم
انا ما انقبلت في الموقع ناسف لعدم قبولك مبدئيا ولاكن جاتني رسالة وموعدي يوم الاربعاء 1/4 ورحت لهم الاعه 9 انت محضر عليهم اول شى تستريح صاله بعدين يركبونكم باص ويودونكم قسم القبول والتسجيل اول شى يعطيك ورقة تكتب اسمك ورقم السجل المدني ودبس الصوورة ليها وبعدين قوله للموظف العسكري انا ما طبعة الاستمارة الي ماطبع يقولك روح ويوصف لكوين تروح تطبعها ودبس الصوره عليها ثم تروح الوزن والطول تنزل الفنيلة وينادي اسمك ويقيس وزنك ثم تنتظر شوي ثم ينادي اسمك ويقس طولك الطول اقل شي 168 اقل منها ما يمشون ثم تدقيق الشهادات ويعطيك دفتر الكشف الطبي فيه اسيلة تجاوب عليها ثم تروح ال مكان الكشف الطبي 1 اول شي يكسف على الاذن نظفها وبس بعدين الانف ثم الاسنان يقولك اضحك فل اسنان ماشي ثم العيون تغطي عين يقول وين الاتجاه يمين يسار فوق تحت ثم يسحبون دم ويعطونك علبة تشخ فيها (بول)الله يكرمكم ثم الاشعة هذا اليوم الاول اما اليوم الثاني مارحت باقي لا كن مكتوب في الورقه مقابلة شخصية 1 كشف طبي 2 وهو باطنية وظهر وجراحة ثم مقاله شخصية 2 ثم القبول النهائي والله الموفق



دعواتكم لي اني انقبل في امن المشآت
سبحان الله وبحمدة سبحان الله العظيم
موفق بإذن الله ... لك مني أجمل تحية .

الله يوفق

الله يوفقك وماقصرت
هل انت مقدم على الكلية ولا ديوان الوزارة ويليت تعطينا نبذة عن ديوان وزارة الداخلية انا مقدم على سائق في الديوان وموعد 5/4 يوم الاحد

للرفع

السلام عليكم

انا نفس الطريقه بالموقع نائسف لعدم قبولك وارسلولي رساله تم قبولك مبدئيا 4\4 انشالله اساعه 11 صباحا بس انا يمكن اتاخر يدققون على الحضور ولا اجيهم اساعه 12 انشالله الظهر عادي

بالتوووووفيق للجميع

كيف الطول اللي ناقص 2سم او3سم يمشي ولا كيف وش الاوراق المطلوبه

اليوم الثاني تحضر عندهم وتسوي المقابله الشخصيه 2 عند رائد مررره حبوب يسالك كم اسئله ابوك وين يشتغل كم عدد اخوانك قول النشيد الوطني وبعدها تروح للمقابله الشخصيه 1 عند الرؤؤؤس الكبار اللي هما عقيدين وعميد وفيه رائد برضوا تتدخل عندهم كل واحد يسالك عن حاجه من هو النائب الثاني اقرا سورة الكافرون واقرا سورة الناس من هو رئيس نادي الاتحاد يعني يضحكون معك شويه وبعدها تروح للكشف الطبي اللي باقي عليك اللي هو الجراحه طبعا تكشف ملط وبعدها تروح للنفسيه يسالك يقولك وش اسمك وش شهادتك وبعدها تروح للباطنيه يكشف عليك بالسماعه وبعدها تروحون للصاله الرياضيه عند البصمات تبصموا وبعدها تنتظروا لبعد صلاة العصر عشان اختبار الهروله والاطاله وبعدها يعطوكم سجل القبول النهائي ومعه خطاب الاحوال وتنتظروا الموقع عشان النتائج ترى تساهيل يا شباب لا احد يشيل هم .
والله يوفق الجميع