السلام عليكم ورحمة الله وبركاته

كيف الحال أخواني

ابي اسئل يعني الحين هم معطيني موعد في 5/4
للمستشفى. الحين المستشفى كلة تخلصة بيوم واحد ولا ثلاث ايام ., يعني وباقي الاوراق متى تستلمها يعني مثل كرت البصمات ودفتر الالتحاق وكل هالاشيــاء . ياليت . تعطوني خبر

يالغالي اغلب المناطق مثل الدمام ومكه وحائل وجيزان والاحساء ومركز تدريب الصحي بالرياض

يقولون خلصوها بيوم واحد


اما مستشفى قوى الامن بالرياض الى الان مااحد نزل عليه اي شيء


بعد ماتخلص الكشف يقولون لك بتجيك رساله على الجوال اذا انقبلت وتاحذ فيها كافه الاوراق المطلوبه


والبقيه ماعندي اي خلفيه عنها

يجي من يفيدك

الكشف الطبي تخلصه بيوم واحد وبعد ماتعدي في الكشف الطبي يرسلون لك رساله تراجعهم في الرياض

كفو يالرجــّـال

الله يبيض وجهيكم .،و

بالنسبة لي في مركز صحى قوى الامن بمدينة التدريب بالامن العام

وانا مثلك في المدينه مودي يوم الاربعاء ياليت احد راح للمركز حق المدينه يكتب لنا مشددين ولا تساهيل وخاصه في الطول والوزن
والي عنده معلومه وش بعد الكشف في قوى الامن يقولون فيه كشف نهائي وكمان يقيسون طول ووزن ونظر