السلام عليكم ورحمة الله وبركاته
مرحبا يا شباب وصبايا المنتدى بصراحه اوال مره اكتب بمنتدى بحياتي بس وش اسوي بعد ما صفقتني الدنيا بوجهي تقول يوم انك تخرجين كان خذتي السنه بسنتين خلي التخرج ينفعك
بصراحه انا قدر الله علي وتخرجت من الكليه قسم اقتصاد منزلي وجلست حبيسه هذا البيت وهذه الجدران الموحشه الظلمه****************> كح كح بغى يطيح لساني للغه عربي مره وحده مانتب عاقله :o
شباب وصبايا تكفون اللى يعرف وظيفة للبنات با الخرج يقول لي عليها ادري الكل بيقول فيه وظائف معلمات الله والوظائف
قدمو وقدمو مسوين صجه واخرتها مايبون الا حاسب ورياضيات با الخرج والاقسام الثانيه في مكه وابها وجازان طيب ما قلنا شي بنروح بس من بيروح معنا ها قولو لي من بيروح واللى مثلي ما عندها احد وش تسوي

تكفون طلبتكم ابي فزعتكم ترا طلع مخي من جلست البيت طفشت والله برضي باي شغله انشاء الله
معلمة شورما في مطعم************************>>معلمة شورما ايه هين كثير منها ذي
والله والله ابي أي شغل والسلام وتراني شطوره واحب الشغل يعني شغيله لاتخافون
يله انا بحط رقم جوالي وروني همتكم 05000 ملاحظه جوالي دايم ما فيه رصيد لذلك يرجئ تكرار الاتصال والاطاله امزح وياكم اصلن ماعندي جوال بس اول ما اشتغل اكيد بجيب واحد قال واحد قال الا ثلاثه بس يارب اشتغل


اسفه كني طولت عليكم اعذورني:o

تحياتي همسة آآآآنين

الله يحيك اختي همسة آآآنين والله موتين من الضحك لما قلتي ابشتغل معلمة شاورما هههههه ماني متخيل حرمة معلمة شاورما
المهم الله ييسر طريقة وتحصلي الوظيفة المناسبة لكِ
وباقي الاعضاء مايقصرون اذا في شئ بنزلوة في المنتدي

الله يسلمك يا المستحيل ويخليك ويارب دوم ترتسم ها الضحكه على وحهك بس مو تموت علي بعدين وش بيفكني من اهلك مشكور على ردك والله كريم
تحياتي لك
همسة آآآنين

اهلا بك همسه انين

كم لك متخرجة و ايش مؤهلاتك غير شهادة الاقتصاد... يعني عندك لغة حاسب يعني اشياء تاهلك عشان تشتغلين في القطاع الخاص ..

نصيحه تابعي المنتدى و قدمي في كل مكان ولا تياسي

وبالتوفيق ان شاء الله

والله الوضع سيء < تعقــد من الامنية

اقتصـــاد منزلي .. هذه وش هرجته هههههههههه حظ اللى بيتزوجك والله مافي اسراف خخخ

والله الوضع يا همسة ما يطمن .....

دريتي؟ طردوني من كلية الملك فهد الامنيـــة اهي اهي


صفي طـابور معانا في منتدى البطالة خخخخخخخ

الاايامرحبابش وبهلش والجمل الاي يرحلبش هههه
والله الحال من بعضة وش رايك نتفتح مطعم وجبات خفيفة تطبخين انتي واختي علشان نفس التخصص وانا اكتب بطاقات شعرية علشان تخصصي ونخلي اخوانااااااااااا يقدمون الطلباتواللي يبي من اعضااااءءالمنتدى المساكين نحطه معنا هاااااااااااا وش رايك ؟؟؟