03-04-2010, 02:55 PM
|
عضو جديد
|
|
تاريخ التسجيل: Jan 2010
المشاركات: 20
معدل تقييم المستوى: 30
|
|
السلام عليكم ورحمة الله..
كيف حالكم يا أخوان ان شاء الله بألف خير..
حبيت أعطيكم تفاصيل التقديم اللي سويتها..
طبعا أنا مقدم على كاتب ضبط..بقية الوظائف
مالي علم فيها..إن شاء الله أحد الأخوان يفيدكم..
بالنسبة لي..التقديم حصل بمنطقة قريبه مني..
يعني انا من الأحساء..والتقديم صار بالدمام..
سمعنا بيكون تقديم التاريخ الفلاني..ورحنا و قدمنا
أنا واخوياي..الاختبار عبارة عن قطعة مثل ما قال
أحد الأخوان..وهي صك..أو قضية لا أذكر بالضبط..
ويوجد فيها 10 أخطاء إملائية..عليك باستخراجها..
ويوجد أسئله عن القطعه..مثلاً..عرف بعض الكلمات
الموجوده بالقطعه..وأسئله ثانيه..بعدها..حصلت المقابله
و أتوقع هي لمن اجتاز الاختبار..يسئلونك عن تخصصك..
من ثم يبدأ طرح الأسئله حسب التخصص..مثلا أنا أصول دين..
طرحوا علي أسئلة من تخصصي..لماذا اختلف المذاهب..
عدد بعض من كتب التفسير مع مؤلفيها..المهم في المقابله..
هو هندامك وشخصك..لما يشوفونك واثق وما ترتبك..راح
يرشحونك بإذن الله..أنا مثلاً..لم أجااوب على معظم الأسئله..
والحمد لله تم ترشيحي (بغير واسطة)..لأن المقابلة لا تتضمن
فقط الأسئله..يعطونك ورقة..ويقولون لك اكتب مثلاً البسملة..
و يقيمون خطك..اثنين من اللي دخلو معي المقابله..كان مستوى
خطهم تحت الجيد..فأخذوهم ليختبروا سرعة كتابتهم على الكمبيوتر..
هذا كل شي بالنسبة للمقابله..بعدها يتم استدعاء كل من أجرى
المقابلة..لتعبئة بيانات شخصية..بعدها بكم شهر..يتم استدعاء
اللي اجتاز المقابلة..وحصلت لنا قبل شهر..لاستكمال مسوغات التعيين..
وافحص الطبي..هذا ك ما لدي..والله يوفق الجميع..
|
العرض العادي
