03-04-2010, 12:40 AM
|
مشرف سابق
|
|
تاريخ التسجيل: Nov 2008
الدولة: اسيــ الشوق ـــر
المشاركات: 7,312
معدل تقييم المستوى: 5169
|
|
ما كل من يلبس له اعقـال رجـال
[poem=font=",6,red,bold,normal" bkcolor="transparent" bkimage="https://www.btalah.com/mwaextraedit2/backgrounds/17.gif" border="groove,4,deeppink" type=2 line=0 align=center use=ex num="0,black""]
فكـرت بالدنيـا وبرقـت بالحـال=وقلبتها مـا بيـن عـدل ومايـل
جلست أفكـر وأتفكـر بالأحـوال=أجمـع وأفـرق دقهـا والجلايـل
في ساعة ما فيه من حولـي أزوال=إلا أنـا والنـار تشعـل شعـايـل
مركي على جال الجمر خمسة ادلال=يقدح سناها مثـل بـرق المخايـل
وأخذت لي منهن على الكيف فنجال=يجلي هموم وسط فكـري تشايـل
في صحصح ما فيه حاسد وعـذّال=أهل القلـوب المبغضـات الغلايـل
في صحصح يطرد على بيده الـلال=قفر خلا مـا فيـه غيـر الهمايـل
أخذت أراجع ما عرفته من أمثـال=ماضي العلـوم موثقـات الدلايـل
لقيت في دنياي ما يزعـج البـال=مما يريب النفس شفـت الهوايـل
سندت أبرقى نايف الرجم والجـال=وزلت قدم رجلي بجـرف وتهايـل
وطيتها شعبـان وحـزوم وجبـال=وسريتها مسرى وصبـح وقوايـل
خاويت أنا ارجال من ناس ورجـال=ومال الرخم ماكر على راس طايـل
شفت الحصاني تعتلي روس الأقذال=والذيب يمشـي يتقـي بالمسايـل
صارت على الأجواد هـم وغربـال=فيها تسـاوت بالفضيلـه رذايـل
ضاعت مفاهيم عريضات وطـوال=فيها اختلف درب السنع والوسايـل
دنيا غريبه ما عرفنا لـه أشكـال=منها لبيب العقـل شـاف العلايـل
دنيا تقلب بيـن الإقفـاي وإقبـال=ضاعت بها الحسبه بكل المسايـل
كل (ن) غدا للحق ناقـض وفتـال=من يوم صارت هرج قيـل وقايـل
حتى الكرم شبه مع الناس بخبـال=والحق عند النـاس عدلـه تمايـل
منها نشف حالي غدا كنـه اخـلال=هذي عظامي تحت ثوبـي نحايـل
ما كل من يلبس له اعقـال رجـال=ولا كل عساف يعسـف الأصايـل
المرجله ما هـي سواليـف دجـال=المرجلـه جـزم وعـزم وفعايـل
والشور ما يؤخذ من عقول جهـال=والحق مـا يقبـل عليـه البدايـل
أصد وجهي عن بعض شوف الأنذال=وأقبل على راعي الوفا والجمايـل
ما عاد لي رغبه ولا عنـدي اّمـال=ولاني من اللي للردى هـد عايـل
لي رغبة وحدة سجـود بالاّصـال=أخط لي مسجـد وأصلـي نفايـل
[/poem]
الشاعر / نايف بن مهنا الصهيبي العدواني
|