06-04-2010, 03:37 PM
|
Guest
|
|
تاريخ التسجيل: Apr 2009
الدولة: في قهوه ع المفرق !
المشاركات: 2,758
معدل تقييم المستوى: 0
|
|
( الجار ) !
من لملمة فكر يعجز قدرة التشتيت ..
.. .. .. .. .. .. .. أو من خُلاصة رؤى للشاعر الانسان ..
جار المشاعر قبل لاتكون جار البيت ..
.. .. .. .. .. .. ..و أرواحنا تلتقي ، لو بيننا جدران .. !
اشعر بأنّك أنا وإن رحت عنّك جيت ..
.. .. .. .. .. .. ..لك وإحترامي فعل ، ماهو بـ حكي لسان ..
اوصى بك اللي ليا منّه ذِكر صليت ..
.. .. .. .. .. .. ..عليه واوصى على السابع من الجيران ..
تعمى عيوني قبل تكشف لما غطيت ..
.. .. .. .. .. .. ..اصلاً انا سِتر شيٍ ماتبيه يبان .. !
وآغض طرفي او إن مالي بصر لا اخطيت ..
.. .. .. .. .. .. ..وآزيد زودك ولااحسب هفوة النقصان ..
واحفظ لك الودّ في قلبي بما حبيت ..
.. .. .. .. .. .. ..له من علو القدر عندي وعظم الشان ..
الحي بك ( حي ) ، ياجاري لو إنه ( ميت ) ..
.. .. .. .. .. .. ..كنّ النوافذ تسولف عنْك لـ البيبان ..
يفزّ سمعي لصوتك كل ماناديت ..
.. .. .. .. .. .. ..( ماضمّنا شارع إلا ضمّنا وجدان ) .. !
من باب حُسن الجوار ودون علّ وليت ..
.. .. .. .. .. .. ..آمر .. ولك وقفة الإخوان للإخوان .. !
دام إنه ( الجار قبل الدار ) مابدّيت ..
.. .. .. .. .. .. ..شيٍ على جيرتك لو تنشرى بـ أثمان ..
جاري لك البحث .. ( جاري ) لاتظن انهيت ..
.. .. .. .. .. .. ..سعيي لما هو يزيد القُرب مهما كان ..
- محمد السعيد -
|