الاياقلب لا تشـره ولا تحـزن علـى مافـات
كثير الناس لو تضحك تـرا ماهيـب طربانـه
تشوف الناس هاماتٍ تطيح وترتفـع هامـات
وتشوف الذيب ميت والحصيني مرتفع شانـه
تشوف ان العرب تحرم وتنحر مسجد الميقـات
ولكن العرب تجهـل اصـول الديـن واركانـه
ومادام ان الرجل ميت ذكر يحسب مع الاموات
حرام انه يطرّى رجل وذكـر الرجـل بلسانـه
ومادام ان الرجل معروف بالوقفه وبالفزعـات
تنّشد عنه تلقى ان الوفـا مـن طبـع جدانـه
وترى مايطرح الهيبه ياكـود مطـارد اللـذات
ياكم شيخٍ بعد تقديـر قومـه شـاف حقرانـه
ولا تجـزي يميـنٍ مدتـك بالخيـر بسيـات
توقـع واعلـم ان الديـن مـردودٍ لديـانـه
واليا مات الحيا بك فعلم ان الدين بك قد مـات
السانك اطيب اخيول الحيا واحرص على اعنانه
وانا بوقتي ترى مالي لاصـولاتٍ ولا جـولات
ولكني بعمري شفـت شـر الوقـت وحسانـه
ربع قرنً مضى لـي بالزمـان وكلهـا دقـات
وكل دقه تعـزز صرحنـا المبنـي وسيسانـه
والاياقلب لا تشره ولا تحـزن علـى مافـات
كثير الناس لو تضحك ترى ماهيـب طربانـه
الشاعر:محمد بن حزام الهامل