حاكم وابنته اشجان (قصيده جزله) ,,

مستر لوح · #1 (**permalink**) 08-04-2010, 02:36 PM

× مساكم شعر ×

حاكم بن مشعل المعلا الشمري

شاعر من اجمل الشعراء ولاكنه مظلوم اعلاميا

وجبت لكم احد قصائده الي لم تنشر في ابنته اشجان ..

فات رمضان .. وخلّص العيد .. واشجان
تلـعـب عـلـى الحبلـيـن ربــي حفـضـهـا
متنـاقـضـه فـتـانـة الـحـسـن يــااخــوان
وش حيلتي .. بطـب القلـوب ومرضهـا
كـانـت تـبـي (عـيـديـة الـفـطـر ) والآن؟
هـديــة (العـيـديـن) تـطـلــب عـوضـهــا
وانـــا سـجـلّـي بـالـهـدايـا والألــــوان ..
حـافـل مــن الغـلـطـات .. ولا أتعـضـهـا
أشري (عروسه) ..خاف لاكـون غلطـان
كيـف أعتـذر والنـفـس عـلـى مضضـهـا
خـابـر مــزاج (أم الـتـدلـع) إلـيــا شـــان
حـاجــه رفضها ..مايـبـيـهـا . رفـضـهــا
قلـت أشتـري لـه كحل ..والكحلـه أحيـان
بـضـاعــةٍ مــاعــاد تــوفــي غـرضــهــا
لاسلهمت .. بالـلـي كـمـا ريــش غـربــان
حـــس بتـفـاهـات الـكـحـل ..لانهـضـهـا
ماتشـبـه إلا (بـالـهـدد) عـيــن شـيـهـان
يوم أسهمت (للخـرب) حيـن إعترضهـا
وقلت أشتري لها .. عطر والعطر ينهان
مــن كــادي (الكعـكـات) لامــن نقضـهـا
متـخـالـطٍ فـيـهـا الشـمـطـري وريـحــان
شـمـيـتـهـا فـعـلاً .. وكـنــت افـتـرضــهــا
ورجـعـت أنــا ذهـنـي مشـتـت وحـيـران
ماجيـتـهـا يـمـنـاي خـالــي وفـضـهــا؟!
شـاري لهـا فستـان وردي..علـى شــان
أشـوف الورود..شلـون تلـبـس بعضـهـا

× صح لسانك ×