09-04-2010, 10:40 PM
|
 |
عضو ماسي
|
|
تاريخ التسجيل: Nov 2008
الدولة: خميس مشيط
المشاركات: 1,553
معدل تقييم المستوى: 58455
|
|
|
خيمة بدو بين العمارات..صوتي ..روعه لاتفوتكم
القصيده بصرآآحه ابدآآآآآآآع
مسآآكم|صبآآحكم معبق باحلى الوروود
طبعا مالكم بالطويله هذي قصيدة محمد ابن فطيس المري
من وجهة نظري اشوفها افضل ماكتب خلال مسيرته طبعا هالقصيده من جديد الشاعر
بعد حيي...
|
ليه المسا عوق الشقـاوي وطبّـه؟
وليه الهبوب تصحي القلب لا بـات؟
وليه القمر يدعـي جريـح المحبّـه؟
ويقول له يا هيه..ما فات ..ما مـات
جرحك ظهر لو قلـت للوجـه خبّـه
وللحزن في ضحكك رسوم وعلامات
وليه المطر بالذات ريحـه.. وصبّـه
كنّه رسول بيـن الاحبـاب بالـذات؟
اشتـاق فيـه لشوفـتـك واتنـبّـه
للي نسيته مـن مواقـف ونظـرات
لا استانس الخافق ذكر مـن يحبّـه
ورجع يراجع فالوناسـات مـا فـات
يا مرتـع القلـب الحزيـن ومربّـه
يزيين بك مثل الذهب صدر الابيـات
هيهات ينسى القلب شخـص ٍ لعبّـه
وهيات يدله خاطري منـك هيهـات
سبك مديح ومـدح غيـرك مسبّـه
تقول واذني صوتها تقول لك هـات
ونبع الغلا عنـدك وعنـدي مصبّـه
ومن الولا .. في خافقي لك ..ولاياات
وطيفك حطب عيني..وعيني مشبّـه
والشوق برد ٍ ما انقطع لو للحظـات
ومكانك الصدر ولـك القلـب شبّـه
بين الظلوع اللـي فردهـا التنهـات
ولك بيـرق ٍ فالقلـب حبـك يهبّـه
شامخ ولا هزه من العـذل غـارات
محبتـك فالوقـت ذا مــا تشـبّـه
الا بخيمـة بـدو بيـن العـمـارات
ان شفتني ضايق واهوجس واسبّـه
اخاف غدر الوقت.. والوقـت دورات
لا تحسب ان دمعي نـزل دون سبّـه
ابكي من الفرقا وهـي مابعـد جـات
الـيـوم كــل امورنا..مستتـبّـه
وبكره ماندري وش معه من مسرّات
اربّ قلبـك مثـل قلـبـي اربّــه
ما يخلفه شور العـرب والمسافـات
اتمنى ينآآل ذووقي على رضآآكم ياحلى اعضااء ,,,
العرض العادي
