من طق بيبان العرب طق بابه..!

أُتـرَجة · #1 (**permalink**) 10-04-2010, 02:59 AM

الشاعر ضاوي عايض العصيمي أحد الشعراء الذين لهم إسهامات في الشعر ويحرص على اختيار ألفاظ شعره

وصياغة وصفه ويلاحظ على شعره جزالة النص وعذوبة المعاني وقد وثق بعضاً من شعره وله مشاركات إعلامية

ومعروف في وسط الساحة الشعبية.

ومن قصائده قصيدة تحتوي على الحكمة المعبّرة والدقة في التركيب والسلاسة في قراءة كل قصيدة حيث يقول:

من لا ينال الطيب فاول شبابه

ما ظن يظفره ليا من عارضه شاب

ومن لا يميز في خطاه وصوابه

لو صاب مرة عشر مرات ما صاب

ومن لا على جسمه يفصل اثيابه

والله ليوضع فوق ضرس وتحت ناب

ومن لا يعرف القيض يتبع سرابه

ويصبر على لفح السماميم والاتعاب

من طق بيبان العرب طق بابه

ولا ضاع حق ومن ورى الحق طلاب

والسيف قوت سلته من نصابه

ولا خير في سيف يجرب بالاقراب

ياللي تبي قدرن رفيع ومهابه

ابعد عن الشباك وادخل مع الباب

وحاذور من جحر الخرابه ودابه

ترى الوقايه خير من كل الاطباب

ولا تعترض لك علتن تبتلابه

دامك معافا لا تعرض للاسباب

ولا تارد الا اللي عذين شرابه

عد الوباء ما يشربه كود من خاب

والجار لو عن دارة ابطى اغيابه

خلك وصية لا تخونه ليا غاب

والضيف رحب به وكرم جنابه

وقدم له الميسور مع كل ما طاب

وتبشر بقول ونعم في كل جابه

يزداد قدرك بين ربعك والاجناب

م.ن

هبت ريح · #2 (**permalink**) 10-04-2010, 03:33 AM

من طق بيبان العرب طق بابه
ولا ضاع حق ومن ورى الحق طلاب

والسيف قوت سلته من نصابه
ولا خير في سيف يجرب بالاقراب

ياللي تبي قدرن رفيع ومهابه
ابعد عن الشباك وادخل مع الباب

صح لسان الشاعر .. فعلا درر

تسلم يمينك مجتهده على النقل المميز