11-04-2010, 05:13 AM
|
|
عضو جديد
|
|
تاريخ التسجيل: Mar 2010
المشاركات: 31
معدل تقييم المستوى: 122
|
|
الدنيــــــــــــــــــــــــــــــــــــــا
ليه تْتضايق ؟! دام هالدنيا عَروس , !
تتمتَّع بها .. من ورى فستانها , !
في بَحرها بالزهد تَبتطفُو النفوس , !
ومن هو يقدِّسها سكن قيعانها , !
قنوع : من لا طاح في عشق الفلوس , !
ومريض : من عَاش ( العمر ) من شانها , !
وجهك عبوس ليا غدى قلبك عَبوس , !
لوحة .. بتتشكَّل حسب فنَّانها , !
أحدٍ يعيش بلا هدف عار ونكوس , !
وأحدٍ عمل مع ناس زاد إيمانها , !
وأحدٍ يطبِّق .. كنّ في البلعوم موس !
هو إمِّعه خلف إمِّعة شقرانها , !
السهام ما تنفع إذا ما فيه قوس , !
والقوس وسهامك تبي نيشانها , !
الأحلام بـ( إرادة ) براضيها تدوس , !
وبإصرارك أنت بتمتلك بستانها , !
الشعر عذبٍ ماهو كتابة طقوس , !
بسِّط ونوِّر دنيتك وأركانها , !
كريمة الدنيا بتعليم الدروس , !
وجميلة أكثر باختلاف ألوانها , !
الإنسان متميِّز بعقلٍ في الرؤوس , !
مدري متى تعمل بحين آوانها , !
الصدور : قلبٍ فيه سكِّين مغروس , !
والقلوب تشكي جور من جيرانها , !
حياتك مراية وداخلْك معكوس , !
مضمونها أهمّ من عنوانها , !
وأنت ؟ تْتضايق والغلا ملء الكؤوس !!
في قلب صان وصورتك به صانها , !
تشك فيني وآنا بالسجن محبوس ؟!
ببقى .. لو سجونك بلا قضبانها , !
باقي لك ومعْك أحفل بعيد الجلوس , !
في قعر عيني وأوهبك تيجانها , !
مجنون قربك وبمحبَّتْك مهووس , !
حتى القصايد بك تخل أوزانها , !
خل النجوس تعيش في حضن النجوس , !
وخلني بروحك وأسكن بـ وديانها , !
ما أبيك تتضايق ليا من هبّ كوس , !
لا بد غيومك تبتصب هتَّانها , !
لا يخدعك أو يزعجك شيِّ محيوس , !
شوف السِّما متبعثرة سحبانها , !
من حاجتك .. للروس في ذلَّة تبوس !
حتى ولو هالروس ربِّك هانها , !
مرّات تترك شيْ فيك أنت مغروس , !
لراحتك .. حتى تميل أفنانها , !
أحيان تضطر تشلع فبعض الضروس , !
وتشيلها من عرقها ومكانها , !
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
|