و ( الصمت ) في بعض المواقف .. ما يفيد

هلقا · #1 (**permalink**) 12-04-2010, 05:55 AM

الحكيَ في بعض المواقـف .. مـا يفيـد ..
دام السكـوت احيـان ياتـي ,, بثَمـره ..

وشهوله احكـي او اناقـش او .. اعيـد ..
مدام حكَيـي عنـد مثلـك ,, ثرثـره !! ..

من خلقني وانـا لـي الطبـع الفريـد ..
ماهـو غـرور إلآ ثـقـه او مـقـدره ..

ولا هو اكيد اني عرفتـك بـس .. اكيـد ..
ان الزمـن لابــد كــل ٍ .. يـحـذره ..

انا ( الحليم ) إلي صبر .. صبرٍ حميد ..
وإليـا نفـذ صبـري لمثلـك ,, بعـذره ..

هذا الخبيَل إليآ ربـع مـن دون .. قيـد ..
(تقيّـده) روس الرجـال و ( تهـجـره) ..

مـدآم مثلـي مـا عـرف خـوَة بليـد ..
اكيـد مثلـك لــو اشـوفـه بحـقـره ..

ماني بـ/ اعدك .. لا خـوي ولا عضيـد ..
ولاهو بـ/ مثلـك للمواقـف .. اذخـره ..

اتعب على الطيب وهـو كـل .. الرصيـد ..
واشيـل حملـه لـو زمـانـه بعـثـره ..

لو إن عيني شافـت إلـي .. مـا تريـد ..
ولو إن وقتـي وسـط ظهـري خنجـره ..

ولو إن همـي لآ بـدا ليلـي .. شديـد ..
ولو إن ليلي كـل يـوم ٍ ,, اسهـره ..

طآل الزمن والعمر ينقص .. مـا يزيـد ..
وكـل ِ يبـي بالعمـر شـي ٍ يـذكـره ..

بعض العـرب لآ رآح .. ماهـو بالفقيـد ..
وبعض العرب لآ رآح ربعـه ,, تخسـره ..

وبعض العرب لآ شفت زوله من .. بعيـد ..
(تستكبره) وإليآ حكـى ,, ( تستصغـره ) ..

عشنا وشفنـآ والزمـن هـذا .. عنيـد ..
إليآ نـوآ ماضنـي احـدٍ ,, يقـدره ..

ولآ انآ مآلي سـوآ .. حـرف القصيـد ..
وصوت ٍ ليآ من ضقت ,, هـز الحنجـره ..

و ( الصمت ) في بعض المواقف .. ما يفيد ..
و ( الحكي ) في بعض المواقف ,, ثرثـره ..

زيدان · #2 (**permalink**) 12-04-2010, 06:22 AM

عشنا وشفنـآ والزمـن هـذا .. عنيـد ..
إليآ نـوآ ماضنـي احـدٍ ,, يقـدره ..

ابيات رائعه ..

صح لسان شاعرها وسلمت يدين ناقلها ..

لاهنتي ياهلقا ..

هلقا · #3 (**permalink**) 12-04-2010, 06:28 AM

نورت زيدان

مشكوره لمروك العذب

يـرِبــِشٌ · #4 (**permalink**) 12-04-2010, 06:33 AM

من خلقني وانـا لـي الطبـع الفريـد ..
ماهـو غـرور إلآ ثـقـه او مـقـدره ..

سلمت اناااااملك على النقل الرااائع

هلقا · #5 (**permalink**) 12-04-2010, 06:51 AM

منور يربش

sa3oodi · #6 (**permalink**) 12-04-2010, 08:14 AM

أحسآس رائع ياختي

سلمت يداك ع الانتقاء الرائع

بسمة خجل · #7 (**permalink**) 12-04-2010, 08:22 AM

رووووووعه سلمت يداك

على الذوق الرائع ..

لا خلا ولا عـــدم .

طالب نقلي · #8 (**permalink**) 12-04-2010, 12:41 PM

طرح رائع وذائقه شعرية جميلة .. شكراً على النقل والله يحفظك ويوفقك .

برنس عاطل · #9 (**permalink**) 12-04-2010, 01:37 PM

الله الله لله درك ... يعطيك العافيه وتسلم يدينك ع النقل... وصح لسان الشاعر ...
وعلى ما اتوقع القصيدة لحامد زيد لان اسلوبه فيهااا..

تحيااااااااااااااااتي.........