ليتــــني بنـت عمـك ..وبالزواج اغصبـــونا...

روووعه · #1 (**permalink**) 12-04-2010, 11:45 PM

ليتني بنت عمك وبالزواج اغصبونا
ويحددون الملكه وبعدها يكلمونا

لاجبرتنا ظروف
ولا مدري اشوف ..

كل شي مخطط ومرسوم.
وامي حولي تحوم...

يابنيتي هذا فستانك جربيه.
والزواج هذا الخميس ولاتناقشين فيه..

والله مادروا اني من الفرحه بطير
واني احلم به قبل مايصير..

واني ببقى معه طول الحياه.
وبعطيه عيوني لجل رضاه..

والله لأعيشه ملك وسلطان
وارفع راسه بكل مكان.

وبحاول قد ما اقدر اسعده
وابعد عن الشي اللي ينكده .

وهو يدري اني من نظره افهمه ..
وقبل يتكلم اكمل كلمته.

ويبتدي يوم الخميس وتبتدي معه الحكايه.
واغراضي جاهزه من الفستان للعبايه..

ومستعده لرحلتي وفيني فرحه وخوف
ياترى مشتاق لشوفتي وفيني شغوف ؟

واسمع صوت امه ادخل يايمه العروس داخل..
زادت ربكتي ودمعي من الشوق سايل.

وتحتضن يديني يدينه.
والحيا بيني وبينه..

ماقدرت اطالع عيونه ..
فديته وفديت حتى جفونه ..

ابتسم وقال وش بك ؟ قلت مدري
قال الحيا مطول .؟ قلت توه بدري ..
قال احبك قلت مدري.

قال كن الحيا طول .؟
قلت زاد اكثر من اول

وفجأه يدق الباب يلا ترى زفتكم يعلنون.
وتدخل اخته تقول امسك ايديها وبشويش تمشون..

قلت يوووووووووه قلبي زاد نبضه
مسك ايديني وقال فديته وفديت حبـه.

وبدت مراسم الزفه ,
والشرعه حولي ملتفه.

وطلعنا على اغنية عسى ربي يخليك لعيوني .
اهداها لي مره وقال اسمعيها يانور عيوني.

وفي الزفه صرنا نغنيها سوا
وهـ بس يازين دروب الهوى

قالت شــــــــــــذى شوفي شكله ميت عليها
قالت لــــــــــــمى وهي باين تموت عليه شوفيها

وقتها غارت سهى
لانها كانت تبيه لها

واحنا نمشي في الممر..
قال ممكن طلب ياغـــــــــــديــــــــــر قلت تامر أمر.

قلت اركد حبيبي وش هالجنون
قال حاضر ياغلا هالعيون

وهمس لي وقال احبك قلت ادري
قال والله الحيا راح قلت اوووه من بدري.

وفجأه صحيت من النوم ..
لقيته حلم وردي جاني في يوم.

والحقيقه لا ني بنت عمه
ولا حتى اقرب لجده..

وهذا حلمي الاخيــر..
صدمني بواقع مرير

مما راق لــــي
اتمنــى يعجبكـــم...

راعي العليا20 · #2 (**permalink**) 12-04-2010, 11:52 PM

كلماتها روعه مع ان الوزن مكسر

بس خليتيني افكر في الزواج متى اتوظف واتزوج

يسلمو على النقل

تقبلي مروري

تحياتي

متذوق للشعر · #3 (**permalink**) 13-04-2010, 12:02 AM

الله يعطيك العافيه

أخ بس متى بس أتزوووووج

تحياتي لك،،

روووعه · #4 (**permalink**) 13-04-2010, 12:31 AM

........حتى انـــــــا آخ بس متى اتزوووج ؟
مبرمج زمـــانه +متـــذوق للشعــــر
حسيت اني استأثـــمت فيـــكم ... خخخ
يسلمو ع المرررور

هبت ريح · #5 (**permalink**) 13-04-2010, 12:33 AM

ماشالله هذي قصة حياة في قصيده

بس غصيبه الله لايقول

يعطيك العافيه روعه

وعقبال عند العزابيه والعزابيات يارب

روووعه · #6 (**permalink**) 13-04-2010, 01:29 AM

^
آميـــــــــــــن يااارب
يسلمو ع مرورك

بسمة خجل · #7 (**permalink**) 13-04-2010, 02:01 AM

يعطيك العافية كلمات رائعه

الله يرزق كل عازب وعازبه *_^

روووعه · #8 (**permalink**) 13-04-2010, 02:12 AM

بســـــــــــــــومه الرائع مرورك

المحتار و مبدع · #9 (**permalink**) 13-04-2010, 02:19 AM

ياخي كلمه فنان قليله فيك وفالك البريق

روووعه · #10 (**permalink**) 13-04-2010, 02:29 AM

^
فـــــــالك التوووفيق
يسلـــمو ع المرور

الشعر والنثر