السلام عليكم ورحمة الله وبركاته

كيفك ياشباب عساكم طيبين ..

اليوم طبعا كان موعدي بحرس الحدود 3/جمادى الالى يوافق يوم السبت هذا الي صار بالمجمل العام ..

وقفت السياره ودخلت قابلت عسكري عند البوابه يفتش يقولي تدخن قلتله لا قال اذا تدخن نزل البكت هنا وقلتله ماادخن قالي ادخل امشي الا واخش بالمسجد اجلس ويجيك واحد مع كشف اسماء ينادي بالاسماء جلست شوي وناداني ولما جيته اعطاني عسكري ثاني الرقم وكان رقمي 63 وبعد مايعطيك الرقم يقولك اجلس المهم لين يخلص من الجميع طبعا فيه ناس تأخروا وناس جوا بدري وناس ماجوا فالي يتأخر ينتظره حتى يخلص من كل الاسماء ويسلمهم الارقام والي بدري بيكون افضل شي بالنسبة له .. بعدين جاء العسكري يقول من رقم 1 الى 15 يجي يصف طابور برى المسجد ورى بعض وهكذا ياخذ على هذه الارقام الى ان يخلص وبعدين يقول من 15 الى 30 يطل برى وياخذهم ويدخلهم جوه يعني شغل مره منظم .. بعدين تخش جوه وتصف طابور وفيه ممكن 10 عساكر جالسين يدققون على الشهايد انت تروح لاحد منهم تروح له ويقولك عطني صورة شخصية طبعا خذ صورة وحده مني بس ودبسها بالورقة الي اخذها واسوي بها وزن وطول وكشف عيون وتدقيق شهاده واعطيته صورة من الشهاده وصوره من بطاقة الاحوال ويطالع بالشهاده اذا مااستوفت الشروط يقولك الله يوفقك واذا استوفت يقولك اوكي يعبي لك الورقة وتروح بعدها للوزن والطول .. تروح الوزن والطول طبعا متساهلين كثير وناس يعني مو متشددين ببعض القطاعات زي ماشفت واخرهم زي امن المنشات بعد ماتخلص الوزن والطول تروح للاختيار حق العيون طبعا سهاله مره يقولك الدائرة مفتوحه بأي جهه اليمين ولا اليسار وبعد ماخلصت قلي اصلا ترى لو معك نظارات تمشي لانك مقدم على وظائف فنية .. بعدين تروح تعطي الورقه الي سواها لك مدقق الشهايد وكتب لك حالة الشهاده وومعلومات الطول والوزن وكشف العين تسلمها للعسكري الاخير ويقولك راجع الموقع للنتائج ..


من الناحية التشدد ..

فخذوها مني مافي تشدد وكلها سهالات ..

من ناحية التدقيق ..

انا مقدم على ميكانيكي بحري وشهادتي تقنية ميكانيكية تبريد وتكييف وقالولي بالبداية لاياخي نحن نبغى ميكانيكا عامه وقلي العسكري بعدين انتظر رزقك بيجيك وراح سئل رئيس رقباء قال ايوه انت تبريد وتكييف شلون تقدم على ميكانيكي بحري وبعدين قالل للعسكري خله يكمل الاجراءات واكتب التخصص واكتب يراجع التخصص من قبل المديرية .. طبعا انا بعد ماخلصت وزن وطول وكشف عيون وقبل ماسلم الورقه الي فيها كل شي سئلت النقيب قلتله العسكري الي هناك يقولي ماينفع تقدم على ميكانيكا ويقولي ان تخصص تبريد وتكييف ونحن طالبين ميكانيكا قلتله الميكانيكا ينقسم ثلاث اقسام ميكانيكا انتاج وميكانيكا سيارات وميكانيكا تبريد وتكييف قالي عارف وكلها اصلا ميكانيكا روح وراجع الموقع .. انا حمدلله على كلام النقيب ان شاء الله امشي وغيركم ممكن مايمشي ..

من ناحية الطول والوزن ..

سهاله لاتخافون مره متساهلين مقارنه بامن المنشات .. حتى شفت ناس مشوهم ولابسين نظاره ..

من ناحية الوقت ..

رحت لهم الساعه 6 حكم وانا عند الباب وخرجت الساعه 7.30 .. والحظور ماكان بذاك الحظور الكبير ..

من ناحية اللبس ..

ثوب ولا رياضي عادي .. والافضل لكم رياضة لانك بتسوي طول ووزن ولازم تفسخ الشماغ الطاقيه ..

كلها سهالات لا تخافون وباذن الله مقبولين ياشباب .. واي استفسار انا تحت امركم ..

بالتوفيق لمانشستر سيتي اليوم وبإذن الله ينتصر ويقترب من الحلم الاوروبي دوري ابطال اوروبا ..

وادعولي بالتوفيق والله يوفقني وياكم ..

الله يعطيك الف الف عافيه

الله يعافيك ..

لاتنسون الي معه شهاده خبره يصورها وياخذها لاني اليوم اعتقد سمعت عسكري طلب واحد عندك شهاده خبره ..

انت من اي معهد تدريب

بالتوووووووووووووووووووووووووفيق لكم جميعاا

بتوفيق اخوي فني تبريد وتكييفالله يوفقك وييس امرك

وشكرا على المعلومات كفيت ووفيت يعطيك الف عافية

يعطيك العافيه

انت مقدم على معهد وين ياخوي وبالتوفيق

اخوي يمشون لي طوله 167 و والنظر يكشف عليك دكتور ولا لا؟؟؟