السلام عليكم ورحمة الله وبركاته


قصة من قصص الوفاء والتمسك بالصداقة

قصه جرت من حوالي ثلاثين سنة أو أكثر حيث كان الشاعر الشيخ حمد بن سمعان ال سعد من قبيلة قحطان ساكنا بجواره أمير اللواء الثامن بالحرس الوطني سابقا المرحوم الشيخ محمد بن مناحي الهيضل شيخ الدعاجين من عتيبة ويقضون وقتهم في تبادل القصص والاشعار وفي يوم من الايام جاه رجل ويبكي ويقول صديقك محمد توفي ويطلب الحل فتأثر حمد وسكت قليلا ثم راح وربعه لدفنه وعندما انتهو من دفنه بقى حمد عند قبره فأخذ يرثي خويه وقال ابياتا من الشعر ذكر فيها خصاله الحميدة حيث يقول :


[poem=font="Arial,6,white,bold,normal" bkcolor="transparent" bkimage="https://www.btalah.com/mwaextraedit2/backgrounds/22.gif" border="inset,3,white" type=1 line=0 align=center use=sp num="0,black""]
يا الله ياللي فوق خلقه رقيبي=يا مدبر كل المقادير باسباب
عنا على الدنيا والأمر الصعيبي=واغفر لنا يا اللي على العبد تواب
أمس الضحا غافل وقلبي مغيبي=واوحيت حس مصيح صاح مرتاب
قلت الخبر قالوا فراق الحبيبي=قالوا محمد ميت والقدر صاب
فريت فرة مستخف رعيبي=وجضيت جضة من كلا رجله الداب
والصدر بالعبرات ينحب نحيبي=والدمع من عيني على الخد سكاب
قبيلتي قحطان وابكي عتيبي=ابكي على ريف النشاما إلى غاب
مادبر الله كان غصب وطيبي=ولا احد بحكمه له نكيف وطلاب
مرحوم ياللي ما شكاه القريبي=ولا شكوا منه الرفاقه والاجناب
سهل الجناب ومحضره ما يغيبي=له مجلس يرده عيال وشياب
يامر لهم بمهيلات وطيبي=دايم دوام وراعي الكيف صباب
ويدني خويه بالمكان القريبي=ما يتركه محقور يجلس ورى الباب
والى هرج كل لهرجه يجيبي=مافيه من بعض القشر زود ورهاب
شيخ ولد شيخ وساسه عريبي=والطيب له من ساس جده والانساب
ماله جنيس كود حلو الحليبي=من الملا ما يكرهه كل شراب
عساه بالجنات ماله حسيبي=والحور يلقنه بفزة وترحاب
ولامات شيخ مرث له عقيبي=فرخ تنهض بين صايح وجذاب
خالد ترى كسب المراجل صعيبي=يكود من عض النواجذ بالانياب
حاذور من خطوى جليس غضيبي=يودعك شين بالرفاقه وسباب
مجالس اهل الشر ذنب وعيبي=ومجالس اهل الخير يدخلك الابواب
باب المعزة وارتفاع النصيبي=باب الهدى والرشد للخير كساب
وصلوا على سيد العباد الحبيبي=اعداد ما خط القلم حبر وكتاب
[/poem]


منقول

__________________
ومن يعمل من الصالحات وهو مؤمن فلا يخاف ظلما ولا هضما

يعطيك العافية

قصة وقصيدة رائـعة رغم ألمها

سلمت يداك ..

صح لسان قايلها وسلمت يمينك على نقلها

والله ابيات مؤثره وتوضح مدى حزن الشاعر على خويه العتيبي

وعنوان القصيده يجذب المتلقي

الله يعطيك العافيه

واتمنى ان لاتحرمنا من مواضيعك الجميله

تحياتي

اللهم صلي وسلم على نبينا محمد

ابيات جميله تحمل الوفآء والأخوه الحقيقيه

تسلم ع هالإنتقآء استاذ فضل

الله يعطيك العافيه

دمت بـ ود

قصيدة محزنه

الله يرحم أموات المسلمين ويرحم الصداقة الصادقة يلي مابقي منها الا قشور

شكراً لك

ابداع متألق يافضل
لاعدمناك خيي أمتعت الجميع
تقبل مروري أسباني

قصيـــــــــدة رثــــاء مؤثــــــــــره ..
الله يرحم الشيخ الهيضــل وخويه القحطـاني
يســـــــــــلمو فضـــــل ع القصيــده المؤثره

يعطيك العافيه

يالله ):

تسلم مرآقبنآ على الطرح الجزل

وعفآ الله عمآ مضى

ربي يعطيك العافيه