تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
23-04-2010, 01:41 AM
|
||||
|
||||
|
امانه وش معي ؟ .. والا وش اللي من غيابك ليّ ! ..
السلام عليكم ورحمة الله وبركاته  مدخل ..} دنيآ .. بدونك يابعد كل من كان وش عاد ابي فيها وليه ارتجيها ! اعيشها وحشه وضيقه وحرمان استغفر الله / مير ماعاد ابيها ثيابي اشبه في غيابك بـ.. الاكفان وايامي بلياك / تبت يديها !  رفعت كفي .. ماقدرت ارفع الصوت لو كان فالخاطـر .. كلام ٍ كتمته لحظه وداع / وكنها سكرة الموت ضاع الطريق .. اللي من اول رسمته ضاع الطريق وصرت في الدرب مبهوت مدري وش اللي فاتني ما اغتنمته ! العمر مرّ .. وراح مع فايت الفوت صحيح ضعت .. وضاع حلم ٍ حلمته الا انت ياللي قربك لروحي القوت لو غبت / يبقى وسمك اللي وسمتـه يبقى كما نقش ٍ على الصخر منحوت حفظته .. بشكله ولونه وسمتّه مهما الفراق اوجاع والبعد ممقوت اصبح مصير ٍ من غلاك / احترمته \ / \ سكّت .. وانا من موادعك مكبوت شي ٍ تجاهلته .. وشي ٍ فهمته ! حبل الرجاء من جور الايام مفلوت ياليت قلبي عن غرامك عصمته ياما .. بنيت بيوت وبيوت وبيوت اليوم .. كم بيت ٍ بنيته .. هدمته..!  صدري قفص ويطير لك منه عصفور يجيك .. لو انك بعيد المسافه ما جاك شايل معه احاسيس وشعور الا يبي ينهي بـ.. صدرك مطافه جاء يسكنك من كثر ما لحقه قصور ما يرجي اكثر من حقوق الضيافه عزيمته ماتت .. وخاطره مكسور آخذه .. اذا ماكان فيها كلافه !  احتاج لك في ضيقتي لاتضايقت واشتاق لك والشوق غلاب دايم تبي الصحيح ! ..اشتقت واشتقت واشتقت اقطع من الضيقه فجوج الخرايم محتاج افضفض لك .. بعد ماتطرّقت لـ طعوني اللي عند غيري غنايم اضحك وانا لاراق جوي ولا رقت واسهر وكلٍ في حلا النوم نايم من صكة اقدار الزمن مابعد فقت في داخلي من جور وقتي هزايم  اقدّم آيات التعازي / للغرام .......... واشعل شموع البعد واطفي شمووووع ..! قل ماتبي .. ( ومسامحك ) فضفض / ترى ماباقي وقت ..! خذ ماتبي .. ( ومسامحك ) اسامحك ؟؟ لااااا ماصدقت ..! ماظني اقدر لو قدرت .. واذا قدرت اسامحك .. ايه انكسرت .. ! الله يسامح دمعتك .. هذا كلام ؟ .. ................ اصارحك ؟ ( ماجاء على بالي رجوووووع ) \ / \ الى هنا .. واستسمحك ........... اباخذ اوجاعي واروووح ..! لـ اول مشاوير العتب ........... وآخر مسافات الجرووح ..! ماعاد لـ حضوري مكان .. ولا لك بـ قلبي مكان .. ( حنا انتهينا من زمان )  كم واحد ٍ لو حضر ماهوب موجود ندرك وجوده .. ليا اوحينا كلامه وانا احسب ان الغياب سهود ومهود لو كنت .. اميّز حلاله من حرامه ويوم افترقنا الضحى يا أعز مفقود حسيت بالكون .. يوم اسدل ظلامه برّي .. وبحري .. ونسمة بارد النود وسماي فاقدك .. غمامه / غمامه سحاب ..لكن بدون بروق ورعود عجزت اواسيه حتى بـ..أبتسامه والونّه .. اللي تغيب شهور وتعود صرت اتمنى لها .. طيب الاقامه ..!  لولا الغلا .. يابو ( هلا وآمر وسمّ ) ماكان والله من كلامك .. تضايقت ! لكّن .. كل اللي تبيه ( ابشر وتم ) لو انني من صدمتي .. مابعد فقت في ماحصل فكرت بـ.. الكيف والكمّ فيك انت ّ .. والا فيّ / يومي تعلقت ! كتبت لك .. ( ودّي وتقديري الجمّ ) وقلبي كتب لك من وراء ضلوعه ( اشتقت ) ولو قلت كم جرح ٍ مع الوقت يلتمّ جرح الشعور / يزيد شرّه مع الوقت فـ’,ـاصلة  حيل الله اقوى مابقى في يـدي شـيّ مافيه حـل ٍ فـي يدينـي.. ذخرتـه حاولت .. لكن المحاصيل هيّ هـيّ الطير طـار ولا بقـى الا شجرتـه وقفّت اشوف شويّ واغمّض شـويّ واللي انكسر في خاطـري ماجبرتـه لين الحقت شمسي على بارد الفـيّ وشفت ان كل اللي جمعته خسرتـه من كثر ماعزيت ريقي عـن المـيّ ملّ الصبر من كثر صبـر ٍ صبرتـه كم هقوة ٍ ضاعت على سكـة الغـيّ وكم حلم ف( تراب ) الحقيقه قبرتـه واقف .. وطعنات الزمن كلهـا فـيّ وساقي لو انه كلّ منـي / كسرتـه بعد ماعاش اليأس في احساسي الحيّ اخوي .. لو هو صد عنـي عذرتـه مدري عن اللي كنت احسبه بقى ليّ اللي حزمت ابه الضلـوع وذكرتـه اللي طوى حالي بحكم الهـوى طـيّ قصّر .. وانا كل الطريق اختصرتـه ماهو خطاء لاقلت ( تأمر على شيّ ) الا الخطاء .. لا اشتقت له وانتظرته  امانه لارحلتي ودّعي قلبي شويّ شويّ تراني منكسر .. من سيرة الفرقا وطاريها تراني من هذاك اليوم .. لاميت ولاني حيّ ولا ادري عن جميع الناس قاصيها ودانيها امانه وش معي ؟ .. والا وش اللي من غيابك ليّ ! ياكود الوّنه اللي ماتعدّت صدر راعيها على حطة يدك / كل الطعون النازفه .. هيّ هيّ بعد .. حتى انشراحة خاطري مني سرقتيها انا مثل الغريب .. وغربة احبابي طوتني طيّ اجاهد ضيقتي .. وظروف وقتي ويش اسميّها ياويّ من السفر .. ومن الغياب المنتظر ياويّ بلياك الحياه الهاديه وش حاجتي فيها !  يا كثر .. ما أحبك واقدّرك واغليك وياكثر .. ما يملا وجودك / حياتي وياكثر ما أحتاج الك واحتاج اناجيك وأحتاج اعلّمك بـ.. ( بقايا شتاتي ) اللي عطاك الزين .. ماهو مخليك عطاك .. احاسيسي وقلبي وذاتي ! مخرج ..} حاولت اسلي خاطري قدر الامكان آثر الهموم .. تحدني واحتديها كم ضيقة ٍ جاهدتها صبر وايمان تفجرت .. وانا عجزت احتويها وقفت .. مالي من بعدك اي عنوان قبل ابتدي كل الدروب / انتهيها لــ مشعان البراق 
|
|
23-04-2010, 02:43 AM
|
||||
|
||||
|
الله عليك عذآري الريآض ،، كلمآآت قمّة الرووعه والعذووبه ،،
|
|
23-04-2010, 03:01 AM
|
|||
|
|||
|
|
|
23-04-2010, 07:51 PM
|
||||
|
||||
|
حاولت اسلي خاطري قدر الامكان
|
|
24-04-2010, 01:18 AM
|
||||
|
||||
|
|
|
24-04-2010, 02:41 AM
|
||||
|
||||
|
احتاج لك في ضيقتي لاتضايقت
|
|
24-04-2010, 02:56 AM
|
||||
|
||||
|
رووووووووعه,,,
|
|
24-04-2010, 03:19 AM
|
||||
|
||||
|
ربي يعطيك العافيه على الانتقاء الرائع
|
|
24-04-2010, 04:00 AM
|
||||
|
||||
|
|
| أضف رد |
|
(( لا تنسى ذكر الله )) |
|
|
|
|
العرض العادي
