هذا الكلام جروح و أوجاع و أشواك
كني على طول السكوت مغصوبي

أزعلت ذولا لجل يرضون ذولاك
لا مرضيٍ نفسي و لا هم رضوا بي

تعبت أقلب في يديني هداياك
و تعبت أشاور توبتي في ذنوبي

لولا الزمن لولا الليالي و لولاك
ما صار طيبي دوب حبك و دوبي

هب الهوى يمك و بانت خفاياك
و لا عاد لك قلبٍ يميل للهبوبي

أول عيوبك في عيوني .. مزاياك
و اليوم ميزاتي بعينك عيوبي

و كانك تشوح اليوم منا و مناك
و الله لأرجع كل الأنظار صوبي

و إن قلت أنا بنساك يا سرع ما انساك
من قبل ينشف عطرك اللي بثوبي

الشمس باكر فيك و الا بليّاك
ما هيب لا موتي و لا هي غروبي

و اذا انقطع درب يجيني بذكراك
كل الدروب اللي تودي دروبي






سعد الحريص

صح لسان الشاعر سعد الحريص

وسلمت وسلم ذوقك الرااااقي جدا

والله كل مأشوف أسمك أستانس كثير وأعرف ان محتوى الموضوع جميل ومليئ بالشعر الجزل ,

لاعدمنا هالتواجد وهالجمال مشرفنا الراقي ( م )

سلمت ودمت بخير

أختــيآر رآئــع .. للشـآعر ســعد ...
دمت تتحفنآ بجمآل ذآئقتك ...
سم

ربي يعطيك العافية على الانتقاء الجميل
تقبل مروري بكل ود

سلمت ذائقتك ,,

وصح لسان قايلها ,,

رائعة جداً مشرفنآ

سلمت على النقل ..