تسجيل الدخول
|
|||||||
تأسس الموقع عام
2006
Site was established in 2006
|
|||||||
| الأرشيـــف للمواضيع المكررة فقط |
| أضف رد |
|
|
LinkBack | أدوات الموضوع | انواع عرض الموضوع |
26-04-2010, 03:01 AM
|
||||
|
||||
|
لبست انا ثوب لا طولي ولا قصري..
العذر مكتوب لاصار الخطا مقري..اسف على ضحكتي اسف على احزاني
خطاي معذور والا غلطتي عذري.. ومرارة العذر في قلبي وبلساني مدرى وش اللى ذكرته وضاق به صدري.. مدرى وش اللي نسيت ولاتناساني لبست انا ثوب لا طولي ولا قصري.. يا طيبة القلب .. وين القلب وداني.؟ سنتين من عمرها مرت ومن عمري.. سنتين احس الزمن فيها تعداني سنتين مرت حياتي من ورا ظهري.. والحب سجني ومسجوني وسجاني والشعر مطرود من قلبي ومن فكري.. سنتين ماني بأنا ماني بحد ثاني غنيت للناس والدنيا على خبري.. والشعر في دفتري مغرور وانساني غنيت للحب يوم عيونها تغري.. يوم الوفا والكلام الطيب ألحاني غنيت للدمع يوم أن البكا كبري.. واليوم أنا اكبر من دموعي وحرماني اليوم ماعاد يمدي اللي جرح يبري.. مليت من كثرة خطاياهم وغفراني مليت أنا الشعر مل الشعر من شعري.. مليت انا الحب مل الحب وجداني ليه أنكسر بالعيون اللي تبي كسري.. ليه اتغرب ورا حزني وكتماني العين ماتستحي والوجه مايذري.. ماعاد يجزي هل المعروف بإحساني لو هي عليّه عزيز النفس من صغري.. ما أشاور القلب في كرهي لعدواني إن رحت ياكثرهم وإن جيت ياكثري.. ضاقت بي عيونهم لو كنت وحداني تعبت وازريت ما مليت من صبري.. ليت الذي راح مني كثر ما جاني أحيان ودي أطيح من التعب وازري.. وتشيلني عزتي وسلوم جداني 
|
| أضف رد |
|
(( لا تنسى ذكر الله )) |
|
|
|
|
العرض العادي
