إذا ممكن .. هنا ..

عاشقة من بعيد · #1 (**permalink**) 30-04-2010, 07:54 PM

ماالومك اوافقك التفكير في بعض الشيء

كلنا ودنا نعدل حالنا ونوصل للي نبيه

لكن هذا قرارك انت حدديه

سواء في الزواج أو الدراسه صحيح مانتفع مرة الشهاده بس كمسمى

انك جامعيه

والا الدنيا كلها جالسه

أشتقت لي · #2 (**permalink**) 01-05-2010, 01:22 AM

صدقتي .. أنا اللي لازم أحدد

بس لما تكونين لوحدك تفكرين تكون نظرتك (أحياناً) ضيّقه ..

جيت هنا .. أبي كذا رآي من أشخاص فاهمه

ولها خبره وممكن تفيدني ..

/

كل الشكر لك ..

<< ودي والله بـ (ورده أحلى منها بس الجود من الموجود)

/

آلدانه · #3 (**permalink**) 01-05-2010, 02:28 PM

انا بقولك اي شهاده او اي دوره او اي دبلوم تاخذينه قبل استلامك وثيقة تخرجك من الجامعه مالها اي داعي ولا تقبلها الخدمه المدنيه
انا مجربه والله خذيت كم دوره قبل تخرجي ولا وحده منهم فادتني الحين
كملي الجامعه واضغطي على نفسك ولا تتهاونين ترا الاعتذار مدتها 3 مرات وينتهي
والرسوب اذا استمريتي طوو قيدك ونزلك انذار 3 مرات وفصل على طول

ارقي نفسك وتوكلي على الله وخلي ذكر الله على لسانك دائما والاستغفار لايفارقك وباذن الله تتخرجين باحسن معدل
اهم شي لاتفرطين بالشهاده الجامعيه مهما كانت الاسباب والله اشوف معنا بنات عميان ومشلولات ومرضى وحده كلى والثانيه سرطان الله يشفيهم ومع هذا كملوا وتخرجوا ولا قالوا خلاص تعبابنين حنا مالنا دراسه

والحمدلله الي فيك له علاج وهو القران والرقيه ارقي نفسك ولا تتهاونين وباذن الله ترجعين احسن من اول

أشتقت لي · #4 (**permalink**) 02-05-2010, 05:51 AM

الدانه ..

الله يسعد قلبك .. ويحقق لك أمانيك ..

كلامك والله له تأثير ع النفس

ومشكوره ع المعلومات ..

ضروري أضغط على نفسي ..

وسبحان الله ما قبلوا إنتسابي ذا الترم .. إن شاء الله خيره

وماقصرتي يا أختي ..

/

أُتـرَجة · #5 (**permalink**) 02-05-2010, 03:21 PM

ارقي نفسك واشربي زمزم مقري فيه ودام خلي الرقيه في اذانك الناس سارت تحسد على الفاضي والمليان عيون فارغة مايملاها الا التراب حسبي الله على كل حاسد وحسودة

هذا رابط للرقيه

http://www.tvquran.com/rouqia.htm

أسمعيه مو شرط محسودة ولا لا لارزم نرقي نفسنا في زمن فيه بعض الناس الله لا يبلانا نسيو ذكر الله ..

إن شاء الله ترجعين زي اول واحسن وتكملين منتظمه واذا ماقدرتي
كملي إنتساب في القسم يلي تحسين تقدرين تمشين فيه
إن شاء الله تتخرجين بامتياز كالعادة
وبعد التخرج خذي الدورات يلي تبغيناه
لكن
على كلام وحي القلم لا تدرسين وتاخذين دورات في المعاهد مع بعض لانك كا أنك ماسويتي شيء

ادرسي اول وبعد خذي دورات ومعاهد وهكذا

الله يوفقك ويشرح صدرك ويحميك ورد كيد كل حاسد في نحره

تقدر تقول · #6 (**permalink**) 02-05-2010, 03:34 PM

ماشاء الله تبارك الله

ماخاب من استشار

نظرتكم للامور طيبة وأسأل الله العلي القدير ان يوفقك ويشرح صدرك ويسهل امر زواجكم ويبارك لكم وريزقكم الذرية الصالحة ..آمين

الاعضاء ماقصروا في الردود السابقة , ماايجب التأكيد علية , نظام الخدمة المدنية الفاشل لايساعدك على أخذ دورات قبل البكالوريوس , لانها لاتحسب لكي , اي دورة يجب ان تكون بعد المؤهل الاساسي البكالوريوس..

موفقة اختي الكريمة والله يرد كيد كل حاسد في نحرة اللهم آمين

واشكر الاخت مجتهدة على ردها المفيد ولاتتردي اختي السائلة في تطبيق ماورد في الرد

أشتقت لي · #7 (**permalink**) 03-05-2010, 08:39 AM

مجتهده ..

صااادقه والله

مشكوره .. والله يجزاك كل خير على كل حرف كتبتيه

ما قصرتي يا أختي ..

والله كلامك يفتح النفس

بس إذا ممكن أبسألك .. الرقيه أسمعها عادي في أي وقت ..

ويومياً ؟

ما كنت مقتنعه في سماعها .. إذا ما كنت أقرا عند شيخ ما أحسّها تنفع ..

الله يحقق لك أمانيك ..

/

أُتـرَجة · #8 (**permalink**) 04-05-2010, 02:28 AM

اقتباس:

المشاركة الأصلية كتبت بواسطة أشتقت لي

بس إذا ممكن أبسألك .. الرقيه أسمعها عادي في أي وقت ..

ويومياً ؟

ما كنت مقتنعه في سماعها .. إذا ما كنت أقرا عند شيخ ما أحسّها تنفع ..

الله يحقق لك أمانيك ..

/

آمين وامانيك بالمثل
أختي عليك بإذكار الصباح والمساء شدي على نفسك شويه فيها .
وانا عن تجربة لما أسمع لرقيه الشرعية أحس براحة بعد سماعها ومافي مشكلة لوكمان تزيد الخير خيرين وتروح لقاري واستمر على الرقية سواء بسماع و أيضا أرقي نفسك يالمعوذات وايه الكرسي وقول (( أعوذ بكلمات الله التامات من شر ماخلق )) وقبل لا تخرجي من باب البيت قولي بسم الله توكلت على الله كلها ثلاث مرات طبعاً قبل البدء برقي نفسك لا تنسي تبدي بالصلاةعلى النبي واقري سورة الفاتحة
والله يحمينا من عيون الحاسدين