حكايات السرير ؟؟

محمد السعودي · #1 (**permalink**) 29-04-2010, 10:42 PM

تحس الناس في هالأرض غير؟
تبي جنحان ياقلبي وتطير؟
أجل وين الشعارات القديمه
يموت الزيف ويعيش الضمير

بلد مافيه غير أبشر وسم وتم
صغير ويلبس ثياب الكبير
تشوف الناس فيه مذيّره
من التعبير وظلال الخفير ..!
ولازالت مفاهيم الرجوله كمّ :
على وجهك نبت شعرٍ غزير ..!
عشان تصير رجال وطبيعي
إخذ هرمون مبدأهم و صير ..
في دستور الرجولة بند يعطي :
أحقية لحكايات السرير ..!
واذا مالك في هالقانون علم
تسفّ تراب وياعمر الندم
ولاتفكر تصير كبير ..

بلد فيه الهنود الحمر ماتغزي بعضها
ولافيه المهند والشطير
ولاتقطر من جروح الشجاعه دم
يسلون الرسايل للرسايل
الأول يسحبونه للأخير
ذخايرهم كروت "الدفع مسبق"
وحتى ان العجوز تصير فارس
مدام ان الرصيد بكل خير ..!
من أول لاذبحت أقوى عربهم
وتالي لامدحت أكبر أمير ..!

أنا بستأذن الدنيا وبسأل ؟
سؤال يقرقع بقلب الفقير
إذا كل العرب هذي قويه
أجل من كان "يهزم" بالأخير ..؟
واذا تاريخنا كذب ودعايه
وقبايلنا تغار ولاتغير
ولابه متن يدحم متن ثاني
أجل لابد من إجراء فوري
نحط اللوم في منهج بلدنا
وفوق البيعه نستجوب وزير ..!

يامسلم ماتمل من الزرايا
إشتر لك فيّ عن حر الهجير
سألت الناس وأعطوك الدلايل
بلاش تسوي من روحك خبير ..
إداره ماشيه من غير نصحك
لها توقيع و أختام ومدير ..!
واذا كان الضمير بحق يوجع
يطيب إليا لقا له دهن سير ..
ثلاثه منجيات من القراده
تقـول السمع وتقطع ماتكلم
بعد و الطاعه للراس الكبير
وأهم حاجه وثالث هالثلاثه
لاشفت البير بيدينك تسد البير !
ترى مفعولهن سحري مجرّب
يخلون المحال يصير واقع
ولاء الناهيه تصبح يصير ..!

بعدها لاتقول الناس غير
ولايحتاج جنحان وتطير
فقط إعكس مقولتك القديمه
يعيش الزيف ويموت الضمير ..!