بسم الله الرحمن الرحيم




\صباحكم\مساءكم فل وياسمين ..


استبد الليل وارخى سدوله مستميت
حط سبع المستحيلات وانبتها نبات

ازرع احلامي بصبري وهذا ما جنيت
ضاعت ايامي والاحلام خلتها شتات

ما كتبت اصعب من الحلم وايضا ما قريت
ولا مشيت اسهل من الدرب درب الامنيات

لا تعاتبني تراني بمقدوري وفيت
والعتب نظرات قسوة تسوي بي سواة

للزمن وقفه وللحزن دمعه والف بيت
خلنا نبعد ويمكن يجمعنا الممات

وضع ماهو بختياري وانا والله دريت
من فراقك صار قلبي يا محبوبي فتات

لو بقى للوصل درب يوصلني مشيت
ضاع مجدافي ولا فادني طوق النجاة

لا متى وعيوننا ترتجتي حلم المبيت
في حضن ليل تعدى ولا ينوي مبات

ادري الحظ الردي صار يهدم ما بنيت
وش نسوي دامه الحظ غارق في سبات

لك وعد مني لاصون المحبه ما حييت
يمكن الفرصه تجي فالسنين المقبلات


اختكم :السوكره <

سلمت يمينكـ

لاهنتي خيتوو مميزهـ دئماً ..

ما اجمل الحروف عندما يملئها الاحساس

جميل جدا ما نزف قلمك

دمتِ بهذه الانامل التي تتميز بالا بداع

تحياتي....

قصيده روعه يعطيك العافيه على الطرح المتميز