<< ماتدري كيف ترد

خلوني اصير حياديه شوي .. الزواج يخص طرفين فقط .. الرجل والمراه

والرجل لما يفكر يتزوج بيسال عن العائله والبنت والخ الخ من التحقيقات هذي وماراح يتقدم الا وهو مقتنع فيها من الابو الى السواق والخدامه .. يعني محد دفه على هالبنت وزمن غصب وماغصب شبه انتهى
والبنات في الوقت الحالي ( ما اقول كلهم لكن اغلبهم ) عقولهم اكبر من موضوع لا لازم مهري مثل اختي ومدري وشو والكلام الفاضي هذا

وسالفه العرس كمان .. بنااااااااااات واجد ما تبي لا عرس ولا زفه ولا هم يحزنون

البنات الحين عقولهم صارت ناضجه واكبر من عمرهم الحالي

لكن المشكله مو فيهم .. المشكله بالاهل الي لازم العريس يصير تفصيييييييييييل على ما هم يبون ماديا واجتماعيا واخلاقيا وفكريا وهذا الي صاير نادرا جدا ما ينطبق لان الدنيا تغيرت تغيير جذري

والي بينظر للزواج من الرجال على انه بنت حلوه دلوعه جسمها حلو وتحت امره شبيك لبيك عبدتك بين يديك انسان ما يتساهل انه يتزوج << افهمي ياجاره
الحياة الزوجيه ارقى واسمى من كذا بكثير

والي بتنظر للزواج على انه فلوس وسفر وروحه وجيه ووناسه وسعه صدر ومشني وودني وسمي ياعمري وسمي ياقلبي انسانه بتعنس فبيت اهلها والا ماراح تحصل ولا شعره من الي هي متخيلته

الزواج بدايه حياة جديده يا تصيب يا تخيب على قد ما تبذل فيه

خلو ردودكم شوي واقعيه واذا بتناقشون موضوع ناقشوه من جميع الجهاتلان حاليا العريس والعروس يتفرجون على اهلهم وهم يفصلون ويخططون والدفع على العريس والبهذله للعروس

سوري جدا مره بالحيل اذا ردي بيزعل احد