اخوي احمد بداية موفقة ان شاء الله

وربك كريم ... الخير كثير .. و بإذن الله تتسهل

يا اخت فان حنا مانعرف ان كان الراتب بيتغير ولا لا بعد فترة التجربة وهم ماقالو لنا وصراحه مو حلوه نعيش ثلاث شهور على راتب قليييييييل على امل انه بيتغير وحتى لو تغير مابيزيد ذاك الكثر يعني من الافضل من البدايه اننا نلاقي وظيفة كل شروطها واضحه ومبينة والراتب مناسب لمؤهلاتك لان ذولا راتبهم مايجيب شي وين عن المواصلات ووين عن احتياجاتك انتي ووين ووين ... مايمديك تستلمين الراتب الا وهو طار ... لكن الله يوفق الجميع آآمين وبنشوف وش نهايتها معهم والي استمرو معاهم يعلمونا وش بيصير لهم

اختي خبلة وافتخر
بالنسبة لي متوظفة علشان يصير عندي خبرة وبدل القعدة في البيت مايهم طار الراتب طار.
وان شاءالله اذا ماتغير الراتب بعد فترة وشفنا وظيفة ثانية أحسن نترك هذي الوظيفة لأنه الجميع بالتأكيد يطمح للأفضل.
منووووووولة:
ألف شكر على التوضيح
واحنا نجرب ثلاثة شهور ونشوف ايش راح يصير
وأنا بعد المسمى الوظيفي: ضابط

ما راح نخسر شئ في الثلاثة شهور
نتدرب على حاجة جديدة علينا في مجال جديد على السعوديات
و نآخذ خبرة لحد ما نلقى مكان أفضل
تفائلوا بالخير تجدوه
الله يقوي حظنا يا رب
حلم سارة
يسلموووو
الله يسعدك يا رب و يحقق لك أمنياتك.اللهم آمين

فعلا التجربة حلوة

وجديدة و ما منها خسارة ان شاء الله

يكفي تغيير جو القعدة بالبيت

خبلة و افتخر

اذا ما حصلتلك فرصة ثانية جربي

بس بعد ماتشوفين الشروط و بنود العقد زين ..

صدقيني لا تضيعين عليك فرصة دامك مالقيتي البديل

اخت حلم ساره انا ولله الحمد لقيت البديل وبأمتيازات افضل .. لكن انا انقهرت على الي هنا يعني لو وحده منكم ارتبطت بالبريطاني وجتها وظيفه ازين خلال فترة التجربه اخاف انها ماتقدر تخليها وتروح للثانيه ..وزياده على كذا انا مااحب الغموض بأي شي وهالشركه من بدايتها وهي غامضه ايميلات مقفلين جوالات مقفلين..فاكسات مايردون .. الراتب ما تحدد الا بعد فترة وعلى اساس انه (يمكن) يرتفع بعدين ..فيها ظلم كبير لمؤهلاتك ..حتى امتيازاتهم لو تلاحظونها غاااااامضه ومو محدده .. يعني بس شختك بختك ضبط ولا ماضبط .. وصراحه انا ماراح اقول اني رفضتها من وقت ماشفت الراتب لا وربي ..صحيح اني انقهرت .. لكن جتني وظيفه ثانيه ازين وصليت استخاره كم مره والحمدالله رفضت البريطاني بدون اي تحسف حتى لو كانت امتيازاتهم بتصير افضل بعدين ... اتمنى التوووووووووفيق للكل وادعو ان الله يوفقني لأني للحين ماباشرت الدوام بس اخاف مايجوز لي ... اشوفكم على خير

اتمنى لكل الي بيستمرون معهم انهم ماياخذون على كلامي ابد ويهونون .. لأنها فرصه انكم تجربون شي جديد وتوسعون خبراتكم في مجال جديد حتى لو الراتب ماعجبكم يمكن تكسبون خبره اذا جتكم وظايف ازين .... اشوفكم على خير

ممكن بنات اعرف مؤاهلاتكم العلمية
هذي الرواتب للدبلوم او البكالوريوس
ممكن توضيح ؟؟؟؟؟؟؟
والله يوفقكم ان شاءلله

بالنسبة للأخت اللي سألت عن المؤهلات
أنا مؤهلي بكالوريوس
وهم المركز كانو طالبين ثانوي