ياعزيزي تضرب الامثال في غير محلها..
يعني اللي ياجر قلابه على السواق بـ10000 او 12000 الف , مثلته باللي يشرب من غدير وبعد مايرتوي يحوسه بالطين.
خلني استخدم نفس الغدير.... لظرب المثال الصحيح..
اشوف ان طريقتي مثل واحد جايب له مغراف كبير ومرسل واحد للغدير يملاه وياخذ له نصيبه من شربة الماء,,ولي الباقي...تبادل منافع,,,
طريقتك مثل واحد عنده مغراف ويرسل واحد يجيبله ماء ولايعطيه الا بالقطاره,, واخيرا اصبح المرسول يشرب نصف الماء , واصبحت تحقق معه وتتبعه وتراقبه , ويوم يطرح المغراف بالارض ويسهد الماء, ويوم يملاء المغراف تراب,,ويوم آخر,,الخ الخ...
بعدين تروح لصاحبنا الاول وتقول له ما قلل الماء عنا الا انت... سبحان الله "منطق عجيب"
بعدين ليه التناقض تقول طريقتي"تقصد بها طريقتك" وفيه ناس شغالين فيها وماشيه امورهم . وقبل تقول ناس مايهم الا الربح حتى لو حساب غيرهم,,,!!!
طريفتي طيبه للموظف ولغير الموظف..
الا اذا تشوف دخل 10 الاف الى 12 الف شهريا غير مجديه لغير الموظف,,,,
وهل تمثل معاناه للشباب!!!
مع العلم لو رجعت لفكرة المشاركه الاولى,,, يمكن لواحد "مخه نظيف" وبعد توفيق الله يكون عنده 4 قلابات خلال رابع سنه,,,
يعني دخل يوازي 40 الى 45 الف ريال شهريا,,,
الواحد لازم يقرر . اما عين على اللحمه وعين على الشحمه!! مشكله,.....
الخلاصه,,,
كل الطريقتين معروفه ومجربه في كثير من النشاطات,,, وخصوصا التاجير,,
وكل واحد له حرية الاختيار,,,
ولا لأي طريقه تاثير على الاخرى,,!!!
ولكن يظل الاختلاف في التفكير ,, ووجهات النظر... بدون رمي التهم..!!! وادعاء المثاليه,,!!
اسعدني كثيرا النقاش معك أخي عمر شقراء