اريد شراء عايدي اووايت واريد ان اجره على الشركات ممكن احد يفيدنا من حيث
1- كم سعر العايدي او القلاب
2-كيف اجره للشركات
3-بكم الشهر
4 -هل السائق علي ام عليهم
5- الكفرات والزيوت والعطل على من

ممكن احد يفيدنا بالتفصيل ويعطينا اسماء الشركات
وشو رايكم بواية ماء في المدينة كم رد اقدر اجيب باليوم وكم الرد وكيف ربح الوايت علما بانني موظف واريد دخل اخر ( الله يرزقنا واياكم)

ودمتم سالمين

السلام عليكم اخوي صقر
مشروع المعدات حلو بس لايكون راس المال دين اوسلف
وبالنسبة للتاجير لا تاجر معدتك بدون سائق نصيحة لابد السائق من عندك
اما المححروقات والصيانة على حسب اتفاقك مع الشركة
الله يوفقك ويرزقك من واسع فضله

بن هديبان
كلمة حق ولاتزعل مني تقبلها من اخ لاخيه
يا اخي هذي الطريقة سببت لنا مشاكل ومكنت العمالة من سوق المعدات
الافغانية في القلابات واليمنيين في البوكلينات والبلدوزرات والله اتعبونا
وسببها بعض التجار اللي مايبالون همه الربح وبس لو على حساب غيره
الحين المعدات تدري انك تروح تتوسط عند يمني علشان يشغلك والا افغاني
انا فيه مصري اخر ما كلمته اليوم علشان يمشي اموري
لاتلومون العمالة اذا تمكنت فينا لان احنا السبب اهم شي انا والباقي في حريقه
ياخي شغل العامل لين يكح التراب انا ماجبته علشان اعطيه ربع مليون بعد كم سنة انا جبته يشتغل عندي مو ياخذ حلالي
انا ما اقول اظلمه والا اشتمه والا خذ حقه شغله سواق وبس صحيح تعطيه محفزات اخر كل شهر اذا المعدة سليمة واتم عمله وزيادة
وشكرا

يالغالي انا ما شكيت لاحد لكن انا ابين لك اذا صار الافغاني يمتلك 3 تريلات قلاب والافغاني الثاني عنده 3 هذولا بياخذون العقد لو بخمس الاف اهم شي يكون اقل منك لانهم يكفيهم لو الف ريال بينما السعودي اللي تدين سيارةنه على شان يفتح بيت هل تتوقع تكفيه
يالغالي اللي يسوي طريقتك هو اللي موظف ماهو في حاجة لكن العاطل الله يكون في عونه
وبعدين بالنسبة للربح اثنينهم فيه ربح بس ليش ما ادور على الربح اللي مايخرب على غيري
يعني اذا كنت ضميان ولقيت غدير ماء بتشرب وذا رويت بتحوسه بالطين اشرب وخل غيرك يشرب
طبعا انا موظف مافرقت معي بس شوف معاناة الشباب وتعرف كلامي لكن اقول الله المستعان
وبعدين طريقتي فيه ناس شغالين بها والحمد لله ماشية امورهم ويالله التوفيق
والنقطة اللي تبي توضيح واضحة كل مصلي يبي المغفرة والربح مطلب الجميع بس انا اتكلم عن الطريقة
الله يهديك يالغالي شايفني اتشكى اشكرك بصراحة على استنتاجك هذا الشي يا اخي انت قلت طريقة وانا قلت عيوبها لا شكوى ولا حاجة لكن الشكوى لله
وشاكر لك ومقدر يالغالي

حوار ..مثير ..وثري..
على فكره فيها كلمه او مقوله قريتها ووجدها صحيحه ولو نطبقها مفيده
احيانا مايكون هناك (صواب وراي خطاء )
بل هناك (راي صواب وأخر صواب)
اسف على المداخله بين

ابن هديبان بالتوفيق واشكرك على مداخلاتك واثراءك للموضوع
صدقني دم سنوني لما اشوف واحد يدعي المثالية اكره المثالية كره العمى لكن صدقني انها تجربة علما ان منطقتي هي الرياض والشرقية وانت مادري وين مريت فيه بتجربتك وعلى فكره انا اتكلم عن تريلات القلاب والبلدوزرات والباقي ماادري عنه
بس تلاحظ ان كاتب الموضوع ماله طاري

جنيزر حياك يا اخوي وان شاء الله تستفيد
يمكن كل واحد له تجربة ومعاناة مر فيها ولذلك كل واحد له راي
وشكرا لكم

كلام عمر صحيح ميه الميه اصلا الاجانب صار يماطلون في الكفيل حتى يقول لهم سو كذا وعطني كذا وخلاص الباقي ماعلي منه
وهذا اللي ضيعنا انا مادخلت المجال هذا بس انا اسمع من ناس كثير