بسم الله الرحمن الرحيم

السلام عليكم ورحمة الله وبركاته :


أخواني وأحبتي أعضاء المنتدى أتمنى أن تكونوا بصحة جيدة هذي أول مشاركة لي في المنتدى
ويعلم الله اني كتبتها وانا محتار ودااايخ من كثر التفكير أخواني الكرام أنا خلصت أموري في الامن العام وبإذن الله دورتي
في الرياض في 7/ 7 لكن المشكلة أنهم قبلوني المباحث قبول مبدئي وعطوني موعد للمقابلة في تاريخ 7 / 7 يعني في نفس يوم بداية دورتي في الامن العام
وانا والله اني محتار مدري وش اسوي طبعاً الكل يعرف أن المباحث أفضل من الامن العام من كل النواحي خصوصا من ناحية الدورة وطبيعة العمل....
أبي شوركم يا أخوان اترك الامن العام واكمل اموري في المباحث ولا كيف ؟؟؟
تكفون ردو علي ولا تبخلون علي بالمشورة .... وأسال الله لي ولكم التوفيق دنيا وآآخرة

المباحث راتبها 5500او 6000بالكثير وانا انصحك بالامن العام
لان راتبها مع البدلات يوصل7000وانت براحتك إذا خلاص الامن العام جاتك وداخل الدوره روح الامن العام افضلك

عصفوووور باليد ولا عشرررة بالشجررررة

والله الله بالاستخااارة وانا اخوووووك


والله يوفقنا ويااااااك............

شوف استخير اول شيء ,, ولا تنسى شيء معاك ومظمون احسن لك بالف مره صدقني ,, يمكن تضيع الثنتين من يدك ,, خصوصا ان المباحث لسه كشف طبي مبدئي يعني راعين طويله من جد ,, فالله يعينك وموفقين جميعا

استخيرربك
شوف الله يوفقك في كل شي
بس الامن العام خلاص جاتك الدوره
اماالمباحث باقي الكشوف واشياء كثير
توكل ع الله ادخل دورت وفالك النجمتين

للمعلومية يا اخوان من ناحية الكشف الطبي انا الحمد لله سليم لاني اجتز الكشف الطبي حق الامن العام
برضوا عندي استثناء في المباحث ونسبتي 95 % علمي + شهادة حاسب 6 شهور

الاوله وانا اخوك اذا فات الفوت ما ينفع الصوت

انا نصيحتي لك تدخل الامن العام ,, لانك ما تضمن نفسك في المباحث تكون مقبول نهائي او لا

عصفور باليد ولا عشرة على الشجرة

والمباحث يبيلها واسطه عشان تنقبل ..

لا تأخذ بكلامي انت استخير وادع ربك يكتب لك اللي فيه الخير

احمد ربك يا خوي وقول الحمد لله
وانكانك تبي المباحث فحاول انك تستخير
ولا انا بالنسبة لي اقول لا تصير طماع فترى الطمع شين
توكل على الله وادخل الامن العام وحب ايديك وجهه وقفى
ولا تترك احد يلعب في عقلك