بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
ياشباب كيف حالكم وكيف احوالكم اتمنى الجميع بخير وصحه وعافيه

ابي الجميع يقرى الموضوع ويدلي بدلووه وتساعدوني بالاستفسارات اللي ابيها واقرى الموضوع كامل عشان تعرف معاناتي

انا الحمدلله اولاً واخراً على كل شي عاااااااااااااااااااطل عن العمل منذ عام 1426خريج ثانوي ادبي وعمري الحين داخل على 27سنه وانا اكبر اخواني واعوول اسرتي بعد وفاة والدي ومن اول ماتخرجت وانا اقدم بالامن العام وامن المنشأت والسجون واخر تقديم لي المباحث
والحمدلله على كل حال ماتوفقت بأي وحده منهم وطبعاً كل هاذي ارزاق من عند رب العالمين هو اللي يوزعها وانا تقريبا غسلت يدي من هالقطاعات بس شايف فيه تقديم بقسم الوظائف العسكرية بعنوان ( القبول في 1050 وظيفة بالقوات البرية للمتوسط والثانويه )
وحاب استفسر لاني شايف الاقبال على مواضيع القوات البرية وقطاعات الجيش قليل فحبيت استفسر منكم عن التالي:
1/بما ان التقديم متوسط وثانوي ماهي الرتب للمتوسط والثانوي مو معقول يعادلون المتوسط بالثانوي على رتبة جندي اللي عنده معلومه يفيدني فيها ؟
2/ كم مدة الدورة ووين مكان التعيين الخميس والا الخرج والا الحفر والا تبووك ؟.
3/ الاهم من هذا كله شايف الاقبال على القطاعات الاخرى اكثر من هالقطاع وش الاختلاف يعني بالعربي الراتب كم يكون للجندي هل معقول زي ماسمعت 2800 راتب هندي بفندق وربي ؟؟
4/ هل اقدر اجي المدينة المنورة والا مستحيل يعني لو عندي صك اعالة او شي من هذا القبيل اقدر اجي المدينه .
والله والله والله اللذي لااله الا هو ان ماحدني على هالقطاع مع اني مااعرف له لامن قريب ولا من بعيد الا حاجة اهلي وحاجتي
فاارجووو من الجميع مساعدتي في الاجابة على الاستفسارات
...............................................
اسأل الله العظيم رب العرش العظيم ان يوفق الجميع ويرزق الجميع من عنده يارب العالمين انت خالقنا فلا تنسانا من رزقك يارب العالمين
ادعووولي اخوووكم المحب عاشق الكرناف

/بما ان التقديم متوسط وثانوي ماهي الرتب للمتوسط والثانوي مو معقول يعادلون المتوسط بالثانوي على رتبة جندي اللي عنده معلومه يفيدني فيها ؟ الي بالمتوسطة جندي والي بالثانوية جندي أول
2/ كم مدة الدورة ووين مكان التعيين الخميس والا الخرج والا الحفر والا تبووك ؟. الدورة على حسب القطاع الي تخشة واسهل دورة دورت الشرطة العسكرية 3 أشهر
3/ الاهم من هذا كله شايف الاقبال على القطاعات الاخرى اكثر من هالقطاع وش الاختلاف يعني بالعربي الراتب كم يكون للجندي هل معقول زي ماسمعت 2800 راتب هندي بفندق وربي ؟؟ الراتب وانا خوك من 4000 ألاف إلى 4500
4/ هل اقدر اجي المدينة المنورة والا مستحيل يعني لو عندي صك اعالة او شي من هذا القبيل اقدر اجي المدينه .
تقدر ليش لا إذا كان عندك صك إعالة

الله يرزقك يارب بس نصيحه

اذا تبي تدخل هالقطاع ولا تعرف احد رح للخرج عند اللواء ركن عبد الله احمد العامر والله العظيم انه انسان محترم ويقدر وخلوق لأبعد الدرجات اذا جلست عنده تقول انك جالس معى جندي من تواضعه

ويقدر انا رحت عنده وترى سهل انك تخش عنده رحتله وعطاني اولويه وقالي ليتك جايني الاسبوع الي راح كان وربي الحين تخلص اوراقك لاكن قالي ابشر بعزك انسان في قمة الروعه هذا الانسان هوااا الي يرفع الرتبه موا هي الي رافعته

والله يرزقك ويوفقك