تخفيض عدد ساعات العمل فى القطاع الخاص
 

ما رايكم بدوام الشركات من الساعه الثامنه الى السادسه ويرجع الموظف هلكان يدور الفراش ويتفاجي بطلبات الاولاد والزوجه هل سيتم تخفيض عدد ساعات العمل ولو للمتزوجين السعوديين
ام سيبقي الحال كما هو سمعت من فتره انه راح يتم تعديل الدوم من مكتب العمل والعمل كحد اقصي من الساعه السابعه والنصف الى الثالثه هل هذا صحيح ام انا سنجلس فى العمل عشر ساعات يوميا غير ساعات الذهاب والرجوع من العمل وهل هذا الدوام سيؤثر على الانسان من حيث العلاقه الاسريه والاجتماعية لو عزابي ممكن تهون لكن متزوج اشوفها صعبة احببت ان اطرح فكرة لتقليل ساعات العمل وخاصه فى القطاع الخاص
ودمتم

اخوي كلامك تمام 200%
لكن المشكلة ان مكتب العمل ماله كلمه على القطاع الخاص و الشركات و سار جهة تدافع عنهم و مهتمه بالتاشيرات فقط و ما اعتقد انهم راح يسون اي شي في مصلحة الشباب السعودي
والا من جد حرام الموظف الحكومي من 2 الظهر وهو في بيته يتغدى مع عياله و يريح للعصر و موظف الشركة يكرها من 8 صباح الين 6 مساء و اكثر يعني هذا جاي من الشارع ماوراه احد لكن مافي عدل و الشكوى لله
ولو العمر فيه مليون سنة و تكلمنا فيها محد راح يسمعنا لان مايحس بالجرح الا الي الدم براسه و طالما الموظفين المسؤولين عن هالموضوع مرتاحين في حياتهم طز فينا حنا يالشباب السعودي الموظف في القطاع الخاص ( اعز الله السامعين ) و عندك اقرب مثال للظلم و التفرقة الواضحه الزيادة السنوية الي جات من الملك تكون للمواطنين الموظفين حكومي طيب و المواطنين الموظفين في الخاص لا يمصو حمر مالهم رب عيال الشغاله
تحياتي لك اخوي .

اخوي الحال من المحال وان شاء الله الامور تتغير ويتم التعامل مع الموظف السعودي فى القطاع الخاص افضل من الوقت الراهن

هذا من ضمن تحسين الوظائف و تشجيع السعودي عليها
بدل العبارة التي تتكرر
السعودي لا يحب يعمل ساعات طويلة و السعودي لا يداوم
ما يدرون انه ظروفه و وضعه غير الأجنبي
و لديه إلتزامات و عائلة و الوافد لا ولد و لا تلد و لا ظروف

لو كان الدوام كامل أفضل من الدوامين
و لو ينجز السعودي ما لديه من عمل يمكن لشهر قادم
لكن عدم التدقيق و السؤال و الدوام بدون إنجاز شئ
ما اظن يتغير الدوام و لو تغير يمكن تنظيم من الشركة
مكتب العمل عسى ينصفك في حقك
عشان يتدخل في ساعات الدوام و الشركات و يفرض عليهم

كان زمان وانا اخوك بس الحين حدود العشر ساعات واكثر

الشركات تلعب بالمواطن و مكتب العمل اخس منه مافي

الله يساعدك اخوي

ابحث عن البدائل

اي 8 ساعات واي (مكتب العمل:do5h:):cool: دوامي 10 ساعات 5 ص و 5م بشركة مرموقه على مستوى الغربية ودوام الاسبوع كله , ماعادا الجمعه.
حتى الصلاة بجنب مكتبك والمسجد 20 متر بعده ولو ما صلاة الجمعه الا كملو الاسبوع,
و حتى التامين مسجل مع اغلب زملائي مسجل بـ 1500 ريال في التامينات والراتب ضعف التامين 4 مرات ريال فين النظام اللي يطبق عالشركات:eek:
يعني ******** نوم + دوام + اكل + نوم = :k :cool:

صدقت اخوي انا اعرف شركات كذا دوامه بجده ولا فيه حسيب ولا رقيب بعدين ليه ما يتم التعديل من الثامنه الى الخامسه عندكم والله يكون فى عونك اخوي ويفرج همك

صحيح واكـــــــــــــــــيـد اخوي راجو والله مسخرة وآسف على ذكر هذي الكلمة ....
والله كبير وموجود.

بسم الله الرحمن الرحيم
السلام عليكم ورحمة الله وبركاته ---الله يكون بعونكم وعون المسلمين اجمعين=والله اني مجربه هاالوضع الشركات العن منهم مافيه ورواتب زفت ومعامله دونيه:mish::mish:الله لايحللهم دنيا واخره 00 وربي صرت غريبه عن اهلي ولا اشوفم الا اذا جيت من الدوام نص ساعه ياكثرها الناس نايمه وانا توني اجي ومن ظهر اطلع يكنون جايين من دوامتهم وانا طالعه:bالله يصبرنا على العيشه و نقول الدول الثانيه لاو الله هناك ع الاقل انظمه وضعيه ومن هاالسوالف العلم حنا نمشي على كتاب الله وسنه رسوله وطبعا الكتاب والسنه على ناس وناس =وربي مافيهم رحمه:cمتى بس اخذ الجنسيه البنقاليه واصير ملكه:yaa:مالنا الا الصبر بس والمصيبه اذا اعترضنا قالو الباب يوسع حاشي:z الله يزينها وبس

سبحانك اللهم اني كنت من الظالمين:cry::m:c

ايه والله انك صادق

انا ما عندي مشكلة اداوم من الساعة 7 بس ارجع لبيتي بدري مو 6 :(:(

والله كل الوظايف اللي تجيني ل6
طيب ساعه مشوااار يعني اوصل 7!!!!

مشكورين على الردود

جزاك الله خير

أتمنى توجد مكاتب للتبليغ عن التلاعب
سواء في مكتب العمل او التامينات و التنفيذ أول بأول
و لا يحتاج خطاب و شكوى من الموظف حتى لا يعملون له مشاكل
هذا إذا جادين في تصحيح الوضع و التخلص من هذا الغش و الكذب
و معاقبة المتلاعب و المخالف للانظمة مهما كانت
يعلم الله لو فيه مجال للتبليغ لن يستريح الموظفين يوم
و أتمنى لو كنت من ضمن المراقبين حتى افضح كل طريقة و غش

دخلت على مدير مكتب عمل و قلت له يوجد أسماء غير واقعية
و ناس ليس موظفين بالإسم فقط
الرد كان هذا مخالفة و فيها غرامة الخ الخ
طيب يا مدير يا ذكي أنا اعرف هذا الشئ
طيب تحرك و أخذ المعلومات و طبق المخالفة بدل تكرار المعلومة
حتى في العمل يطلبون توظيف سعوديين بالإسم و أرفض إلا براتب يستحق
و يسجلون في التامينات و مع هذا وجدوا من ياتي بصور بطاقات احوال
و يعطيهم 300 ريال اخر الشهر و النتيجة ترك العمل هم و من جلبهم
و عدنا من جديد للبحث عن موضوع السعودة و النسبة

أما أنتم يمكن التبليغ لدى التامينات عن هذا الغش
و هذا من حقكم كيف يدفعون للتأمينات مبلغ 300 ريال لا أن راتبكم 1500
و لا يسجلون الراتب الحقيقي حتى يرتاحون من النسبة
هذا يكفي التامينات تتحرك بدون شكوى

صدقت يا راجو

يعطيكم العافيه علي الموضوع

مشكورين ع الردود

لا اقول سوا حسبي الله ونعم الوكيل

[motr]
مكتب العمل نصب
[/motr]

لا يا اخوي الرايق ليتها حيوان وبس ..
الا يتعامل على اساس إنه ألة ماتخرب ولا تتوقف وكل الايام شغالة
:court::court::court:

[align=center]
يعطيك الف عاااااافيه
[/align]

الله يسهل يارب ويسهل امورنا
وكل على همه سرى

والله يفتحها علينا

لا حول ولا قوة لابالله صحيح مكتب العمل يدافع عن بعض الشركات والله هذي صدقت فيها ولكن الله يقوينا ويرزقنا رزق كالمطر يارب

مطالبة وزير العمل بتقليل ساعات العمل في القطاع الخاص
 

السلام عليكم شباب وبعد التحيه
توجد مجموعه من الشباب وهم موظفون في القطاع الخاص ويفوق عددهم 200 شخص يطالبون بتقليل عدد ساعات العمل ولديهم خطاب منسق ومرتب موجه الى وزير العمل ولكن المطلوب منا يا أخون وانا واحد منكم تسجيل أسمك ورقم هويتك لأثبات انك سعودي ورقم تلفونك ليقومو الأخوان لتواصل معك. قبل يومين جلب لي أحد الأخوان الخطاب وقريته وصراحه الخطاب متعوب عليه وفيه مطالبات بحقوق موظفين في القطاع الخاص ومن ضمن المطالبات تقليل عدد الساعات الى 40 ساعه في الاسبوع بمعدل 8 ساعات يوميا من السبت الى الأربعاء ويومين راحه يعني نكون حلنا من حال ارمكو. أخواني لا أطيل عليكم سوف أرفق الخطاب في المنتدى لكم بعد يومين ورقم تلفون للأستفساراة عن أي شي وكل واحد يقرأ الخطاب ونريد من كل شخص أبلاغ أقربأكم وأصدقائكم ونشر هدا الموضوع في المنتديات وتسجيل أسمك ورقم تلفونك وهويتك لاننا نحتاج عدد أكثر لكي تكون كلمتنا موحد ونظر المسؤولين في خطابنا وتشكيل لجنه لمتابعة خطابنا وتقليل ساعات العمل.
ملاحظات: ياشباب.
كيفية أرسال الخطاب الى وزير العمل؟
1- سوف يقوم بعض الأشخاص وطبعا بحسب خبرتهم الكبيره بتوكيل محامي لنا ليقوم هدا المحامي بمراجع طلبنا ومقابلة الوزير ومتابعة الأحداث أول بأول.
2- سوف يؤكل شخص من الموظفين بمتابعة المحامي وألأتصال عليه ومتابعة الموضوع أول بأول وسوف يرسل أسم ورقم المؤكل الى جميع المطالبين.
3- سوف يكون هناك مبلغ رمزي الى المحامي ليس بستطاعتنا معرفة المبلغ ولكن على سبيل المثال: ادا طلب المحامي 10000 ريال سوف تقسم على الجميع. ادا قلنا عددنا 400 موظف تقسيم 10000 الناتج 25 ريال لكل شخص وهكدا.
4- لن يسلم المؤكل المبلغ بلكامل الى المحامي الا بعد انتهاء المعاملة
5- سوف يكون عقد بيننا وبين المحامي لحفظ حقوقنا جميعا وسوفه يرسل صوره من العقد للجميع.


شباب نريد ناس جاده في الموضوع والله يبارك فيكم ونخلص من طول الساعات في العمل ونقدر نتفرغ الى أهالين وخلال يومين بأدن الله سوف نرفق الخطاب في المتندى ورقم التلفون لأستفساراة والتسجيل. وسلامتكم

انا معك يالعتيبي .. وبرفع هالموضوع من وقت لآخر ..

لا والغبنه بالموضوع . ..الدوام بحسب القانون 8 ساعات ..ولكنهم يجبروننا على بريك ساعه ..ومانقدر نطلع بعد !

المفروض تجبر الشركات على إلغاء بريك الغدا الي من 12 الى 1 .. والي نصه صلاة وزحمات شوارع ويخلونا نكمل وقت الدوام ب 8 ساعات بدل 9 ساعات

اصلا مكتب العمل متواطئ مع اصحاب الشركات

والله ياخوي عمري ماشفت شركه دوامها من 7إلى 6!!!!

مدري وين أنت شغال اللي أعرفه أن اللي دوام واحد يكون من8إلى5
واللي دوامين تكون 8إلى1 و4إلى8

عادي .. كنت اشتغل في شركة ( ندى ) من الساعه 6 الى 6 بالليل ..
و اشتغل في البنك من الساعه 8 الى 6 بالليل ..
و في نادك .. 8 ساعات .. و على الكول باقي الوقت ..


لا تحزن .. أنت في السعودية ..

و راعيك ( مكتب العمل ) قمة القمم في الفساد ..

و الدافع .. مشيتي و أمشيك ..


تحياتي لك

معاكم بدون تردددددددد

حبااايبي نضم الدوام 8 سااعات يومين مااعدى الجمعه
والراتب 1800 او 2500

هاذا يسمى نضاام الاستعباد يعني عبد مملووك بعقد مدة سنه

والفلوس هااذي تخدع فيها الفلوس حقة اكلك وشربك ومصروف مشوووارك

وجوالك علشان يجيبووك اخر الليل

اتمنى نوووقف سوووى ونوقف نضام الاستعبااد


والله قهر قمة القهر يسوووووني مع الاجنبي ولا يقلبوووني عبد

على الاقل الاجنبي الرااتب الي تعطيه انت يسوووي عشر اضعااف الي يجيه ببلده

وانا يالله يالله يعيشنى الى اخر الشهر

الله يكون في العون أكثر الشركات عشر ساعات أو تسع حتى يوم الخميس والحكومي إجازة

يرفع........

المشكله يقارنون الاجنبي بالسعودي
مايدرون ان اكثر الاجانب عزاب ولو يبون يداوم 24 ساعه
ماعنده مشكله مو مثل السعودي
لكن حتى مكتب العمل اضن ماعنده شي ولايقدر يسوي شي
على اغلب الشركات

مكتب العمل اغلب الموظفين مع الشركات لانهم يحصلون رشاوي
وهو اسمه الجديد مكتب العمال الاجانب غير السعوديين