الحمد لله على كل حال

صدق التقنيه ممقوته من الناس كلهم مدري ليش ...؟؟؟

الله يكتب لكل خريج تقنيه والا غيرها التوفيق وين ما يبي

ههههههههههههههههه ياحسرتي عليه
يسسسلمو

هالكليات اللي معتمده دراسياً لا وظيفيا
المفروض تتقفل ضيعوا المسلمين معهم
تتطبيق عملي ونظري واختبارات وبالاخير ليس لها مجال وظيفي
وسوق العمل لا يحتاجهم ..فين يروحون

<<<<< ترفقي ياخاله وخلي الفلسفه لأهلها ترى محد يمك







ياربي ترزق خريجين التقنيه بالوظائف وترزق جميع العاطلين وتصلح الاحوال


يعطيك العافيه عاطل ماهوبكيفي .... ان شاء الله تلقى وظيفه على كيفك


كيكورك بالصميم ان من شفت العنوان ينتع عرفت ان هالكيكور قوي
وبصميم




وثيقه مرت من هون

^
أعصباتس .. كلّش ولا تزّعلين روحتس .. والدنيا ذي كلهآ بقريح


اي والله الكاريكاتير في الصميم !
اقسام ومجالات مفتوحة .. وللأسف مالها طلب بسوق العمل !

عوافي يارب على الكاريكاتير ,, تسلم

كان الله بالعون

يعطيك العافيه

المشكله تكمن بوجود شخص واحد يدير جميع هذه الكليات والمعاهد والتي اعتقد ان عددها تقريبا يتعدا الخمسين ان لم يكن اكثر من ذلك!

يعني مستقبل آلاف الطلاب والطالبات يعتمد على قراراته اللي مع احترامي له دائما تكون في الاتجاه البعيد عن تطوير مخرجات هذه الكليات

فأتمنى ان تكون مسؤولياته << واقصد به رئيس المؤسسة العامه للتدريب التقني بحدود الاداره وليس المناهج والانظمه والتخبط بها.

سأذكر لكم بعض القرارات اللي صدرت منه وهي قرارات لاتمت بصله لتطوير مخرجات هذه الكليات والمعاهد:

1- تغير اسم الطلاب من (طلاب) الى (متدربين) < وكأننا نتدرب تدريب منتهي بالتوظيف؟؟؟ صراحه مدري وش يبي هالقرار !!

2- محاولة انشاء معاهد تدريب بالتعاون مع الشركات الكبرى مثل سابك,ارامكو, الكهرباء وهي معاهد تدريب منتهي بالتوظيف<< طيب ليش تنشئ معاهد وانت عندك مئات الكليات والمعاهد ليش ماتعمل اتفاقيه بتوظيف الخريجين ولو كان بالمفاضله بمعدل التخرج وتحاول تشوف وش تبي الشركات وتغير المناهج بناء على ذلك؟

3- تغيير نظام الدراسة من فصلين دراسيين بالسنه الواحدة الى ثلاث فصول بالسنه (وكأن الشركات مو لاقين خريجين ويبون 3 دفعات بالسنه ؟؟؟؟ ) وهذا التغيير تسبب بظلم الطلاب اللي نزل القرار وهم يدرسون على النظام القديم لانهم يعتبرون دارسين لمدة سنتين وهم درسوا لمدة سنتين ونصف؟ وتسبب القرار بالكتابه على السجلات التدريبه لهؤلاء الطلاب بأنهم معفيين من مواد (تقريباخمس مواد) بسبب التحويل للنظام الثلثي وهالشيء مو من صالح الطلاب لانهم درسوا نفس المواد ولكن بمسمى آخر ويجلب الشكوك عند قرائتها من قبل الشركات والجامعات بغرض التوظيف او اكمال الدراسة.

4- انشاء كلية اعداد المدربين التقنيين بالرياض وغيرها كليتين اعداد قيد الانشاء في جده والدمام , واستقطاب المتفوقيين بمعدلات (ممتاز) وبعد قبولهم بـقرابة الـ 6 شهور تم افتتاح الابتعاث لبرنامج اعداد المدربين التقنيين بالخارج؟؟؟ فشعرو الطلاب اللي انقبلو بكلية اعداد المدربين بالرياض انهم انظلمو لانهم مايدرون ان فيه ابتعاث قبل تقديمهم على الكليه!! ومازال الخريجين ذو الشريحه الاكبر وهم ذوو التقديرات (جيدجدا) حائرين لاهم اللي انقبلو في الكليه ولاهم اللي انقبلو في الابتعاث؟ رغم ان شروط الابتعاث تسمح لمن كان معدله جيدجدا بالتقديم على الابتعاث ولكن بلا فائده لأنه لايوجد اختبارات قبول ليتم انصافهم.

5- وهذا قرار مضحك ومفرح ومبكي بصراحه, وهو انه تمت اتفاقيه بين المؤسسة للتدريب التقني والجامعات بالخارج لمعادلة جميع الساعات للطلاب المبتعثين؟؟,طيب والجامعات الداخلية بالمملكه ليش ماتقبل خرجين الكليات التقنية لاستكمال دراستهم!! حاجه غريبه جدا

نجي للحلول والمقترحات:

1- الغاء صلاحيات رئيس المؤسسه باللعب بالمناهج والانظمه لهذا العدد الكبير من الكليات لانها مهيب كلياته الخاصه بل هي كليات ومعاهد حكوميه انشئت لمصلحة ابناء الوطن ولايجوز له التخبط واللعب بانظمتها .

2- وضع القرارات للتصويت ويكون التصويت على الاقل من عمداء الكليات اللي مدري وش صلاحياتهم ؟؟

3- تغير نظام الدراسه الى اللغة الانجليزيه. <<<<<<< اهم الحلول.

4- الذهاب الى الشركات ومعرفة وش يبون في الخريج وتدريس الطلاب بناء على ذلك, أو الاستعانه بمناهج دراسيه من الخارج مثل ماستعانوا كلية الجبيل الصناعية ومعهد الجبيل التقني. << والصراحه اشوف ان كلية الجبيل الصناعيه تساوي 50 كلية تقنيه ماشاء الله, لوجود اداره تعرف ماذا تدير وتشعر بالمسؤليه.

5- ايجاد حل مع الجامعات الداخلية علشان الخريجين يقدرون انهم يكملون دراستهم داخل المملكه.

صراحه يبيلي انشئ موضوع بهالخصوص وليس رد
اعذروني هذا من القهر اللي فيني درست وتعبت ومعدلي فوق الاربعه وانصدمت في الكليه بعد ماتخرجت.

يعين الله’’

آساساً كل التعليم عندنا’’<<عليه السلام’’


عاطل ماهوبكيفي’’ يعطيك العافيه’’

والله يرزقكَ وجميع المسلمين’’من فضله’’قول آمين,,