31-05-2010, 01:19 AM
|
 |
|
|
تاريخ التسجيل: Apr 2008
الدولة: ҉ .₪الـطـــائـــف₪ ҉ .
المشاركات: 2,399
معدل تقييم المستوى: 1891353
|
|
|
وصف لموقع مركز المباحث بالطائف ،، للقادمين من طريق السيل - طريق الهدا
الموقع للي جاي من السيل :
بعد ما تدخل الطائف طبعا نقولك ( حمدالله على السلامه نووور الطائف بوجودك  )
يجيك مصنع ألبان الطائف( طبعا المصنع بيكون على يمينك ) بعد المصنه بمسافه تجيك اشاره تاخذ يسار وتروح على طول لين تجيك اول لفه قبل الملعب
( اذا اخذت اللفه يصير الملعب على يسارك) روح على طول يجيك شبه دوار صغير خذ يسار وروح على طول تقريبا 300 مطر بتلقى العالم مصفطين ومتبطحين على يمين خلف الشجر اذا قدرت تدخل من هناك ادخل ،،
ولو ما قدرت روح لاخر الشارع وارجع يمين بيجيك السور حق المباحث على يمينك
روح لين ينتهي السور وبيجيك بعده سور البلديه اول ما ينتهي السور فيه لفه يمين ادخل معها
( طبعا هي اول لفه تقابلك وقبل المجمع حق مدارس البنات)
روح على طوووول لين ينتهي السور وادخل يمين مع التراب بتلقى العالم قدامك
الموقع للي جاي من الهدا :
بعد ما تدخل الطائف طبعا نقولك ( حمدالله على السلامه نووور الطائف بوجودك )
طبعا تنزل للطائف لين تجيك حديقة الملك فهد على يمينك بعدها بيجيك نفق لا تروح معه اطلع من فوق بيجيك مديور ارجع معه لين تصير مقابل الحديقه مره ثانيه وقبل الكوبري فيه لفه مخرج يمين ادخل معه ( بس على هونك ترى اللفه قويه شوي ) تروح على طول بتجيك اشاره تتعداها
وبعدها اشاره برضه تعداها وبعد اشاره تعداها ( اغلب الوقت فلشر ما تشتغل الا وقت الدوام فقط وبتشوف مكتوب على يسارك ورشة الدروع وان جنبها الشرطة العسكريه اذا ما ضيعت - هذا عشان تتاكد انك ماشي صح وعلى الوصف )
بيلف فيك الخط اجباري يسار( انتبه اللفه جامده شوي يعني على مهلك الدنيا مو طايره ) بعد اللفه فيه مخرج نزول على يمينك بيجيك
(جبل صغير على يمينك برضه عشان تتاكد انك ماشي صح ) اول ما تتعداه تجيك لوحه على يمينك مكتوب فيها مكه المكرمه او اظن مخرج والله مضيع المهم طبعا بيجيك مخرج انزل معه
( وبرضه على مهلك ما وراك شي ليه مستعجل )
( واللي يضيع المخرج او ما عرفه يروح ع طول بتجيه اشاره يرجع معها لين تجيه محطه على يساره بعد ما تتعدى المحطه بشوي فيه لفه يمين ادخل معها وروح على طول وبعدها دززززززز لين تجيك اشاره خذ معها يمين
،،،،واذا اخذت يمين ( كمل الوصف نفس اللي فوق لان هي نفس الاشاره للي جايين من السيل بس اللي جاي من السيل ياخذ يسار واللي جاي من الهدا
طبعا بياخذ يمين )
<<< ( ما صار وصف موقع هذا ،،، حشا جالس تعلمهم طبخه انت )
ادري ان الوصف لكم عليه ومدري وش يبي لكن هذا اللي قدرت اوصفه لكم
وحاولت اكون دقيق وابعدكم عن اللفات والاشياء اللي ماهي واضحه او ممكن تلخبطكم
بالوصف عشان ما احد يضيُع الموقع لكن ان شاء الله ان الوصف ما يضيع وواضح للكل
الله يوفقنا جميعا وييسر امووورنا يآآآآآآآآآآآآآآآآآآآآآآآآآآآآآآآآآآآآرب
التعديل الأخير تم بواسطة أبــونــاديــن ; 31-05-2010 الساعة 01:27 AM
|
جزاك الله خير والله ماقصرت 
العرض العادي
