بسم الله الرحمن الرحيم

موعدي كان السبت والوضع مثل ما شرحو الأخوان اللي سبقوني قبل إسبوع
لكن اللي صار معي التالي...

الحضور للمركز في الحاير من 5.30 صباحاً وأدخلونا وواقفين داخل لحوالي 6 ويقسمونا مجموعات كل مجموعة 17 شخص بباص
تحرك الباص لصالة تدقيق الأوراق "والوضع كان منظم" بعد ما سلمت ملفي وبالنسبة للإستدعاء أي صيغة مو مهم أهم شي يكون الطلب واضح مع معلوماتك كاملة أنا جبت هذا جاهز معي
وبعدها أخذونا للإختبار التحريري بصالة ثانية وملاحظها تختلف من موعد لموعد هذا اللي جاني..
1- إعادة كتابة القطعة <-اظاهر بيشوفون خطك
2- أذكر بيتين شعر أثرت فيك
3- أذكر سيرتك الشخصية من نشئة وهوايات

حسب ما فهمت إن الإختبار عشر دقايق فقط لكن العسكري ما قصر معنا


بعدها تتوجه للمبنى المقابل (مبنى من دورين الأول للفحص والثاني للمقابلة الشخصية)
ينادو إسمك تدخل عند الممرضين شيل شماغك وأغراضك عالطاولة لفحص الطول+الوزن
بعدها تجلس ولوحة قدامك لإختبار النظر حرف E وجنبك شخص عالطاولة يفتحلك دفتر لإختبار عمى الألوان يسألك عن الرقم في الصورة نفس الإختبار هذا بالضبط
خلصنا الفحص وبدأو يأخذون مجموعات خمس أفراد للمقابلة الشخصية (وهيا أصعب مرحلة بالنسبة لي ) طبعاً كل واحد يدخل لوحدة عندهم ولازم تكون متجهز قبل... تشمر يديك ورجولك للركب وترفع ثوبك تربطة (بتلعب كورة يعني)
دخلت عندهم ووقفت في النص بعد تحية الإسلام
وبدى كل واحد يستلمني بسؤال....
من فين أنت وابوك فين يشتغل؟ أنت أكبر عيالة؟ أخوك فين يشتغل؟ من الكلية التقنية بأي تخصص؟
وسألني من تعرف من المعارضين؟
قلت الفقيه ومافيه غيرة؟ قلت هذا اللي اعرفة بس
وش أطول سورة بالقرآن؟ قلت سورة البقرة
وش أعظم سورة وأعظم آية؟ قلت أعظم آية الكرسي (قالي خطاْ ) وأعظم سورة الإخلاص وأشرلي غلط <- الإجابة الصحيحة الفاتحة
سألني واحد أنت تدخن قلت لا <-وأنا فعلاً ما ادخن لكن سنوني اللي يشوفها يقول كذا من الببس والشاهي

بعدها قالولي تفضل

وبعض الشباب يسأل عن الميزان اللي عندهم هذا إذا شكو بطول الواحد فحصوة مره ثانية عندهم

وبس هذا اللي صار معي


***يعني الوضع بالمجمل منظم وما فيه ذاك التعب أبداً***


*************************
مع كذا طلعت من عندهم متحطم لأني كنت واضح مرتبك قدامهم مدري إيش جاني أنا ما سكت عن أي إجابة لكن الربكة واضحة علي
هل راح يأثر علي هالشي؟؟ وكيف توزيع التقييم؟ ياليت أحد يطمني

اهلين وسهلين اخوي يعطيك العااافيه


بس بغيت اسألك انت مقدم بالكلية التقنية وش الرتبة

وثانيا: وش الأسئلة البايخه حسستني بمقاابلة الشرركات كأنهم مايبونك تتوظف
ثالثاً: إذا عندك واسطة حررركها وتمشي

بالتوووفيق ياخوي

الله يوفقك ان شاء الله

الله يوفقك انشاء الله

بالتوفيق ..
وعقبال القبول النهائي ..

بالتووووووووووووووووووووفييييييييييييييييييييييييق

انا ولد خالي علمي ونسبته 65 طلع بالمبدئي ادعووو له انه يتووفق

صار له سنتين عاااطل يارب يوفق الجميع

بآلتوفيق لك

مشكور ويعطيك ألف عافيه والله لا يحرمنا منك