13-08-2007, 01:41 AM
|
 |
عضو سوبر
|
|
تاريخ التسجيل: Mar 2007
المشاركات: 385
معدل تقييم المستوى: 7139
|
|
اخي اذا انك تبي تشتغل بالمحل انت
وانت جاد
عليك بالعمل بالمنطقة الى انت فيها اذا انك ناوي بيع خضار وفواكه ...
مثال اذا انك بالرياض تحاول تشوف لك مكان تجمع محلات بيع الخضار وتفتح محل وتعمل فيه انت .. وتشتري ددسن او هايلوكس موديل 95 او 96 وتكون نظيفة وياحبذا تكون ديزل وتقوم الصبح وتروح لسوق الجملة حق الخضار وتشتري وتجي لمحلك وتنزل البضاعة .... وتذكر شغلتين اي واحد بيجيك للمحل ويكون سعرك رخيص وخضرتك جيدة راح يجيك غصب عنه مره ثانية واي واحد يجيك وسعرك غالى حتى لو بعته وراح ووجد عند محل ثاني ارخص منك لو بريال واحد او الخضرة فيها غش صدقني راح يحرم يجيك مره ثانية ومصير المحل للاقفال .. اهم شي بمحل الخضار شغلتين اخوي ومع الوقت راح تربح ان شاء الله
اولا : سعر البيع يعني لما تكون التكلفة الفعلية للسلعة 6 وتبيعها بـ 8 شي طيب ربح ريالين ومع كثرت البيع راح تطلع ارباح جيده
ثانيا : النظافة للي تبيع وللمحل يعني ماتبيع شي خربان ومغشوش للزبائن يمكن تمشية مره مرتين بس تذكر ان مصير المحل للاقفال
بالنسبة للبيع خارج السعودية فما انصحك لانه فيه جمرك وفيه توقيف ساعات بل قد تكون ايام عشان تعبر الحدود لان سيارتك الى فهمته انها دينه عادية يعني الخضار يوم يومين ويخرب من الحر حتى الرطب بخلاف مصدرين الخضار الذين ينقلون خضارهم بسيارات مثلجة . ثانيا لاتنسى انك هناك راح تحتاج الى مكان للراحة يعني بتستاجر شقة غرفة الخ .. راح يكلفك هذا بالاضافة الى تأمين السيارة عند دخولك لاي بلد خليجي يعني الشغلة اشوف انها مكلفة
ذكر الاخ احلام وردية مشروع نقل المعتمرين .. اشوف انه شي مربح من خلال ماسمعت عنه .. واهم شي انك تحط السيارة تكسي وتشتري فورد او كامري مادام انك تبي تسافر وتمسك خطوط خلها داخليا جده مكة المدينة او جده مكة واهم شي بهالشغلة انك تشتري اجرة مو سيارة خصوصي وتنقل عليها الركاب لانك راح تاخذ قسايم الى مالا نهاية اذا نقلت الركاب على سيارة خصوصي لانه لازم تحولها الى اجرة
اوانك تقدم على مشروع الملك عبدالله لسيارات الاجرة او برنامج عبدالطيف جميل للاجرة وتاخذ سيارة اجرة جديدة وتقسط عليهم الفلوس وانت مخير
وبالتوفيق اخوووي
|
اخواني بفضل الله املك مبلغ 48000الف ريال طلعتها بشق الانفس !!
العرض المتطور
