السلام عليكم ورحمة الله وبركاته

اول شي صلو على الحبيب محمد صلى الله عليه وسلم

كيف حالكم ياشباب وشابات ندخل في الموضوع الصراحة احس اني طفشتكم من كثر مشاريعي الي ماتحقق منها ولا مشروع بس الحمد لله على كل حال عشان كذا سميت نفسي مشاريعو المهم فكرتي الجديدة هو اني اتوكل على الله وافتح محل مكسرات وبساكيت والي خلاني افكر في المشروع هذا هو ان المنطقة الي راح افتح فيها مافيها محل مكسرات نهائياً واتوقع ان المحل راح يكون فكرة جديدة بالنسبة للمنطقة المهم الي ينقصني بعد توفيق الله هو مساعدتكم ونصايحكم وافكاركم وكم راح يكلف المحل تقريبا علماً أن الايجارات رخيصة في المنطقة وبالنسبة للبضاعة ماهي الطريقة المناسبة وفيه محلات تجيب بساكيت قديمة ودي اعرف من وين أجيبها واتمنى منكم مساعدتي بكل صغيرة وكبيرة تخص محل المكسرات والبساكيت واتمنى من الله ان يوفقني في هذا المشروع

واتمنى من الله العلي العظيم ان يرزق كل تاجر في تجارته وكل عاطل بوظيفة وكل شاب بزوجة صالحة وكل فتاة بزوج صالح وان يشفي مرضانا ومرضى المسلمين ويرحم موتانا وموتا المسلمين ويفرج همومنا وينصر اخواننا المسلمين في كل مكان انه على كل شيء قدير....

المكسرات مشروع حلووو بس وفر الجديد والذيذ ونوع بظاعتك لا تخليها مكسرات وبساكيت بس شف وش ناقص المنطقة الي انت فيها وجيبه

بتوفيق ان شاء الله

بالتوفيق ان شاء الله

ركز على مشروع واحد كا بدايه وراح تنجح باذن الله
وتسمي نفسك مشروع

الله يوفقك ويرزقك من واسع رزقه
سبحان الله وبحمده
سبحان الله العظيم

اخوي خلها نص المحل مكسرات وخل نص بقاله واذا تقدر خل فيها قهوه وهيل ومثل المطاحن والله فيها خير ان شاء الله ~التنوع زين~