19-06-2010, 02:11 AM
|
عضو مميز
|
|
تاريخ التسجيل: Jun 2010
المشاركات: 792
معدل تقييم المستوى: 73194
|
|
اقتباس:
المشاركة الأصلية كتبت بواسطة فيصل فرج
طيب كم المساحة المطلوبة لهذا النشاط ؟؟؟؟؟؟؟؟؟؟
|
اقتباس:
المشاركة الأصلية كتبت بواسطة فيصل فرج
وكم قيمة الغسيل بهذه المغسلة ..........؟؟؟؟
وبعدين أية محلات يراجعها الشخص لتجهيز المغسلة ...... تركيب الماطور .... مد الليات ..... تصريف المياه .......؟؟؟؟؟؟؟؟؟؟
|
السلام عليكم
إذا أنت تبي تبني مغسلة على ارض فضاء ...هذى ماعندي خبرة والله
...........................
لكن اذا تبي تستاجر مغسلة بتلقاها مجهزة ومسلكه جميع مواصير الماء
سواء اللي بيغسلون بها العمال او اللي تصرف موية الغسيل للمجاري
طبعا المغسلة بتلقاها في محطة وبيكون صاحب المحطة مطلع ((إجباري))
ترخيص من الدفاع المدني حق السلامة من الحريق ومن طفايات وتمديد
أسلاك إلخ........... يعني انت ماراح تراجع الدفاع بس تاخذ معك ترخيص
الدفاع من صاحب المحطة أو اللي مستاجرها وعقد الايجاراللي بتسوية في
مكتب عقار بينك وبين صاحب المحطة اوالشخص اللي مستاجر المحطة
((لازم قبل كل شي تكون المهنة حقت اللي بيستاجر أنت او غيرك (متسبب))
وبعدين تاخذ:
عقدالايجار+ترخيص الدفاع+كرت العائلة للمتزوجين وصورتها+كروركي
الكروكي........................................... ...........................................
تسويه بيدك انت على ورقة بيضا توضح فيه موقع المحطة واسم الشارع والحي
لازم تحدد اتجاه (الشمال) في اعلى ورقة الكروكي عشان يعرفون موقع المحطة
أو إذا كنت عزوبي تاخذ:
عقدالايجار+ترخيص البلدية+بطاقة الاحوال وصورتها+كروكي الموقع
وأذا جيتهم راح يعطونك خطاب للاحوال بموجبة يعطونك الاحوال برنت يوضحون
فيه مهنتك عشان البلدية تتاكد ان مهنتك متسبب ثم يقلون لك صلح لوحة إعلانية
حسب المساحة اللي تبيها انت و تروح للخطاط ويصلحلك اللوحة على ذوقك ترا قيمة
المتر المربع الواحد يصلحونة الخطاطين من 180 إلى 200 أعلى شي طبعا لوحة
عادية ( لا تحط لوحة أكبر من 1 في 2 يعني = 2 متر مربع / تكلفة الخطاط 400ريال
والبلدية بياخذون 100 عن كل متر يعني 200ريال +رسوم 20 عشرين ريال=220
وبعد ماتجيب لهم فاتورة اللوحة يعطونك موعد للخروج ومعاينة موقع المغسلة وتسجيل
المساحة والتاكد من اللوحة والتاكد من وجود معدات المغسلة...............................
............................خذ حذرك .. خذحذرك .. خذحذرك................................
إذا كانت المغسلة في محطة قديمة وكانت مستأجرها قبلك احد وطلع........................ إنتبه
تستاجرها إذا كان المستاجر القديم اخذ رخصة البلدية معه يعني ( بدون رخصة )
لأنك لو رحت للبلدية ولقو عليها رخصة ماراح يعطونك رخصة لين تجيب الرخصة القديمة
وإلا ترا بتصير معاملة وبيرسلونك أنت شخصيا بالمعاملة عشان .................................
تسقط الرخصة من مكتب العمل وفي هذي الحالة راح تقعد يمكن شهرين او أكثر وإنت ماطلعت
رخصة وفلوسك ماراح يرجعها اللي أجرك المغسلة .. إنتبه لذا النقطة قبل تتورط
إما إذا كان فيه رخصة قديمة و (موجودة) وعطوها لك توكل على الله وإستأجر المغسلة
(معدات المغسلة وجميع متطلباتها تجدها في شارع الريل جنب شارع الغرابي بالضبط)
لا تنسانا من الدعاء .. الله يوفقك .. إعذرني عالشرح الطويل والممل هههه
التعديل الأخير تم بواسطة ابوسعودسليمان ; 19-06-2010 الساعة 02:29 AM
|
العرض العادي
