دول العالم والسعودية تبرم عقود مع الشركات الأجنبية عشان تنفيذ برامج تنموية في دولهم وبنفس الوقت حق دعم الإقتصاد وتوظيف المواطنين .. وهذا اللي تنص عليه القوانين السعودية.


أنا أشتغل في الشركة الصينية (ما عاد مجال نخاف ونتكلم بشيء مجهول) وهذه الشركة متعاقدة مع أرامكو ويا سبحان الله فاكرة حالها فوق القانون ما توظف سعوديين إلا إذا هي مضطرة بالغصب وتوظفهم في مواقع عادية ما تعطيهم مسؤولية ودائماً تحط عليهم مسؤول صيني ومدير الموارد صيني حتى الجوازات ماتصير عند سعودي لازم صيني يحفظهم ويطلعهم للسعودي وقت الحاجة . . هذه الشركة تتضايق جداً من الأنظمة السعودية وتحاول قدر الإمكان تتهرب من الأنظمة ما تطبق السعودة . . تدرون ياشباب كل موظفين وعمال الشركة صينيين وأغلبهم ما عنده لغة انجليزية ولا حتى خبرة لغتهم الام بالشركة هي الصينية !! غريبة صح مو المفروض تكون الانجليزية !! حتى لما يجي سعودي يقدم يفرضوا عليه لازم عنده خبرة ويتكلم انجليزي مزبوط ! كيف تجي هذه !


وأحيانا تصير مواقف في العمل أقول للمسؤولين ميصير تسووا كذا أو لازم نسوي كدا هذه أنظمة وقوانين .. يردوا يقولوا لا هذه أنظمة صينية !!
ما أسكت طبعا ارد عليهم : أوك أنظمة صينية في الصين بس انتوا في السعودية ميصير تطبقوا أنظمة صينية !! حلوة ذي



من كثر عددهم في الصين الشركة تجيبهم السعودية عشان يشتغلوا !! يعني المشاريع الدولة عطتها للشركة علشان التنمية والتوظيف للمواطن مو عشان الشركة تجيب مواطنين صينيين من بره ووتعطيهم وظائف هنا بدل المواطنين ، السعودية مو مسئولة توظف صينيين عاطلين في بلدهم اللي عندها كافي ! ويش فايدة برامج المشاريع مع شركات أجنبية تسوي كدا !!


احنا نعرف أغلب الشركات الأجنبية مثل الامريكية صحيح تحط مسؤولين من بلدها لأن لازم التنفيذ للمشاريع يكون على اسلوبها لكن بنفس الوقت توظف سعوديين وتعطيهم مسؤوليات في الإدارة وفي مواقع متنوعة حتى فنية تعطيهم موقع مسؤول والشركات الأمريكية ما تحاول تتهرب من القوانين لأن هي بنفسها عندها قوانين مشابهة ويمكن أحسن من قوانين السعودية.


اذا الشركات صارت تجي السعودية وتاخذ مشاريع ولا توظف سعوديين وبنفس الوقت الشركات السعودية تاخذ مشاريع لكن توظف بنجلاديشيين وهنود !! وين يروح المواطن كيف يحصل له عمل !! ويش فايدة إبرام عقود مشاريع مع شركات أجنبية وتسحب فلوس المشاريع ولا تفيد بتوظيف المواطنين !! تخيلوا الشركة كبيرة وعندها مشاريع وعدد السعوديين ما يوصل يمكن 100 شخص كل الموظفين صينيين السعوديين بس ديكور وحق تخليص أعمال مساندة !!