السلام عليكم ورحمة الله وبركاته

اسعد الله او قاتكم بكل خير وسعاده

هيا حلوها

ابي حل ؟؟

الشغل والتعب بس عشان لقمة عيش بالحلال

ما نبي ناكل حرام - لان الدنيا ذي فانيه والانسان محاسب على كل صغيره وكبيره - وراح يسأل عن ماله من اين اكتسبه

سلمنا الامر لله الواحد الاحد - ولكن مو كل الناس كذا في ناس باعت عمرها وضيعت مستقيلها ودمرة اهاليهم - سو ببيع المخدرات او استدراج فتياة لصرف عليهم والنصب والاحتيال

لانهم محتاجين مال ولكنهم ناقصين دين كان همهم الوحيد هو المال

لاكن اغلب الشباب السعودي يبي عمل ويبي وظائف بس مو لاقين والاجنبي يحتل المركز الاول في كل شي حتى اصبح من معه راس مال يتستر على عامل اجنبي ويدخله شريك النص بالنص حتى اصبح الشاب السعودي في نظر الكثير

بس يبي مكتب وتحت مكيف - وهذه المقوله ما يقولونها الا الشبعانين مع احترامي لهم - لانهم مو حاسين بالعاطل المهموم الذي هو بحاجه لان يعيش مستور الحال ويكسب المال من عرق جبينه

طيب اشتغل محد ما سكك ؟؟

عندنا انظمه معقده جدا شباب البلد يبي يشتغل لكن للاسف

عندنا نظام

تشويه المنظر العام

هيا حلوها

اذا جيت بترزق الله وافتح لي بسطه في اي مكان جت البلديه وقالت شيلها واذا لم تستجب جابوا لك بنقالي وجابو قلاب واخذوا بضاعتك ورموها واذا عابط معاهم اتصلوا او بعض الاحيان تكون معهم دوريه امنيه

الحجه

تشوهه المنظر العام

السنه الا راحت واقسم لكم بالله

عند مسجد العباس بالطائف بين المسجد وبين مغسلة الموتى كان باسطين شياب على خضروات وفواكه اتت البلديه ومعاهم عميد وحطوا البضاعه بالقلاب ولم يستجيبوا لشيبان الا ما جلسوا في الشمس الا لحاجه ما يبون يمدوا يدهم للغير يبون يكسبون من عرق جبينهم لكن المظهر العام لا يتشوهه

انا فتحت محل بجده خضروات من قبل اصلي الفجر بالمسجد وامشي الحلقه اشتري البضاعه واجي ارصها في المحل لانتظر الموظفين بعد صلاة الظهر لكن بعد الصلاه يمتلي امام المحل الجهه المقابله عربات البنقاله واليمنه ليبيعوا خضارهم وفواكهم

وانا فاتح فمي بس لو انا عندي عربه شوهت المنظر العام

رحت للبلديه قبل اسبوعين ابي تصريح عشان افك لي بسطات
متنقله واكون نظامي انا وجهي - عقدوني الموظفين مو موجود فلان تعال الساعه عشره طلع برا مافي شي اسمه رخصه متنقله او تصريح وكله تصريف بتصريف

وش نسوي اذا كانت البلد تحطم الشباب بالكسب الحلال وموظفين البلديه يعقدون الشباب وتدعي اننا نشوهه المنظر العام

طيب انا عندي بضاعه مثلا بقيمة 300 ريالاو 500 ريال

ماتسوى امد يدي على موظف بلديه واقطع له وجهه ويدخلني بقضيه وممكن يريد تعويض مالي

ابي حل شو السوات

ما نبي الا لقمه بالحلال

لا ابي ابيع مخدرات

ولا اكون نصاب وحرامي

ابيها بالحلال

هذي معاناتي ومعاناةالشباب السعودي ومعاناة الشيبان

الحجه تشويهه المنظر العام

هل الحل

يكون
بتشويه وجه موظفين البلديه عشان لا عاد يتعدون على البسطات ولا يتعدون على ناس يبون لقمتهم بالحلال



اذا الاجنبي يشتغل ويكد فاحنا ما نبي كرسي دوار ومكيف نبي نترزق الله ونشتغل ونطلع لقمتنا بالحلال .
خير بلدي للاجنبي


سلام عليكم