مقدمه (قصه حياة عاطل سابق) الجزء الاول ..

مونس الفرقى · #1 (**permalink**) 16-07-2010, 04:19 AM

بسم الله الرحمن الرحيم..

اخواني اعضااااء قسم النتايج والتقديمات ..
السلام عليكم ورحمة الله وبركاته ..

انا قبل 5 اشهر ..
كنت ما افاااارق هالقسم .. والمنتدى كله . .

كنت واحد مثلكم .. نفس احساسكم نفس شعوركم ..
من اول ما اقدم على النت باي قطاع .. اللى اخر لحظه من اخر امل ..
وانا اصارع الحيره او اصارع الياس والاشاعات وكل شي ..

انا قبل اشهر .. كنت احلم .. كنت اتمنى واعيش كل لحظاتي اني انقبل بقطاع عسكري
ويكون لي حياتي المستقله الخاصه ..

واخلصت النيه .. وسويت كل شي لوجه الله .. وعزمت النيه ونفسي على العسكرية ..

والحمدلله .. الله اراد لي الخيره .. وانقبلت بالقاعدة الجوية ..

طبعا كانت لي حلم ..
والان اصبحت حقيقة ..

الان انا دخلت الدورة .. وشفت كل شي عكس ما كنت اتصور ..
شفت التعب .. شفت الاهانه .. شفت القسوة .. شفت النظام العسكري .
شفت وعشت كل هم والم وحزن داخل دورة عسكرية ..

بس خلال 45 يوم .. لفت علي الدنيا كلها ..

لكن صبرت .. وعزمت وجازفت .. وخليت هالدوره بمثابه مغامرة حيه لي ..
اذكرها وارويها على كل اجيالي مع بعدي ..

الان ولله الحمد .. بقى على تخرجنا من الدورة كامله .. 3 اسابيع فقط ..
وبعدها نبني ما قد حلمنا فيه ..

هنا اوقف .. وهذا الجزء الاول ..

اتمنى اني القى القلوب كلها مرحبه فيني ..
واعتذر من الادراه .. اذا رآت ان هالقسم غير مناسب لمقالي ... (فلهم حريه النقل ) ..

ودمتم بكل الود والتقدير ..

( مونس الفرقى . السرية الثانية الفصيل الثاني )
دورة
17
القاعدة الجوية

Naif98 · #2 (**permalink**) 16-07-2010, 04:29 AM

الله يوفقك ويساعدك

ممكن تقول لنا نصائح علشان الواحد اذا دخل الدوره يستفيد منها

وجزاك الله خير

مطبق · #3 (**permalink**) 16-07-2010, 04:30 AM

ياسلام عليك ياشييخ

اسمح لي أقولك أنت رجال ويتكل عليك

الله يحقق لك أحلامك ويسعدك ياخوي وعقبال تخرجكم ان شاءالله
وترجع لكم الكروش والتسدح : )

متحير · #4 (**permalink**) 16-07-2010, 04:33 AM

ماشاء الله تبارك الله..

والف مبروك على ما عدى وهان الباقي واشكرك على سرد القصه بهذا الشكل الرائع وكم تمنيت يكون الجزء اطول لأن ما كتبته قليل جداً فكلنا شوق لما بقي..

واتمنى من الادارة ان لاتنقل الموضوع حتى يستفيد الجميع ويكون على بـيـنـيه لأنه يوجد بعض الاشخاص لايكونوا على درايه بما يحدث داخل الدورات العسكريه والحياة العسكريه بأكلمها ويكون هذا الموضوع مفيد حتى يصرف النظر لمن لا يرى الدورات العسكريه بمنظر ليس على وجـهـه الحقيقي..

وجود الموضوع جداً مفيد وبأنتظار الجزء الثاني..

بالتوفيق...

لالالاللبطالة · #5 (**permalink**) 16-07-2010, 04:51 AM

هلا باخوييي بالدوره والله انك كلامك نفس كلامي اللي ابي اقوله لهم بس انت ماقصرت
والله يوفقك

اخوكم / لالالاللبطالة
السريه الثانيه الفصيل الاول
دوره القاعده دوره رقم 17

باقي لنا 3 اسابيع ونتخرج وكلن يمشي بسبيله
والله الموفق

مطبق · #6 (**permalink**) 16-07-2010, 05:00 AM

الف مبرووووووووك أخوي لالاللبطاله ,,, ولا بطالة بعد اليوم هههههه

عدت الايام تقل برق , مااقول الا الله يوفقكم ونشكر لكم عودتكم للافادة

وكلنا للوطن فداء ههههههه

ALZahrani2 · #7 (**permalink**) 16-07-2010, 06:17 AM

الله يسعدكم يشباب القاعدة الجوية وانتم دروع للوطن الغالي وان شاء الله ان كل واحد فيكم ينال الي يريده وان شاء الله ربنا مايضيع احد والله يوفقكم ويسعدكم وانت ياصاحب الموضع اذا ماكفاك المنتدى تشيلك عيوننا وسلمت يمينك على الطرح الرائع واكيد انك من الناس المرحب فيك والله يحيك بين اهلك وربعك وسلمت

و للعطلنجيه بقية · #8 (**permalink**) 16-07-2010, 06:26 AM

هلا والله مونس .. مبروك و عقبال ما نبارك لك التخرج و الوظيفه .. و الزواج و العيال ان شاء الله ..

انا كنت افكر بالعسكرية بس موب ذيك الرغبة .. ميولي دائما كانت نحو الوظائف المدنية
بس اذا فتحت برنامج الرواتب .. و شفت أن الفرق في الراتب الضعف .. اقول ادخل
عسكرية وانكرف سنتين أو سنة و اخذ الضعف من مبدأ الطمع ..

في النهاية سخرت امري لله وقلت اللي يجي اول اباخذه .. و الحمد لله اليوم
جاني مسج يفيد بأن مراجعتي للوظيفة الاسبوع القادم و اختبار الطول بالأمنية يوم الثلوث .. (( تضارب مصالح ))

بصراحه .. و بدون تفكير خيرت الوظيفة المدنية .. لأني اؤمن بالراحة النفسية قبل الراحة المادية ..

والأهم اني انهيت عطلنجية استمرت لعام كامل .. كانت فيها اشياء حلوة واشياء سيئة ..

والحين ما اقول الا داوتكم لي بالتوفيق في حياتي الوظيفيه القادمة ..

ودائما نقول .. (( اللهم آتنا في الدنيا حسنة و في الاخرة حسنة , و قنا عذاب النار )) ..

بالتوفيق لي و لك و للجميع إن شاء الله .. ؛)