منح الأراضي

ɜ z ƒ · #1 (**permalink**) 29-07-2010, 03:41 AM

السلام عليكم ورحمة الله وبركاتة

بسم الله الرحمن الرحيم

انا مستفيده من التاهيل الشامل وبغيت كل المعلومات اللي تخص تقديم الاراضي من الاوراق
المطلوبة عشان اقدم والاشياء اللي تخص التقديم يعنب هل اقدر اقدم للشوون القروية بنفسي
او لازم رجال وهل ضروري اعطي اللي يقدم للي المنحة وكالة شرعية بالمحكمة او بدون توكيل وكل شئ يخص التقديم
وبغيت اسال عن كيفية ارسال برقية مع الارقام والمعلومات المطلوبة

وشكراااااااااااا

منصور السلماني · #2 (**permalink**) 29-07-2010, 09:05 AM

لازم تاخذين مشهد من مركز التأهيل الشامل بالحاله موجه الى البلدية وبعدين تروحين تقدمين عليهم في قسم المنح هذا اللي اعرفه وبالتوفيــق .....

أكاديمي قديم · #3 (**permalink**) 29-07-2010, 10:51 AM

او ترسلي برقيه على الديوان الملكي وبعد ماتوصل لهم يتم تحويلها الى وزارة الشؤون البلدية وبدورهم يوجهونها الى المكان اللي طالبه فيها المنحة بعد الاطلاع على اثبات الاعاقه لديك ومن ثم تستطيعي توكيل شخص ينوب عن حضورك
موفقه يارب

ɜ z ƒ · #4 (**permalink**) 29-07-2010, 08:12 PM

مشكورين ع المعلومات الحلوة

بس بغيت معلومات أكثر وادق من الاوراق المطلوبة بالضبط

وكم المدة التقديم

وكل المعلومات يعني هل انا اقدر اروح بنفسي وانا أنثي اقدم علي المنحة بنفسي

والا لازم توكيل

وهل اختي المتزوجة يطلع لها منحة ووايش الشروط ولازم توكل زوجها او ممكن اخوهااا افضل لها

وشكرا

ɜ z ƒ · #5 (**permalink**) 29-07-2010, 08:30 PM

انا عمري 24 عزباء
واختي عمرها 29 متزوجة

هل للي حق في المنحة او بالبرقية انا واختي

بسمة خجل · #6 (**permalink**) 30-07-2010, 04:49 AM

لمنح الأراضي ،،جهة الاحالة : وكالة الوزارة للأراضي والمساحة .

هاتف : 4569999

تحويلة / 1284 / 1531 / 1534/ 1548

المستفيد لازم يحضر بكرت اللي من التأهيل يثبت حاجته وإنه من ذوي الإحتياجات الخاصة .

أتصلي على الأرقـام للإستفسار .

الأوراق : كرت الإاعانه ـ كرت العائلة ، تقرير طبي عن حالتك .

هذه كل المعلومات اللي عندي بالتوفيق ..

~ ند فرسان ~ · #7 (**permalink**) 30-07-2010, 10:54 AM

الله يوفقك

ɜ z ƒ · #8 (**permalink**) 30-07-2010, 06:38 PM

اقتباس:

المشاركة الأصلية كتبت بواسطة بسمة خجل

لمنح الأراضي ،،جهة الاحالة : وكالة الوزارة للأراضي والمساحة .

هاتف : 4569999

تحويلة / 1284 / 1531 / 1534/ 1548

المستفيد لازم يحضر بكرت اللي من التأهيل يثبت حاجته وإنه من ذوي الإحتياجات الخاصة .

أتصلي على الأرقـام للإستفسار .

الأوراق : كرت الإاعانه ـ كرت العائلة ، تقرير طبي عن حالتك .

هذه كل المعلومات اللي عندي بالتوفيق ..

مشكورة اختي ع المعلومات الحلوووة

وربي يوفق الجميع أنشاء الله

دايم الغلا · #9 (**permalink**) 01-08-2010, 10:47 AM

ابي رقم الاستفسارعن البرقيات حق الديوان الملكي

ɜ z ƒ · #10 (**permalink**) 01-08-2010, 06:55 PM

اقتباس:

المشاركة الأصلية كتبت بواسطة دايم الغلا

ابي رقم الاستفسارعن البرقيات حق الديوان الملكي

لكثرة الطلبات على الخااص ولأستفسارك اخوي راح اكتب لكم اللي عملته ......

اولا التقديم فقط للمطلقات والأرامل والمعاقين وهذا كلام الموضف...

في البدايه برقيه على الرقم 969 وهذا رقم خدمة البرقيات في شركة الأتصالات نطلب فيها منحة ارض وعلى حسب المنطقه اللي تتصلون منها لأن بعض المناطق الموضف هو يكتب البيانات فقط ونص البرقيه موجود عنده والبعض يطلب منكم نص البرقيه وعلى شان كذا لازم تجهزو نص بسيط للبرقيه لأنها راح تحسب على فاتورة الثابت او الجوال كل كلمتين بريال,,, وتكون من ضمنها بيانات المتقدم لطلب من
........الأسم ,,,السجل المدني ,,,,الحاله الأجتماعيه,,,,,العمر,,,المنطقه ,,,,رقم الجوال والثابت ...والمنطقه اللي حابين تكون فيها الأرض ..باأستثناء مكه والمدينه والجبيل وينبع لأني قدمت على مكه وقالي موضف في الديوان ان الطلب ملغى لأن المناطق اللي ذكرتها مافيها منح حاليا....

.....

بعدها يعطيكم الموضف رقم البرقيه وهو ضرررروووووووورري يعني سجلوه وهو الأساس في المراجعه...

أو أذا انت مسجل في موقع الأتصالات على النت ادخل على خدماتي وبعدين البرقيات واكتب النص والبيانات ورقم الجوال والثابت وارسلها للملك عبدالله الله يحفظه ......

ولاتنسى سجل رقم البرقيه من الموقع...

بعدها ب24 ساعه تبدء المراجعات في الديوان الملكي على الرقم
014830222 واسألو عن نتيجة المعامله ولاتقولون ارض لأنهم يقولون مافيه تقديم او موقفه لكن اسألو وكأن المعامله لشخص ثاني وانتو ماتعرفون موضوعها مثل ماسويت انا ..

.

بعد الديوان راح يعطونكم رقم صادر على وزارة الشؤون البلديه والقرويه على الرقم014569999
واسألو وهم يعطونكم التفاصيل وكملو فيها حتى توصل لبلدية المنطقه اللي طالبين فيها الأرض وانا وصلت لحد هنا ,,وراح اكتب في المنتدى باقي التفاصيل اذا كملت المراجعه بعد فتره لكن اهممممممم شيئ تكون معكم ورقه وقلم لأنكم راح تضيعووووووون مثلي من كثرة ارقام التحويلاااااات اللي تراجعو عليهااا

والله يوفقكم ويرزقكم ولااااااااتنسوني من دعواتكم الحلوه بظهر الغيب

وهذاا رابط الموضوع يالغلا

https://www.btalah.com/t148391.html