31-07-2010, 01:54 AM
|
 |
عضو متواصل
|
|
تاريخ التسجيل: Jan 2010
المشاركات: 58
معدل تقييم المستوى: 413
|
|
الاخ فاقد خبره انا مقدم على المئويه مثلك بس الاختلاف انا تريلا سطحه
اول شي يطلب منك رخصه عمومي ثقيل ولو تكون قديمه يكون افضل علشان تبين لهم عندك خبره
وفي المقابله سهالات راح يقابلك ثلاثه موظفين
اول موظف يبي منك معلومات شخصيه دراستك عنوانك وغيره ..
ثاني موظف يسال عن خبراتك وكيف راح تشغل التريله وكم مدخولها بالشهر او اليوم الا هي يسموها دراسه تسويقيه واجباري تكون عندك خبره في هالمجال علشان تعطيه الكلام الا يجمد على الشارب
افهمك الحين شنو تقوله مثلا القلاب مدري مدخوله مثل الشرقيه وله لا عندكم بالرياض المهم ياطويل العمر تقوله انا اعرف شركات كثييييره واقدر اشغل القلاب بكل سهوله راح يقولك كم مدخولك شهريا تقوله حسب خبرتي بالسوق حاليا (طبعا انت لاخبره ولا شي اعمل فيها انك ماسك السوق ) مدخول القلاب بالمشوار 250 الى 270 والمشوار تقريبا 70 كيلو رايح جاي واقدر اعمل 4 مشاوير يوميا اصبح الناتج 4×250 =1000 ريال يوميا مصاريف ديزل وخلافه 200 ريال تخصم من 1000 يطلع الناتج 800 ريال صافي لك يوميا ومجموع العمل بالشهر = 26 يوم ونطرح قيمة مصاريف الديزل واعاشه يطلع الناتج بالشهر 20800 ريال وطبعا تشيل من هالمبلغ الا يصفي لك مايقارب 4000 ريال صيانه للشاحنه حتى لو ماتحتاج الى صيانه مجرد احتياط وطبعا تفهم الموظف انك فاهم في صيانة الشاحنه بشكل يومي (ماء رديتر - خزانات هواء - هواء الكفرات - زيت ...الخ ) طبعا هدي الارقام الا حطيتها لك هدا مدخول القلاب بالشرقيه الصحيحه واتوقع انها نفس الرياض ولازم يكون كلامك مثل الا مكتوب في الدراسه لايقولو انك منت فاهم الشغله وراح يسالك انت مسوي دراسه قوله نعم حتى لو انك مو مسويها بس انا انصحك سوي الدراسه انت ترى سهله ويبيلها شوي كلام وتمشي اهم شي عندك رخصه وخليك واثق من كلامك لان احتمال الموظف يعطيك نص ابتسامه كانه ماهو مقتنع بكلامك بس انت ماعليك عطيه الكلام الزين وطبعا الكلام مع هالموظف حق التسويق راح يطول اكثر واحد تجلس معاه وماراح يكون الكلام كله عن الشاحنه سولف معاه ضيعه بالسواليف الطيبه انا دخلت معاه حتى بسواليف زواج وضيعت سالفة التريله خخخخخ
الحين اخر مرحله موظف تدخل عليه راح يقولك سؤالين انا قالي التريله الا تجي محورين بالخلف وش يسمونها قلت له سقس قالي شاطر لك نجمه
السؤال الثاني انت وش تبي تريله قلت له فلفو قال وش احجام الفلفو قلت له الاحجام قالي خلاص روح البيت وانتظر اتصالنا .....انتهت المقابله .....
وانت تبي تعرف لو وضحت انك تبي تاجرها يرفضون طلبك وله يوافقون
انت وضح لهم انك تقدر تاجر وتقدر تحمل على طلبات السوق من غير شركه لازم تعمل فيها انك فاهم الشغله وعندك معارف ومداخل لتشغيل التريله ..
ولاتشيل هم وانا اخوك ترى المقابله سهله الى درجه ماتتصورها خصوصا مع مشاريع التريلات
واهم اهم اهم اهم اهم شي لاتقولهم انا راح اجيب عامل هندي او غيره يجيك رفض من غير نقاش احدر
قولهم انا راح اشتغل عليها
وطبعا المحدد لك تريله وحده فقط يعني يكون قرضك 200 الف ريال التريله والقلاب
وراح يسالوك عن اسعار الشاحنات انت بدورك تنزل السوق وتشوف الشاحنه الا تبغيها وتعطيهم سعرها وسعر القلاب .....
واي شي تبغيه بخصوص الدراسه اعطيني خبر على الخاص او ارسل لي ايميلك وراح اساعدك في كتابة دراسه متخرش الميه على قولة المصريين ....
والسموحه على الطاله 
|
مشروع ترييلا قلاب ... مع دراسة الجدوى ... للاهميه
العرض العادي
