04-08-2010, 09:21 PM
|
|
Guest
|
|
تاريخ التسجيل: Feb 2009
الدولة: خميس مشيط حاليا
المشاركات: 6,889
معدل تقييم المستوى: 0
|
|
|
قصتي مع لينكون بي علي (قلب الاسد)
قصتي مع لينكون بن علي قلب الاسد
السلام عليكم ورحمة الله وبركاته
تدرون إن نص الأعضاء عاطلين عن العمل ومخربين ابوها....فيه يوم من الأيام كنت جالس أنا وقلب المملكة وساحب جلنط وكبتن عتيبة ووزير البطالة وهيبة فنان وعاطل فاهم وعاطل ابو ترمس وقاعدين نلعب بلوت ومتهاوشين مع بعض شوية الا مرت من جنبنا تريلا حق صرف صحي وقفت عندنا ...ونزل منها واحد اصلع ....قالي قلب المملكة مين هذا.؟؟ قلت له علينا يالشايب...هذا خويك زيدان ...ومسوي نفسك ماتعرفه وانت حاطه مشرف في الواحة...جا الاصلع وجلس معنا وبصراحة ماكان ودي انه يجي معنا...مدري احسه شايف نفسه من يوم سوا زراعة شعر ...
وشوية يمر جنبي حمام زاجل معه ورقة في جيبه وانا اللي انط واسحب الورقة ...مكتوب فيها ان لينكون بن علي والملقب بقلب الاسد يستعد لغزو الامبراطورية البيزنطية...عاد اخذت الورقة ورحت جري للشايب حقنا قلب ا لمملكة قلت له اقرا قالي والله ياوليدي مامعي نظارة...عطيت الورقة هيبة فنان قالي انا مافيه معلوم عربي...عطيتها عاطل عام ترمس قلب الورقة وقاعد يتهجاها...قام زيدان قالي جيبها انا اقراها...قلت له ضف وجهك عاد من حبي لك عشان اعطيك الورقة...عاد جيت ابقرا الورقة نسيت اني ما اعرف اقرا...ونقعد نص ساعة الين نقراها ...
عاد قمت انا والقيت خطبة حماسية قلت لهم (لقد يجب ان نتحد لنقتل قلب الاسد) وهم بكل حماس يصيحون وراي...بالروح بالدم نفديك ياالبيزنطي.....شوي جاني عاطل ابو ترمس يقول مابوه سمك فيذا....قلت له ماهوب وقت سمك الحين ترى حنا في نص الصحراء و بعدين يعيش السمك في الماء....قالوا وراي يعيش يعيش يعيش....
في الليل ناموا كل العيال وانا قاعد افكر كيف نذبح قلب الاسد قبل لا يذبحنا ....
في الصباح قلت للشايب ابقولك العلم....نسوي جيش بقيادة العواطلية هذولي...قالي قلب المملكة بالله هذا كلام؟ هذا الاصلع ما هو فالح حتى في الاشراف...تبي تحطه قائد في الجيش؟؟ قسم بالله انه ما يفهم ولا كلمة....كل يوم ينقل مواضيع قسم البيع والشراء ويحطها في الواحة...تخيل قبل امس مقفل موضوع لفضل ...بغى يوديني في مصيبة بس كويس لحقت فتحته قبل ما يدخل فضل من جديد...
قلت طيب ...وش الدبره...ترى هي غلطتي اصلا انا من يوم حطوني حاكم بيزنطة وانا مبزوط وما ني معطيه اهتمامي وكل يومين الامبراطور يراسلني على الايميل وانا معطيه اشكل.لا واقوله ان الجيش جاهز لاكتساح الاعداء....والحين والله لو يدري انه يطردني من الامبراطورية ولا يعطيني حتى شهادة خبرة...
قلت لقلب المملكة صدقني نقدر نهزمه...قالي مستحيل هو لنكون بن علي قلب الاسد...قلت اذا هو لنكون قلب الاسد انا فورد حاكم بيزنطة وصدامي حديد...وتاريخي دموي والكل يشهد بذلك حتى هولاكو يوم يسمع باسمي تجيه ام الركب....
قالي قلب المملكة يرحم امك بلا هياط ....شوية الا ناط لي واحد من الملاقيف اللي ماتخلوا مواضيعي من واحد منهم...ويقولي قلب الاسد على مشارف الامبراطورية...قلت له قل قسم...قالي قسم...قلت يرحم والديك الامبراطور لا يدري...ابعطيك الف دينار وجارية بس لايدري الامبراطور
سويت تشكيلة سريعة....انا قائد الجيش...قلب المملكة المستشار الخاص...زيدان قائد الرماة....ساحب جلنط قائد الجهة اليمنى...هيبة فنان قائد الجهة اليسرى...عاطل ابو ترمس يلقط الغنائم...
وتواجهنا في ساحة المعركة...قالي قلب الاسد وين قائدكم ...انا اشرت على قلب المملكة...ويوم طالعت ورا لقيت العيال يأشرون علي....
عاد نزلت انا ابي اتفاهم معه...قلت له وش تبي...قالي ابي الامبراطورية الرومانية...قلت له الامبراطورية الرومانية تجيها من ورا هالجبل تمشي على طول الين يجيك تقاطع عديه تحصل محل كبدة على يسارك تدخل من هناك اسأل عن الرومان يدلونك عليهم...هنا البيزنطيين فقط....هيا اسري ولا عاد اشوفك هنا...ورح نام بدري وراك مدرسة....قالي انا كنت رايح اخذ الامبراطورية الرومانية قلت على طريقي اخذ الامبراطورية البيزنطية ...قلت له هههههييي ياحبيبي ....انت رايح تسلم على جدتك؟ وش شغل المبزرة هذا... ويطلع سيفه قالي انها الحرب اذن..قلت له حرب حرب...ماتفرق معي...وادور على سيفي نسيته في العزبة امس كنت سهران عند عاطل فاهم...واروح لقلب المملكة قالي خبل انت في قائد جيش ماعنده سيف...قلته لا تكثر كلام عطني سيفك...قالي نعم ياخوية...وانا بأيش احارب...؟؟؟قلت له خذ سيف زيدان شوفه مفهي ما يدري اننا في حرب ...
الجزء الاخير بكرة مثل الساع
|
العرض العادي
