السلام عليكم ورحمة الله وبركاته

بسم الله الرحمن الرحيم

آخواني اخواتي بهذا المنتدى الكريم كم يسعدني ويشرفني التحدث والمخاطبه معكم عبر هذا المنتدى المبارك

انا طبعا اعمل في البحر
في المراكب الكبيره التي تخدم ابار البتروال
وهي متعاقده كم يعلم الجميع معا شركة ارامكو السعودية
بالبدايه سوف اتكلم عن الراتب الفعلي وكم استلم
الراتب الفعلي 18 الف ريال من شركة ارامكو على وظيفتي كميكانك بواخر
و التامينات الاجتماعيه 2000 ريال
استلم من اجمالي هذا المبلغ
4750 معا خصم 500 ريال تامينات اجتماعيه +700 ريال تدفعها الشركه لارامكو على كلام الشركه انه ارامكو تاخذ مبلغ منها لتوصيلنا الا مكان العمل + التامين الصحي الي يدفع مره بالسنه 1500 ريال
حلوو الكلام
وباقي المبلغ الشركه تاخذه بجيبها الخاص وماقلنا شيء
دوامي 21 يوم واجازتي 7 ايام
خلال سنه وخمس شهور ولله الحمد غياب علي فقط يومين وما اخذت اجازتي السنويه على فكره
اي يوم عمل زياده على 21 المفروض يكون عمل اضافي واخذ عليه مبلغ
الشركه الكريمه ماتبي تدفع مبلغ
وثاني شيء اذا داومة زياده عن الـ 21 كل 3 ايام بيوم اجازه
يعني زي الدوام العادي
وهذ الظلم بعينه
كيف الشركه تخالف نصوص مكتب العمل
قلنا يالله العوض على الله مو مشكله
الانه بصراحه كان عندنا مسئولين حتى لو يكذب عليك اسلوبه حلوو وينحب
تحس انه في مقام اخوك الكبير من كثر ما بعض الاوقات يعاملك معامله اكثر من الاخ
في العقد بعد 9 شهور اترسم ولاشفنه الترسيم فقط دفعة الميكانيكيه
ولا اعلم مالاسباب
هذي كله مشاكل غير مهمه ومتعود عليها طول السنه
الا ان اتت الكارثه العضمه
جاء عندنا مسئول بالوقت الحلالي تقريبا من شهرين
طبعا اكثر من سنه وكم شهر لاتوجد تفرقه بيننا وبين الاخوه ولا مجرد تفرقه بسيطه
بالعكس نداوم معا بعض ومره نحترم بعض ونقدر بعض
الا ان جاء هذا المدير
بدى يسوي عنصريه بينا بشكل مو طبيعي
ومعا ذكر الامثال
مثلا انااركب المراكب القديمه انت تركب المراكب الجديده
انت تقول بتاخر كم يوم انذار وايقاف الراتب انت عادي من الجماعه اخوو
هذي البدايات
الان تم فصل عدد كبير من الخبرات والعاملين بالبحر من دخول هذا الشخص
والمشكلله ناس انا داومت معاهم والله وبالله انهم يشتغلون شغل مو طبيعي
وماسكين دواماتهم على اكمل وجه ولكن مالحل لا اعلم
الان الاخ الجميل المسئول منع اجازة العيد
حتى لو صادفة اجازتي الرسميه
يقول انتم مو محسوب لكم العيد
باي نظام هذا
انا طبعا تكلم الحين عن الكل
جاء الوقت الي اتكلم عن نفسي
انا هذا الشخص للامانه يمكن قبلته مرتين فقط او 4 مرات لا غير
اول يوم داومت وهو موجود الشركه كان عندها مشكله وماقدرت تجدد بطاقة ارامكو الشخصيه فيني لمدة شهرين
وبشكل يومي اراجع الشركه واذن من طين واذن من عجين
يوم داومت بعد شهرين واستخرجة البطاقه حقت ارامكو
حصلة هالادمي قدامي
ويودين اقدم مركب لشركتنا مسموح عليه السعوده
ويقولي هذي عقوبه من المدير الي اعلى مني لك
ابي اعرف بوشو اخطية مادري
امنه وصدقنا بالله العظيم وقلنا حسبي الله ونعم الوكيل مصيرها تنحل المشكله مع اني مادري وش سببها
والمشكله بالفرضه اكثر من سفينه فاضيه
وتحتاجني كميكانك
بس الاخ يقول عقاب
خلصة 26 يوم دوام
والمركب راح لصيانه
نزلت وفي مراكب
رفض يركبني اي مركب لشركه
بل قام بتركيبي على مركب كونتراكت مع الشركه
كل هذا حقد وكراهيه لا اعلم لماذا
وبخصوص بطاقة ارامكو فصيلة الدم عندي خطاء وصارلي سنه و ست شهور ماعدلوها معا اني جددت البطاقه
كله بسبب هذا الشخص لانه مارضى يخليني بمركب يكون دايما الذهاب للفرضه عشان موعد ارامكو لتعديل فصيلة الدم
خلصة دوام شهر
ورجعت للبيت
الاخ الكريم رسلي رساله بعد انتهاء اجازتي بيوم
على الساعه 12 الظهر يقولي ياتجي راس تنوره قبل الساعه 4 يا بوقف راتبك
برمضان طبعا اول رمضان
وانا كنت اراجع المستشفى بخصوص عندي الام بالكليه والحالب والمثانه

ارسلت له رساله
اذا تم ايقاف راتبي لا اعتقد اني بداوم مو معقوله اداوم ببلاش لشركه

رجع اتصل علي وقالي تجي اليوم قلت له لا قال بكره وجيته من بكره
جيته من بكره على الساعه 5 الفجر لانه رمضان والجو حر وحنا صيام قلت اجيه من الفجر افضل لي ولسيارتي معا اني مفروض ماداوم بسيارتي المفروض انه يحجز لي طيران بس الاخ مايبي يحجزلي انا بالذات ابدااا
ولا ادري مالسبب
رحت راس تنوره لسكن الا اخينا مطلع نظام جديد
نظام فندقي -=>>اول مادخلت حسيت اني في الهوليدي ان
الاخ يبيني اول مانوصل نسلم البطايق حقت ارامكو وهي الاثبات الوحيد الي معانا
وننتظر الهندي يسلم لنا مفتاح الغرفه
وبالاول كان عادي الغرف مفتوحه تجي تنام والصبح يودونك المركب والعمال ينظفون الغرف
انا رحت ماحصلة احد وكلمة رجال الامن بالبوابات ورئيس الكامب السابق للغرف
ورحت سكنت بالنعيريه على حسابي الشخصي
صحيت على العصر وكلم صاحبي المدير
ويشرح له الوضع
الا الادمي قام يغلط كذاب كذاب كذاب
ويرددها اكثر من مرره
والادمي جاي معاي بسيارتي يعني انا والرجال كذابين
ويقوله صاحبي كلمنه الامن يقول ما اعترف فيها طيب رئيس الكامب يقول ما اعترف فيه
طيب عقد الايجار يقول ما اعترف فيه ويقفل بوجيهنا
والاخ رايح ومضربنا مشوار لدوام ومعلق اوراقي عنده وطبعا وقتها كان عندنا مسئولين
ومعلق اوراقي عنده الين هو يجي بعد يومين
انا نمت وثاني يوم صحيت وجهي اصفر وكليتي تالمني مرره وشوي واطيح من طولي حتى ما افطرت
وكلمة المدير الثاني اني راجع الدمام اتعالج
وضعي مره مايطمن كذا
وقالي جيب معاك اوراق
من المستشفى لاني اول مره ادخل مستشفيات
لله الحمد والمنه لي اكثر من 9 سنوات مادخلت مستشفى
وماني عارف وش نظام الشركات معا اوراق المستشفى
اول مره جبت لهم الفواتير افكر هي اثبات
وقال ماينقبل عذرك
والمستشفى سويت فيها تحاليل وقالو مافيك شيء المستشفى الاوله
المستشفى الثانيه سولي تحاليل وطلع عندي نسبة دم بالبوول وانتم بكرامه وكذا
وعطوني ادويه تنوم الجسم وتخدره
وسوالي الدكتور خطاب
اني مريض وكذا
على ماجاء المدير ووقع ع الخطاب جلسله كم يوم
ارسلي المسئول رساله
اذا ماجيت اليوم الساعه 4 انت غياب شهر وانا لحد الحين ماغبت 15 يوم وبدى يستخدم معاي اسلوب التهديد
وانا تعبان ومريض واراق المستشفى تثبت
قلت دام يقول غياب شهر ماني رايح لدوام الا بعد شهر
طبعا هالمسئول فيه ميزه راسلي رساله من اول يوم كنت بداوم يعني اول رمضان
كاتب فيها لاتتصل ولاترسلي رسيل من بعد الدوام الرسمي
طبعا انتو اتوقع عارفين السبب
يعني من الساعه 9 الى 3 عصرا دوام رمضان

وكلمة المنجر بالدمام وقلتله ابي اجي اكلمك شخصين
وطلع الادمي في السفانيه
وقال كلم الشباب يحجزون لك طيران
ولا احد حجزلي ولا احد ارسلي رساله
هذا الي حصل
وانا بصراحه طفشت من الشركه واسلوب الاطهاد فيها
ابي افصل واخذ كل حقوقي وشهاداتي الي حصلة عليها من ارامكو
بذكر النقاط الي ابي اقدم شكوى فيها ووين اقدم شكوى افيدوني وساعدوني ولا احد يجلس يقول وظيفتك وحافظ عليها ومادري وشو
انا صحيح اني قبلة بالعمل ولكن مارضيت للحين ابيع كرامتي
الي باع كرامته هذا شخص بكيفه بس انا اعتقد انها اغلى ما املك ولن افرط فيها

والرسايل موجوده عندي بالجوال
والتقرير عندي بعد حق المستشفى

اسباب الشكوى وهل اقدمها ووين اقدمها :
1- خطاء في بطاقة ارامكو في فصيلة الدم وانا اعمل داخل البحر وعملي خطر جداا من ناحية لو حصلة لي اصابه ووضع لي دم اخر
يمكن بعضكم يقول لا ومادري وشو بس كثار الي حصلة لهم اصابات بالمراكب

2- تهديدات المسئول لي من خلال الرسايل

3-الغاء طيران ارامكو ولم يتم الحجز لي من اكثر من شهرين
4-تلفظ المسئول علي ونعتني بالكذب والصراخ بهاتف وعدم احترامي كموظف
5- سنه و 6 اشهر لما يتم ترسيمنا لتوفير الزياده السنويه 500 ريال + زيادة الترسيم 1000 ريال

6- نظام الاجازات والعمل الاضافي لايطبق
7-وغير هذي المشاكل الكثير الكثير

هذا مافي جعبتي من حديث

شباب بختصار وبدون مانضحك على بعض لاحد يسوي فيها ياخي داوم وامسك دوامك ومادري وشو وهو مو عايش وضعي
او يجلس يقولي وضعه اصعب من وضعي
انا اعيش من عمري ربع سنه معا الناس
ثلثين عمري داخل البحر صبرت من اجل لقمة العيش
لاحد يسوي فيها انه هو ارحم مني على نفسي
بس ابي حلول وكيف اقدم شكوى ووين أبي افصل بطريقه نظاميه
لانه الشركه مشترطه تعويض 30 الف وتسحب كل شهاداتي حقت ارامكو
وحرام وربي تسوي الشركه فيني كذا وانا اصلا ما استلم الا ربع راتبي الحقيقي
وربي اتمنى لو كنت بنقالي-=>> مغبوووووون

هذا والله ولي التوفيق
الي بيعطيني حلول يساعدني كيف افصل وبس
لانه الشركه بصراحه صبرنا عليها الين طلعت عيونا

بنتظار ردودكم