تسجيل الدخول
|
|||||||
تأسس الموقع عام
2006
Site was established in 2006
|
|||||||
| الأرشيـــف للمواضيع المكررة فقط |
| أضف رد |
|
|
LinkBack | أدوات الموضوع | انواع عرض الموضوع |
09-09-2007, 10:19 PM
|
||||
|
||||
شركة الإقتصاد وتفننها مع النصب والإحتيـال < نتيجة المقابله
بســم الله الرحمن الرحيــم الســــــــلاام عليــكم ورحمـة الله وبركـاته في بداية كلاامي أحب أنوه للجميع أني كتبت الموضوع بصراحه من شدة القهر ويشهد علي الله أني صاادق بكل كلمة راح أقولها وعلى الله ماأنسى شي من اللي صار نجي للمهم وهو المقابله طلعت اليـوم الصباح لشركة الإقتصاد الدوليه بمقرها أسكان المعذر برج رقم 19 وأعتقد أنو المكتب مكانه بصراحه جديد .. الله لايوريكم شركة من اللي سمعته من الموظف أنها كبيره ومكتب على قد حاله المهم وصلت للمكتب قابلني موظف الإستقبال وسألته وين المدير فقالي أنتظر شوي حاليا هو مشغول مع متقدمين < الله يعينهم جلست عند موظف الإستقبال ولقيت عنده بروشورات ( إعلانات) لنفس الشركه تطلب مساهمين يساهمون بالشركه وياخذون عضويه مقابل تخفيضات تصل إلى 70 % على حد قولهم بصراحه أنا أبتسمت أول ماقريت الإعلاان وقلت هذا أول الخير < لاتتريق ناضرني موظف الإستقبال وكأنو حس أني على درايه بالموضوع لما شفت الإعلاان عاد أنا من عادتي آخذ وأعطي مع أي إنســان .. فقلت له من باب الوضوح أكثر قبل لا أدخل على المدير وش الوظائف الي عندكم وش نشاط الشركه ومن هالكلاام بصراحه الي ذهلني أكثر أنو قالي أنا موظف هينا أستقبل المتقدمين وأكون حلقة وصل بينهم وبين المدير .. أبتسمت وقلت اهاااا حلو طيب ننتظر ونشــوف بعد خمس دقايق ظلعت للمدير فوق والله لايوريكم بغيت اتكرفس من سلمهم الدوار .. الله يعين أولياء أمور البنيات قابلت المدير وبصراحه نسيت أسمه ولا سألت لأنو كان يهمني أعرف وش ميولهم بالضبط ووش الوظائف المتاحه المهم مالكم بالطويله جلست قبال المدير بعد ماخامسته مع متقدم جالس جنبي ينتظر يطلعون له ملفه اللي يدورونه من ساعه < قارطينه وتورطو قدمت أوراقي للمدير وقعد يناضر فترة الربع ساعه لأنو كل شوي يرد على إتصال وارد من ناس يسألونه عن الشركه والوظائف بصراحه أنا أنقهرت بشده وظليت ساكت قلت ياولد أمسك نفسك لحد ماتعرف السـالفه وكل شي عنهم ألتفت لي وقالي يا أخ بصراحه أنا ماأقدر أقيمك على شهاداتك < قل قسم .. 16 سنه دراسه راحت مهف جدي خخخخ احنا هينا عندنا برنامج تدريبي لمدة سبعة أيام ويوم راحه واليوم اللي بعده تختبر تحريري ومن ثم شفوي وهو المهم تدفع مقابله رسـوم 500 ريال وإذا نجحت نعطيك 500 وفوقها راتبك وإذا مانجحت تاخذ 250 ونقولك توكل على الله الله يرزقك بمكان ثاني< غصب ترسب والله طبعا هذا الكلاام كله أخذ له مايقارب ثلث ساعه متقطع لأنو أخونا فالله يخاف يفوته إتصال من أحد ويروح عليه جا دوري وقلت له طيب أخوي ممكن تنتبه لي شوي أبي أقول اللي عندي لأني ما أعرف أتكلم وأنت كل شوي تقطع كلاامي باتصال جايك ناضرني بصراحه وأنذهل من اللي قلته له < كأنو محد قابله وقاله هالكلاام :@ وجهت أسألتي له وقلت له طيب ياخوي ليه ماقلت من البدايه 250 .. قال شفت الدكتور الي كلمني من شوي < الله أعلم هو دكتور ولا لا قال هو تفضلا منه قال نرجع الـ 500 ريال للناجحين بالدوره < وش دخل بصراحه قبلها قالي أن الـ 500 اللي طلبها الغرفه التجاريه وهذا ماخلااني أشك وللمره الثالثه الأولى البروشورات حقت الأسهم والثانيه يتميلح عند بنت تقوله وش فيه فلان مايرد على جواله ورد عليها قالها مايرد على جواله < مثل اللي يقول أعطيكي رقمي خخخخخخ والثالثه سالفة الغرفه التجاريه داخله مع الدكتور كيف ما أدري نشبت له بصراحه وهو بقلبه يقول متى أفتك من هاللعله قلت طيب ممكن تعطيني موقع أنترنت خاص فيكم أحاول أني آخذ فكره عن بعد قال تعال العصر اليوم بمكتبنا الجديد شارع الثلاثين < ياسلاام مكتب جديد .. يعني المكتب الي رحت له بيتقفل .. لاحضو هذي الرابعه قلت له بأعصاب هاديه ماعندي سياره توصلني لكم وبصراحه فيه أشياء أبغى أعرفها يمكن ماتحضرني أقولها إذا قابلتك .. حاول يدور على رقم هاتف المكتب الجديد وبعد شق الأنفس لقاه وقال أتصل ويعطونك الموقع .. قلت خير وفرصه سعيده أخوي ...... فمان الله< يكفي هذا والله فرررق كثير بينهم وبين مكتب توظيف بصراحه رحت له قبل ثلاث أسابيع أستقبلوني أحر إستقبال وبإحترام وظيفوني وقالو لي وش الوظائف الشاغره وقالو ناخذ من أول راتب 300 ريال .. عن طريق عضو هينا معنا الله يوفقه وين مايروح يوافيني بكل صغيره وكبيره وكأن الوظيفه له وبإذن الله الواحد الأحد أنا وعدت الشخص ووعدت نفسي أول ما أتوظف عن طريقهم راح أكتب عن هالمكتب ليستفيد الجميع وياخذ حقه المكتب غير عن المكاتب الثانيه آســف لإطالتي أخواني .. وحبيت أن الكل ياخذ فكره عن هالشركه ولا أحد ينظلم  
|
|
09-09-2007, 10:51 PM
|
||||
|
||||
|
الجميـع يااارب
|
|
09-09-2007, 11:32 PM
|
||||
|
||||
|
على حد كلام المدير
|
|
09-09-2007, 11:55 PM
|
||||
|
||||
|
ياهلا بالروح
|
|
10-09-2007, 01:47 AM
|
||||
|
||||
|
عندي امـــــل الله يرزقك بالوظيفه اللي تتمناهــــــــا باقرب وقت ان شاء الله
|
|
10-09-2007, 05:22 AM
|
|||
|
|||
|
|
| أضف رد |
|
(( لا تنسى ذكر الله )) |
|
|
|
|
العرض العادي
