أبسألكم تكفووون وظيفة مدنية بمسمى مستخدم حلوه أم لا أرجووووكم ضرووووري

احترامي للتعليم · #1 (**permalink**) 15-09-2010, 05:24 PM

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
أخواني في وظيفه انعرضت علي مراسل في الأحوال المدنية مستخدم 33 ياليت تفيدوني أدخلها أم لا
مع العلم مؤهلي ثانوي وحاسب آلي سنه وشهادة مهاره في ميكانيكا السيارات هل ممكن بالمستقبل اترقى على مرتبه أم على طول مسمى مستخدم وكيف رواتب المستخدمين تعبت من الجلسة وطفشت وأنا اطارد العسكرية ولما أوصل للأسف نوقف في المستشفى بسبب فقر الدم والحين ماأدري أدخل هاذي الوظيفة أم أنتظر مع العلم إن اسمي طلع بوزارة العدل محضر خصووووم ومحتاااار أفوت شي وأندم لأن العمر يرووح 28سنه عمري وأنا عاطل مع مرتبة الشرف لذالك أرجو منكم ألا تبخلو علينا بخبرتكم وأرآكم وتقبلو تحياااتي

n.s · #2 (**permalink**) 15-09-2010, 06:24 PM

من رايي وانا اخوك توظف وتوكل على الله

واعلم أن مرتبة 33 اعلى مرتبة في المستخدمين
راتبها قريب من 3500 والله العالم ويمكن يجيك
ترسيم على مرتبة مثل الرابعة أو الخامسة بس

ولا تنس الاستخارة

اتمنى لك التوفيق

احترامي للتعليم · #3 (**permalink**) 15-09-2010, 06:30 PM

يعني الوظيفه مو رسميه طيب أقدر وأنا على رأس العمل أقدم على وظيفه أفضل

n.s · #4 (**permalink**) 15-09-2010, 06:40 PM

اخوي الوظيفة رسمية وحكومية

واكيد اخوي حتى على راس العمل تقدم على وظيفة
اخرى اعلى مرتبة ويكون التقديم خاضع لنظام الخدمة المدنية

بالتوفيق لك

دعواتك

احترامي للتعليم · #5 (**permalink**) 15-09-2010, 06:46 PM

أخوي متأكد من ناحية الراتب
ياشباب أرجوووكم تفاعلوووو معي شوي صدقوني محتاج خبرتكم ورأيكم بوضعي

n.s · #6 (**permalink**) 15-09-2010, 06:54 PM

اخوي الراتب بعد البحث والتأكد تبين أنه
2779 ريال وآسف على المعلومة الأولى الخاطئة

وهذا برنامج يبين جميع الرواتب الحكومية
التحميل

لاتنسانا من دعواتك

احترامي للتعليم · #7 (**permalink**) 15-09-2010, 08:06 PM

. شـكرا لك وبارك الله فيك... ماقصرت وبيض الله وجهك على تفاعلك والله يوفقك .

سعدالبعيجان · #8 (**permalink**) 16-09-2010, 02:36 AM

توكل على الله وخذها وتراها ماتردك عن التقديم في اي وظيفة تناسب مؤهلك

بعدين ترى راتبها قليل ومع السنوات فيه علاوات وخير والمراسل له مكافأة سنوية راتب او راتبين على حسب علمي يسمونها مكافاة بريد .

استخر وانا اخوك وتوكل على الله لو تاخذ قرض من البنك على الراتب وتفتحلك مشروع يناسب تخصصك بعد ماتتوظف

نسيبي تعين على بند الأجور فئه أ راتبه 1800 ريال واجتهد في عمله وعرفوه المدراء اللي عنده اللحين يستلم حول 4500 ريال رقوه من فئة أ الى فئة د من غير خارج الدوام يمشي له طول السنة

والله يوفق الجميع ويكتب اللي فيه الخير

وناسه سعودي عاطل · #9 (**permalink**) 16-09-2010, 05:28 AM

اخوي احمد ربك وخذها مستخدم او بند اجور

بكرى ان شالله يتكرم ابو متعب ويقول رسمووو مستخدمين وموظفين البند وتاخذ الرابعه او الخامسه
وطبعا تقدر تتوظف مسائي في مكتب عقار او شركة العثيم 3 ساعات بليوم يطلع راتبك 1000 ريال بشهر
او اي وظيفه ثانيه من العصر الى العشاء
احسن لك الوضع الحين مره دمار امسك اي شي يجيك
قسم بالله اني انصحك لوجه الله
وعسى الله يوفقنا وياك يارب وكل العاطلين