السلام عليكم ورجمة الله وبركاته ....

اخواني الاعزاء فيه واحد من الاخوان يبي يفتح محل مطعم ولكن ليس مثل المطاعم المنتشره لدينا ويريد ان اطرح فكرة مشروعه هنا ليستانس برايكم .

الفكره هي ان هذا الصديق يريد ان يفتح محل مطعم ولكن هذا المطعم هو مطعم (روس منديه ومقادم) فقط .

بصراحه لدينا مثلا في الرياض لا توجد مطاعم لهذا العمل الا في وسط البلد وبالتحديد في الحله هنالك حوالى اربعه او خمس مطاعم جنب بعضها البعض ولكن لا يوجد في الرياض مطعم يقدم روس منديه ومقادم الا في الحله فقط .

يعني الرياض على كبر مساحته لا يوجد مثل هذا المطعم .

بصراحه فيه ناس تاتي للحله علشان هذه المطاعم فقط .

برايكم هل فكرة هذا المشروع جيده ومجديه ام لا .

اتمني ان تعطوني ارائكم ومقترحاتكم لهذا المشروع .

والسلام عليكم ورحمة الله وبركاته.

والله ماطنيت الحين الشعب طايحين في الهمبرقر والبيتزا
يجي من يفيدك اخوي

راس وكراعين ما اتوقع بينجح هذا يبيله سنين يجمع زباينه وينعرف

وعليكم السلام ورحمة الله وبركاته

الله يوفقه ويرزقه

لكن برأيي ان هذي النوعية من المطاعم لها ناسها المخصصين

فمشورتي قبل يغيص يقيس

يعني يستقصي المكان اللي ممكن يكون تجمع لهم

وكخطوة اولى ممكن ياخذ قسم من مطبخ قائم بالايجار لهالخدمة

بعدها لما ينعرف يتوسع وينفرد بمطبخه وبخدمته

موفق خير ان شاء الله

اتوقع مثل هالمشاريع يبيلها صبر طويل الامد في الارباح

ويبيلها اعلانات وعروض لكسب العميل

واهم شيء الطعم والنكهه في الطبخ

انصحك... بالاستخارة ...ودراسه المشروع بتمعن



هذا والله اعلم

مشروع حلو

وحنا ناكل هاذي الطبخة كل يوم جمعة الصباح

اتمنى لك التوفيق

من رأي البقية
وفقك الله