22-09-2010, 09:45 AM
|
عضو جديد
|
|
تاريخ التسجيل: Sep 2010
المشاركات: 26
معدل تقييم المستوى: 28
|
|
فكره مشروع حلو
بسم الله الرحمن الرحيم
اخواني اخواتي الحين الواحد اذا بغاء يشتغل يدور على الشئ الى يحبه صح ,, لا غلط هذا الكلام الشخص يدور على الشئ الى اشتغل فيه يرتاح فيه نفسين او الى يقدر يمشي الشغل صح وبكل اخلاص وآمانه من غير مآيطفش او يمل .. << مجرد مقدمه بسيطه
الفكره او المشروع ومكان اقامته :
1- افضل مكان بالنسبه للمشروع الرياض لان الرياض اي مطعم تفتحه بيمشي لان هو بمجال مؤكلات واكثر الناسيآكلون بره
2- المشروع هو مشروع تعاوني فالدرجه الاولى وهو موجود بالرياض وهو مطعم بروستد ويوجد له الكثير من المنافسين
مقومات نجاح المشروع : هذي اهم خطوه
1- الامانه والجد فالعمل مو تجيب عامل وانت الى تشتغل فيه والله لا يهينك تعلم حتى البنقالي مآيعرف بس يتعلم يعني من مقومات نجاحه ان الى يشتغل فيه انت
2- النيه الزينه وانك تنوي انك تقدمافضل خدمه لو على مقابل بسيط وانك ترضي ربك في عملك قبل لا ترضي الناس
3- اهم شئ وهي انك غير عن المطاعم الباقيه من ناحيه المواد والاغراض الى تبي تجيبه
الحين نبداء فالمشروع :
الخطوه الاولى : العلاقات والمواد الخاصه
1- تروح لمزرعه دجاج وادور على افضل مزرعه او تدور واحد يربي الدجاج تربيه صح ويعتني فيها ويآكلها افضل الطعام ومبتعد عن اي شئ كيماوي او خارج عن الطبيعه وتتفق انت وهو على انك تآخذ منه كميه كل فتره بسعر مخفض ويكون التعامل وطني يعني تدور على سعودي يفضل لانه ابن بلدك ومو غاشك خاصه اذا كانت التعاملات بينكم طيبه
2- تروح دور مزرعه خضار كويسه الله لا يهينك وتدور على افضل مزرعه وحاول تدور على الخضار الطبيعيه الى مآينرش عليها كمياويات او مسرعات نمو او اي شئ غير طبيعي لان طعمها بيكون غير وتتفق انت وهو
3- كان بودي اعرف كيف يسون الزيت وبحثه ومآلقيت والى يعرف كيف يتسوى الزيتالطبيعي النباتي والحيواني يآريت يفيدنى
كذا انت ربحان افضل المكونات وصفقات حلوه وهم ربحانين بعد وصدقني هذا بيجي اثره بالمستقبل وبتشوف في عينك
الخطوه الثانيه : المطعم والمكان
1- المكان مهم جدا جدا جدا ولازم يكون معالمه واضحه ويكون سهل الوصول له
2- الديكور الافضل انه يكون لونين او ثلاثه بالكثير ويكون اللون الرئيسي له الابيض والون الفرعي ( برتقالي فاتح او احمر فاتح ) يعني شئ بسيط لكن حلو ويكون الشعار كويس , وابتكر وفكر واكيد لازم تخلي المكان رايق للجلوس مو كانه بوفيه يعني حآول تسوي الديكو في نفسك مآتطلب من احد يصمم لك وصدقني آن التصميم بيكون احلى شئ
3- العده حقت المطعم صراحه انا مآفضل انك تشتريها من هنا او تدور لك احد يجيبها فضل انك تروح الدول العربيه وتدخل مطاعم البروستد وتشوف وتلاحظ العده الى عندهم وتشوف احسن شئ وافضل شئ وتحاول تفهم كيف طريقه عملها وبعدها توجه الى الخارج يعني الدول الغربيه واطلب تصميم خاص يكون مناسب ويقدر يخدمك على اكمل وجه طبعا بعد مآتشوف العده عندهم وكيف اليتها
4- الخدمه لازم تكون احسن خدمه وبالنسه انك سعودي وتعمل فيه وبتحاول المعاونين الى معك يكونون سعوديين فآكيد وميه فالميه ان الشباب بتكون معاملتهم غير لكم وان بيسير في تآلف اكثر وبتسير فيه شبه ميانه بينك وبين الزبون لانكم من نفس الجلده واهم شئ مو اللباقه الاسلوب والاحترام وتفرض احترامك
5- طريقتك الخاصه ولمساتك مهمه طبعا حيث ان القائمه مآتكون تقليديه الحين انت مشروعك مو مشروع عامل في بروستد انت صاحب المطعم او الموكل فيه يعني انت الحين مهنتك طباخ ومسؤل يعني تحط وصفات تشيل وصفات تزيد على المنيو = القائمه ,, لك الحق تسوي اي شئ يكون بمصلحه او ضرر المنشآه ,, وطبعا مع الوقت اذا كنت مميز وعندك القدره صدقني بتسوي اشياء مآحد سوها
الخطوه الثالثه : التسويق ,, طبعا التسويق له عديد من الاسترتيجيات بذكر كم شئ منها
1- اعزم اقاربك واهلك ولا تستحي وافتخر ان هذا المكان لك او انت المسؤل عنه في حال توكلت منه ولازم تكون انك تقدم احسن شئ في السوق
2- اعزم احد الصحافيين وآرسل دعوات ترى مآفيها شئ
3- قدم كوبونات لوجبات مجانيه حقيقيه
4- وزع في الحي الموجود اوراق فيه وقدم خدمه التوصيل
استرتيجيات والخطه الخاصه :
- اول شئ انت سعودي يعني بتجيك دعايه ولازم تقدم افضل شئ عندك وتطلع كامل طاقتك وامكانيتك وصدقني بيجونك الناس وبيشوفون وش انت وش وضعك واذا وثقت في نفسك وفي الى تقدمه صدقني خلال فتره بتطلع فوق السحاب
- لا تخاف من المستقبل او تخاف من الخساره وخل الصبر عنوانك ومع النيه الزينه والشغل الكويس مآفي شئ مستحيل
- انت غير ومآقلدت احد وتقدم افضل شئ عشان كذا بيكون تميز ونقطه تحسب في صالحك
- الربح الى تدخله لا تفكر تصرفه او يكون دخل لك لا اجمعه ويمكن تفتح فروع او تطور الخدمه
- اهم استراتيجيه هي انك لا تدور الربح او الفلوس بالعكس قدم افضل شئ بآرخص شئ وخل فرحتك مو بكسب الفلوس لا بكسب القلوب
هذي الفكره وهذا المشروع قدامك وباقي التكاليف انت احسبها وانت وشطارتك
الثابت :
- ايجار محل : ثابت سنوي
- ديكور : مره واحده وخلاص
- معدات : المعدات بتكلف بس مره وحده
المتغير :
- المصروف العام للمحل : على حسب الشغل عندك
- اجار العمال : مآتحتاج فيز لانك انت الى بتعمل فيه مما وبعدين اول شهر بيكون العمل قليل بعدها تحدد عدد العمال الى بيعملون معك
- احتياطي شهري : لازم كل شهر تحط احتياطي للمحل
وهذا الى عندي وسلامتكم
|
العرض المتطور
