السلام عليكم ورحمة الله وبركاته
ابغى اشوركم بمشروعي وابغى رايكم بصراحه عنه لان راح افتح مشروع مشابه له وابغى يكون لي عميلات من جميع الفئات العمريه بحيث ادا سويت مشروعي يكون عندي جماهيره قويه ومعروفه وف نفس الوقت ادخل سوق التجاره بقلب جامد واثقه من حالي ويكون دعايه لي

فكره مشروعي هي تتلخص اني اعطي دروس خصوصيه للمواد الدراسيه لجميع المراحل من ابتدائي وتاسيسيه الصفوف الاولى لجميع المواد اما المرحلتين المتوسطه والثانويه اقتصر ع اعطهما ماده الرياضيات لان ماشاء الله تبارك الله مبدعه فيها بس الله ماكتب لي التعين رسمي
ويكون عندي ف البيت وهيئ غرفه لدراسه بعيده عن جوء المدرسه (الاولاد من اول ابتدائي الى الثالث ابتدائي)
بس عندي ملاحظه هو عندي ولدي اول ابتدائي ولكل يقول عطيه كل طاقتك ومجهودك بلا تدريس لعيال الناس هو اهم بتاسيس مع اني راح اهتم فيه واسسه صح مثل ماراح اسس الاطفال
المشكله هو ان ولدي صعب عنده الحفظ مع انه حافظ بعض السور ويعرف الحروف والأرقام ماشاء الله عليه

شو رايكم بفكرتي الجهنميه خخخخخخ
وراح يكون الدفع المبلغ لكل ماده شهريا وايتدائي يكون سعر الماده 100 ريال
*وراح اسوي مثل الكشك ابيع شبس والعصيرات لزياده الدخل
شورو علي ياجماعه الخير

أنا أشوف من وجهة نظري إنه مشروع ناجح والله يوفقك ....

شكرا ع الرد اخوي
الله يوفقك

السلام عليكم
اختي مشروع التدريس الخصوصي ناجح ولك كمان اجر تأدين الرساله
لا خير في كاتم العلم
لكن لا يكون كل وقتك تدريس لازم تخصصي وقت مثلا العصر والمغرب تدريس وباقي الوقت اهتمي بطفلك وببيتك
من ناحية مشروع البطاطس والعصيرات اذا كان بالبيت حلو واشجعك عليه
اما اذا كان خارج البيت وعامل يديره فيحتاج لك رجال يتابعه لان بعض العماله ما ينفع معهم الا رجال فوق راسه
والله يوفقك اختي ويرزقك من حيث لا تحتسبي

موفقة وأبشري بالخير فلكل مجتهد نصيب

حلووه والله يوفقك وفكرت فيها بس مافكرت ابيع عليهم الاكل تكفيني قيمة التدريس الخصوصي انا بضيفهم عندي عشان اكسبهم

بالتوفيق اختي,, مشروع حلو بدل القعده عالفاضي!! الله يعيننا بس

السلام عليكم

اختي فكره جيده بالتدريس ولكن تبيعي بطاطس وعصيرات صعبه انا اقول ترفعين سعر الماده شوي ويكون العصير والبطاطس وجبه مجانيه من عندك بهذي الحركه راح تكسبين اهلهم والطالبات راح ينبسطون

وجهه نظر